ಐಸಿಸಿ ಟಿ-20 ರ‍್ಯಾಂಕಿಂಗ್​​​: 2ನೇ ಸ್ಥಾನದಲ್ಲಿ ರಾಹುಲ್​​​​​​, ಏರಿಕೆ ಕಂಡ ಆಸ್ಟ್ರೇಲಿಯಾ ಆಟಗಾರರು!

ಬೌಲರ್​ಗಳ ಪಟ್ಟಿಯಲ್ಲಿ ಕೂಡ ಆಸ್ಟ್ರೇಲಿಯಾ ಬೌಲರ್​ಗಳು ಉತ್ತಮ ಸಾಧನೆ ಮೆರೆದಿದ್ದಾರೆ. ಮೊದಲ ಪಂದ್ಯದಲ್ಲಿ ಹ್ಯಾಟ್ರಿಕ್​ ವಿಕೆಟ್​ ಪಡೆದಿದ್ದ ಆಶ್ಟನ್ ಅಗರ್​ 8 ವಿಕೆಟ್​ಗಳೊಂದಿಗೆ ಸರಣಿಯಲ್ಲಿ ಟಾಪ್​ ಬೌಲರ್​ ಆಗಿದ್ದರು. ಅವರು 6 ಸ್ಥಾನ ಮೇಲೇರಿದ್ದು, 10ರಿಂದ 4ನೇ ಸ್ಥಾನಕ್ಕೆ ಬಡ್ತಿ ಪಡೆದಿದ್ದಾರೆ.

ಲಂಡನ್​: ದಕ್ಷಿಣ ಆಫ್ರಿಕಾ ವಿರುದ್ಧ ಅದ್ಭುತ ಆಲ್​ರೌಂಡ್​ ಪ್ರದರ್ಶನ ತೋರಿದ ಆಸ್ಟ್ರೇಲಿಯಾ ಆಟಗಾರರು ಐಸಿಸಿ ಟಿ-20 ರ‍್ಯಾಂಕಿಂಗ್‌ನಲ್ಲಿ ಭಾರಿ ಏರಿಕೆ ಕಂಡಿದ್ದಾರೆ.

ಕಿವೀಸ್​ ವಿರುದ್ಧ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದ ಕನ್ನಡಿಗ ಕೆ.ಎಲ್.ರಾಹುಲ್ ಬ್ಯಾಟಿಂಗ್​ ಶ್ರೇಯಾಂಕದಲ್ಲಿ 2ನೇ ಸ್ಥಾನ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಪಾಕಿಸ್ತಾನದ ಬಾಬರ್ ಅಜಮ್​​ ಕೂಡ ನಂಬರ್​ ಒನ್​ ಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಆದರೆ ದಕ್ಷಿಣ ಆಫ್ರಿಕಾ ವಿರುದ್ಧ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದ ಫಿಂಚ್​ ರೇಟಿಂಗ್ ಅಂಕ ಹೆಚ್ಚಿಸಿಕೊಂಡು ರಾಹುಲ್ ಸನಿಹ ಬಂದಿದ್ದಾರೆ. ರಾಹುಲ್​ 823 ಅಂಕ ಪಡೆದಿದ್ದರೆ, ಫಿಂಚ್​ 820 ಅಂಕ ಪಡೆದಿದ್ದಾರೆ.

ಅಶ್ಟನ್​ ಅಗರ್​

ಇನ್ನು ಹರಿಣಗಳ ವಿರುದ್ಧ 2 ಅರ್ಧಶತಕ ಸಿಡಿಸಿದ ವಾರ್ನರ್​ 25ರಿಂದ 18ನೇ ಸ್ಥಾನಕ್ಕೆ, ಕಳೆದ 6 ಇನ್ನಿಂಗ್ಸ್​ಗಳಲ್ಲಿ 250 ರನ್​ ಸಿಡಿಸಿರುವ ಸ್ಮಿತ್​ 53ನೇ ಸ್ಥಾನದಿಂದ 25ನೇ ಸ್ಥಾನಕ್ಕೆ ಜಿಗಿದಿದ್ದಾರೆ.

ಬೌಲರ್​ಗಳ ಪಟ್ಟಿಯಲ್ಲಿ ಕೂಡ ಆಸ್ಟ್ರೇಲಿಯಾ ಬೌಲರ್​ಗಳು ಉತ್ತಮ ಸಾಧನೆ ಮೆರೆದಿದ್ದಾರೆ. ಮೊದಲ ಪಂದ್ಯದಲ್ಲಿ ಹ್ಯಾಟ್ರಿಕ್​ ವಿಕೆಟ್​ ಪಡೆದಿದ್ದ ಆಶ್ಟನ್ ಅಗರ್​ 8 ವಿಕೆಟ್​ಗಳೊಂದಿಗೆ ಸರಣಿಯಲ್ಲಿ ಟಾಪ್​ ಬೌಲರ್​ ಆಗಿದ್ದರು. ಅವರು 6 ಸ್ಥಾನ ಮೇಲೇರಿದ್ದು, 10ರಿಂದ 4ನೇ ಸ್ಥಾನಕ್ಕೆ ಬಡ್ತಿ ಪಡೆದಿದ್ದಾರೆ.

ಐಸಿಸಿ ಟಿ-20 ರ‍್ಯಾಂಕಿಂಗ್‌

ಅವರ ಸಹ ಬೌಲರ್​ ಆ್ಯಡಂ ಜಂಪಾ 4ರಿಂದ 3ನೇ ಸ್ಥಾನಕ್ಕೆ, ಮಿಚೆಲ್ ಸ್ಟಾರ್ಕ್​ 15 ಸ್ಥಾನ ಏರಿಕೆ ಕಂಡು 24ಕ್ಕೆ, ಕಮಿನ್ಸ್​ 21ರಿಂದ 18ಕ್ಕೆ, ಕೇನ್​ ರಿಚರ್ಡ್ಸನ್​ 24ರಿಂದ 11ಕ್ಕೆ ಬಡ್ತಿ ಪಡೆದಿದ್ದಾರೆ.