ದುಬೈ: ಭಾರತೀಯ ಬ್ಯಾಟರ್ಗಳಾದ ಶೆಫಾಲಿ ವರ್ಮಾ, ಸ್ಮೃತಿ ಮಂಧಾನ ಹಾಗೂ ಜಮೀಮಾ ರೋಡ್ರಿಗಸ್ ಅವರು ಐಸಿಸಿ ಪ್ರಕಟಿಸಿದ ನೂತನ ಟಿ-20 ಶ್ರೇಯಾಂಕ ಪಟ್ಟಿದಲ್ಲಿ ಅಗ್ರ 10ರೊಳಗೆ ಕಾಣಿಸಿಕೊಂಡಿದ್ದಾರೆ.
ಶೆಫಾಲಿ ಮೂರನೇ ಸ್ಥಾನದಲ್ಲಿದ್ದರೆ, ಮಂಧಾನ ಹಾಗೂ ರೋಡ್ರಿಗಸ್ 7 ಮತ್ತು 9ನೇ ಸ್ಥಾನವನ್ನು ಉಳಿಸಿಕೊಂಡಿದ್ದಾರೆ. ಕಿವೀಸ್ ವಿರುದ್ಧದ ಸರಣಿಯಲ್ಲಿ ವೈಫಲ್ಯಕಂಡರೂ ಆಸ್ಟ್ರೇಲಿಯಾ ಬೆತ್ ಮೂನಿ ನಂಬರ್ ಒನ್ ಸ್ಥಾನವನ್ನು ಉಳಿಸಿಕೊಳ್ಳುವಲ್ಲಿ ಸಫಲರಾಗಿದ್ದಾರೆ.
ಬೌಲರ್ಸ್ ರ‍್ಯಾಂಕಿಂಗ್ನಲ್ಲಿ ದೀಪ್ತಿ ಶರ್ಮಾ ಗರಿಷ್ಠ ಶ್ರೇಯಾಂಕ್ ಪಡೆದಿರುವ ಬೌಲರ್ ಆಗಿದ್ದಾರೆ. ಅವರು ಪ್ರಸ್ತುತ 6ನೇ ಸ್ಥಾನವನ್ನು ಆಕ್ರಮಿಸಿಕೊಂಡಿದ್ದಾರೆ. ಇವರ ನಂತರ ರಾಧಾ ಯಾದವ್ ಹಾಗೂ ಪೂನಮ್ ಯಾದವ್ 7 ಮತ್ತು 8ನೇ ಸ್ಥಾನದಲ್ಲಿದ್ದಾರೆ. ಆಲ್ರೌಂಡರ್ ವಿಭಾಗದಲ್ಲಿ ದೀಪ್ತಿ ಶರ್ಮಾ ಅಗ್ರ 10ರಲ್ಲಿರುವ ಏಕೈಕ ಭಾರತೀಯರಾಗಿದ್ದಾರೆ.
ಇತ್ತೀಚೆಗೆ ಮುಗಿದ ಕಿವೀಸ್ ವಿರುದ್ಧದ ಸರಣಿಯಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿದ ಆಸ್ಲೇ ಗಾರ್ಡ್ನರ್ ವೃತ್ತಿ ಜೀವನದ ಗರಿಷ್ಠ 18 ನೇ ಶ್ರೇಯಾಂಕಕ್ಕೆ ಲಗ್ಗೆಯಿಟ್ಟರೆ, ನಾಯಕಿ ಲ್ಯಾನ್ನಿಂಗ್ ಒಂದು ಸ್ಥಾನ ಏರಿಕೆ ಕಂಡು 5 ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಕಿವೀಸ್ ಬ್ಯಾಟರ್ಗಳಾದ ಸೋಫಿ ಡಿವೈ ಹಾಗೂ ಸೂಜೀ ಬೇಟ್ಸ್ ಮೊದಲೆರಡು ಸ್ಥಾನದಲ್ಲಿದ್ದಾರೆ.
