ಮುಂಬೈ: ಭಾರತ ಟೆಸ್ಟ್ ತಂಡದ ಖಾಯಂ ಸದಸ್ಯನಾಗಿರುವ ಚೇತೇಶ್ವರ್ ಪೂಜಾರ 2016ರಲ್ಲಿ ತಮ್ಮದೇ ರಾಜ್ಯದ ಗುಜರಾತ್ ಲಯನ್ಸ್ ತಮ್ಮನ್ನು ಖರೀದಿಸದಿದ್ದಾಗ ತುಂಬಾ ಬೇಸರವಾಗಿತ್ತು ಎಂದು ಹೇಳಿಕೊಂಡಿದ್ದಾರೆ.
2014ರಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಪರ ಕೊನೆಯ ಬಾರಿ ಐಪಿಎಲ್ನಲ್ಲಿ ಕಾಣಿಸಿಕೊಂಡಿದ್ದ ಪೂಜಾರ ಇದೀಗ 7 ವರ್ಷಗಳ ಕಾಯುವಿಕೆಯ ನಂತರ ಎಂಎಸ್ ಧೋನಿ ನಾಯಕತ್ವದ ಸಿಎಸ್ಕೆ ತಂಡ ಅವರನ್ನು 50 ಲಕ್ಷ ರೂ ಮೂಲಬೆಲೆಗೆ ಖರೀದಿಸಿದೆ. ಮುಂಬೈನಲ್ಲಿ ಅಭ್ಯಾಸ ನಡೆಸುತ್ತಿರುವ ಅವರು ಮಾಧ್ಯಮದೊಂದಿಗೆ ಮಾತನಾಡುವ ವೇಳೆ 2016ರಲ್ಲಿ ಐಪಿಎಲ್ಗೆ ಸೇರ್ಪಡೆಗೊಂಡಿದ್ದ ಗುಜರಾತ್ ಲಯನ್ಸ್ ಫ್ರಾಂಚೈಸಿ ನನ್ನನ್ನು ಆಯ್ಕೆ ಮಾಡದಿದ್ದಕ್ಕೆ ತುಂಬಾ ಬೇಸರಗೊಂಡಿದ್ದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: IPL 2021: ಡೆಲ್ಲಿ ಕ್ಯಾಪಿಟಲ್ಸ್ ನಾಯಕನಾಗಿ ಬಡ್ತಿ ಪಡೆದ ರಿಷಭ್ ಪಂತ್
33 ವರ್ಷದ ಪೂಜಾರ 30 ಐಪಿಎಲ್ ಪಂದ್ಯಗಳನ್ನಾಡಿದ್ದು, 20 ಸರಾಸರಿ, 99.7ರ ಸ್ಟ್ರೈಕ್ರೇಟ್ನಲ್ಲಿ ಕೇವಲ 390ರನ್ಗಳಿಸಿದ್ದಾರೆ. 2010ರಲ್ಲಿ ಕೆಕೆಆರ್, ನಂತರ 3 ವರ್ಷಗಳ ಕಾಲ 2011ರಿಂದ 2013ರವರೆಗೆ ಆರ್ಸಿಬಿ ಮತ್ತು 2014ರಲ್ಲಿ ಕೊನೆಯ ಬಾರಿ ಪಂಜಾಬ್ ತಂಡದಲ್ಲಿ ಆಡಿದ್ದರು. ನಂತರ ಸತತ 6 ವರ್ಷಗಳ ಹರಾಜಿನಲ್ಲಿ ಯಾವ ಫ್ರಾಂಚೈಸಿಗಳು ಪೂಜಾರ ಅವರನ್ನು ಖರೀದಿಸಿರಲಿಲ್ಲ.
ಕ್ರೀಡಾ ವೆಬ್ಸೈಟ್ಗೆ ನೀಡಿದ ಸಂದರ್ಶನದಲ್ಲಿ ಪೂಜಾರ 2016ರಲ್ಲಿ ಗುಜರಾತ್ ಲಯನ್ಸ್ ತಮ್ಮ ಆಯ್ಕೆ ಮಾಡಿಕೊಳ್ಳದ್ದಕ್ಕೆ ಬೇಸರವಿದೆ ಎಂದಿದ್ದಾರೆ.
ನನ್ನನ್ನು ಆಯ್ಕೆ ಮಾಡದಿರುವುದಕ್ಕೆ ತುಂಬಾ ನಿರಾಶೆಯಾಗಿತ್ತು. ಆದರೆ ಅದು ನನ್ನ ನಿಯಂತ್ರಣದಲ್ಲಿರಲಿಲ್ಲ. ಆದರೆ ಖಂಡಿತ ಆ ತಂಡದ(ಗುಜರಾತ್ ಲಯನ್ಸ್) ಭಾಗವಾಗಿದ್ದರೆ ಚೆನ್ನಾಗಿರುತ್ತಿತ್ತು. ಅದೆಲ್ಲಾ ಈಗ ಮುಗಿದ ಕಥೆ. ನಾನು ಅದರಿಂದ ಮುಂದುವರೆದಿದ್ದೇನೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: 'ಬೆಸ್ಟ್ ಮ್ಯಾನ್ ಫಾರ್ ದಿ ಜಾಬ್': ಕ್ಯಾಪ್ಟನ್ ಆಗಿ ಆಯ್ಕೆಯಾದ ರಿಷಭ್ ಬಗ್ಗೆ ಶ್ರೇಯಸ್ ಮಾತು..
ಇನ್ನು ಮತ್ತೆ ಧೋನಿ ನಾಯಕತ್ವದಲ್ಲಿ ಆಡುವುದಕ್ಕೆ ಖುಷಿಯಾಗುತ್ತಿದೆ. ಟಿ20 ಕ್ರಿಕೆಟ್ನಲ್ಲಿ ಅವರಿಂದ ಕಲಿಯುವಂಥದ್ದು ಸಾಕಷ್ಟಿದೆ. ದಿಗ್ಗಜರಿರುವ ಈ ತಂಡದಲ್ಲಿ ಆಡಲು ಸಂತಸವಾಗುತ್ತಿದೆ. ಫ್ರಾಂಚೈಸಿ ನನ್ನ ಮೇಲೆ ನಂಬಿಕೆ ತೋರಿದ್ದಕ್ಕೆ ನಾನು ಋಣಿ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಆ ತಂಡ ನನ್ನನ್ನು ಖರೀದಿಸದಿದ್ದಾಗೆ ತುಂಬಾ ಬೇಸರವಾಗಿತ್ತು: ಪೂಜಾರ
