ಕ್ರಿಕೆಟ್​ ಆಡುತ್ತಾ ಮೈದಾನದಲ್ಲೇ ಕೊನೆಯುಸಿರೆಳೆದ ಹೈದರಾಬಾದ್​ ಕ್ರಿಕೆಟಿಗ

ಹೃದಯ ಸಂಬಂಧಿ ಖಾಯಿಲೆ ಇದೆ ಎಂದು ತಿಳಿದಿದ್ದರೂ ಕ್ರಿಕೆಟ್​ ಬಿಡದ ಹೈದರಾಬಾದಿನ ಕ್ಲಬ್​ ಲೆವೆಲ್​ ಕ್ರಿಕೆಟಿಗ ಮೈದಾನದಲ್ಲಿ ಹೃದಯಾಘಾತಕ್ಕೆ ಬಲಿಯಾಗಿದ್ದಾನೆ.

ಹೈದರಾಬಾದ್​: 41 ವರ್ಷದ ವಿರೇಂದ್ರ ನಾಯ್ಕ್​ ಎಂಬ ಹೈದರಾಬಾದ್ ಕ್ರಿಕೆಟಿಗ ಮೈದಾನದಲ್ಲಿ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ.

ಮೂಲತಃ ಮಹಾರಾಷ್ಟ್ರದವರಾದ ವಿರೇಂದ್ರ ಹೈದರಾಬಾದಿನ ಮರ್ರೆಡ್ಪಲ್ಲಿ ಕ್ರೀಡಾ ಕ್ಲಬ್​ ಪರ ಆಡುತ್ತಿದ್ದರು. ಭಾನುವಾರ ಮರ್ರೆಡ್ಪಲ್ಲಿ ಬ್ಲೂಸ್​ ತಂಡದ ವಿರುದ್ಧ 1-3 ವಿಭಾಗದ ಏಕದಿನ ಪಂದ್ಯವಾಡುವ ವೇಳೆ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

ವಿರೇಂದ್ರ ನಾಯ್ಕ್​

ಮೃತ ಕ್ರಿಕೆಟಿಗನ ಪತ್ನಿ ಗೃಹಿಣಿಯಾಗಿದ್ದು, ಈತನಿಗೆ 8 ವರ್ಷದ ಮಗ ಹಾಗೂ 5 ವರ್ಷದ ಒಂದಿ ಹೆಣ್ಣು ಮಗುವಿದೆ ಎಂದು ತಿಳಿದುಬಂದಿದೆ.

ವಿರೇಂದ್ರನಿಗೆ ಹೃದಯ ಸಂಬಂಧಿ ಖಾಯಿಲೆ ಇರುವುದರಿಂದ ವೈದ್ಯರು ಕ್ರಿಕೆಟ್​ ಆಡದಂತೆ ಸಲಹೆ ನೀಡಿದ್ದರು. ಆದ್ರೆ ಕ್ರಿಕೆಟ್​ ಮೇಲಿನ ಪ್ರೀತಿಯಿಂದ ಇದೀಗ ತಮ್ಮ ಪ್ರಾಣವನ್ನೇ ಕಳೆದುಕೊಂಡಿದ್ದಾರೆಂದು ಅವರ ಸಹೋದರ ಅವಿನಾಶ್​ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.