ಕ್ಯಾನ್ಬೆರಾ: ಆಸ್ಟ್ರೇಲಿಯಾ ವಿರುದ್ಧ ಭಾರತ ತಂಡ ಸೋಲು ಕಂಡಿದ್ದರೂ ಕೆಲವೊಂದು ವಿಭಾಗದಲ್ಲಿ ಅನುಭವಿಸುತ್ತಿದ್ದ ಕೆಲವು ಲೋಪಗಳನ್ನು ತಿದ್ದಿಕೊಂಡಿದೆ. ಅದರಲ್ಲಿ ಕೆಳ ಕ್ರಮಾಂಕದಲ್ಲಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರಿರುವ ಹಾರ್ದಿಕ್ ಪಾಂಡ್ಯ ಕೂಡ ಕೊಹ್ಲಿ ಬಳಗದ ಸಕಾರಾತ್ಮಕ ಬದಲಾವಣೆಯಾಗಿದೆ.
ಈ ಪಂದ್ಯಕ್ಕೂ ಮುನ್ನ ಭಾರತ ತಂಡ ನ್ಯೂಜಿಲ್ಯಾಂಡ್ ವಿರುದ್ಧ ಸತತ 3 ಹಾಗೂ ಆಸೀಸ್ ವಿರುದ್ಧ ಸತತ 2 ಏಕದಿನ ಪಂದ್ಯಗಳಲ್ಲಿ ಸೋಲು ಕಂಡಿತ್ತು. ಆದರೆ, ಕ್ಯಾನ್‌ಬೆರಾದಲ್ಲಿ ರೋಚಕ 13 ರನ್ಗಳ ಗೆಲುವು ಪಡೆಯುವ ಮೂಲಕ ಮತ್ತೆ ಗೆಲುವಿನ ಹಳಿಗೆ ಮರಳಿದೆ. ಈ ಪಂದ್ಯದಲ್ಲಿ 92 ರನ್ಗಳಿಸಿದ ಹಾರ್ದಿಕ್ ಪಾಂಡ್ಯ ಕೊಹ್ಲಿ ಪಡೆಯ ವಿಜಯದಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.
ನಾನು ಟಿ-20 ಸರಣಿಯನ್ನಾಡಲು ಉತ್ತಮನಿದ್ದೇನೆ. ಇಂದಿನ ಗೆಲುವು ತಂಡಕ್ಕೆ ಪಾಸಿಟಿವ್ ಮನೋಭಾವನೆಯನ್ನು ತಂದುಕೊಟ್ಟಿದೆ. ನಾನು ದೇಶಕ್ಕಾಗಿ ಆಡಲು ಸಾಕಷ್ಟು ಕಠಿಣ ಪರಿಶ್ರಮ ಪಟ್ಟಿದ್ದೇನೆ. ಈ ಸರಣಿಯಲ್ಲಿಪಾಲ್ಗೊಂಡಿರುವುದಕ್ಕೆ ಸಂತಸವಾಗಿದೆ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಸ್ವೀಕರಿಸಿದ ನಂತರ ತಿಳಿಸಿದ್ದಾರೆ.
ಈ ಪಂದ್ಯದಲ್ಲಿ 76 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 92 ರನ್ಗಳಿಸಿದ್ದರು. ಅಲ್ಲದೇ ಜಡೇಜಾ ಜೊತೆಗೆ 6ನೇ ವಿಕೆಟ್ಗೆ 150 ರನ್ಗಳ ಜೊತೆಯಾಟ ನಡೆಸಿದ್ದರು. ಈ ಪಂದ್ಯದಲ್ಲಷ್ಟೇ ಅಲ್ಲದೆ ಮೊದಲ ಪಂದ್ಯದಲ್ಲೂ 90ರನ್ಗಳಿಸಿದ್ದರು.
