ಲಂಡನ್: ವಿಶ್ವಕಪ್ನಲ್ಲಿ ನಿನ್ನೆ ಇಂಗ್ಲೆಂಡ್ ಹಾಗೂ ಅಫ್ಘಾನಿಸ್ತಾನ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಆಂಗ್ಲರ ತಂಡ ನೀಡಿದ್ದ 397ರನ್ಗಳ ಗುರಿ ಬೆನ್ನಟ್ಟಿದ್ದ ಕ್ರಿಕೆಟ್ ಶಿಶು 150ರನ್ಗಳ ಸೋಲು ಕಂಡಿದ್ದು, ಎಲ್ಲರಿಗೂ ತಿಳಿದ ವಿಚಾರ.
ಆಫ್ಘಾನಿಸ್ತಾನದ ಹಸ್ಮತುಲ್ಲಾ ಶಾಹಿದಿ 24ರನ್ಗಳಿಕೆ ಮಾಡಿ, ಬ್ಯಾಟಿಂಗ್ ನಡೆಸುತ್ತಿದ್ದ ವೇಳೆ ಇಂಗ್ಲೆಂಡ್ ಬೌಲರ್ ಮಾರ್ಕ್ ವುಡ್ ಎಸೆದ ಬೌನ್ಸರ್ವೊಂದು ಬ್ಯಾಟ್ಸ್ಮನ್ ಹೆಲ್ಮೆಟ್ಗೆ ಅಪ್ಪಳಿಸಿದ್ದರಿಂದ ಆತ ಮೈದಾನದಲ್ಲೇ ಕುಸಿದು ಬಿದಿದ್ದಾರೆ. ಈ ವೇಳೆ ಕೆಲ ನಿಮಿಷಗಳ ಕಾಲ ಕ್ರಿಕೆಟರ್ಸ್ ಆಘಾತಕ್ಕೊಳಗಾಗಿದ್ದರು. ತಕ್ಷಣ ಐಸಿಸಿ ಹಾಗೂ ಅಫ್ಘಾನಿಸ್ತಾನ ಕ್ರಿಕೆಟ್ ತಂಡದ ಕೆಲ ಪಿಜಿಯೋಗಳು ಮೈದಾನಕ್ಕೆ ದಾವಿಸಿದ್ದು, ಪರೀಕ್ಷೆ ನಡೆಸಿದ್ದರು. ಹೆಲ್ಮೆಟ್ ಒಡೆದು, ನಿಮ್ಮ ತಲೆಗೆ ಗಾಯವಾಗಿದ್ದು, ತಕ್ಷಣ ಮೈದಾನದಿಂದ ಹೊರನಡೆಯಬೇಕಾಗುತ್ತದೆ ಎಂದು ತಿಳಿಸಿದ್ದಾರೆ.
ಇದಕ್ಕೆ ನಿರಾಕರಿಸಿದ ಹಸ್ಮತುಲ್ಲಾ ಶಾಹಿದಿ, ಸದ್ಯದ ಪರಿಸ್ಥಿತಿಯಲ್ಲಿ ತಂಡಕ್ಕೆ ನನ್ನ ಅವಶ್ಯಕತೆ ತುಂಬಾ ಇದೆ. ತಾವು ಬ್ಯಾಟಿಂಗ್ ಮುಂದುವರೆಸುವುದಾಗಿ ಹೇಳಿದ್ದಾರೆ. ಜತೆಗೆ ತಕ್ಷಣವೇ ಬ್ಯಾಟ್ ಬೀಸಲು ಸಜ್ಜಾಗಿದ್ದಾರೆ. ಇದನ್ನ ನೋಡಿದ ಕ್ರೀಡಾಭಿಮಾನಿಗಳು ಚಪ್ಪಾಳೆ ತಟ್ಟಿದ್ದರು. ಇದೇ ವಿಷಯವನ್ನ ಮ್ಯಾಚ್ ಮುಗಿದ ಬಳಿಕವೂ ಹಸ್ಮತುಲ್ಲಾ ಪುನರುಚ್ಚಿಸಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಬ್ಯಾಟ್ ಬೀಸಿದ ಹಸ್ಮತುಲ್ಲಾ 76 ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದ್ದರು.
