ಒಂದೇ ಓವರ್‌ನಲ್ಲಿ 28 ರನ್‌! ಕಿವೀಸ್‌ ವಿರುದ್ಧ ಮ್ಯಾಕ್ಸ್‌ವೆಲ್‌ ಆರ್ಭಟ; ಮುರಿದೇ ಹೋಯ್ತು ಸ್ಟ್ಯಾಂಡ್‌ ಆಸನ

ಕಿವೀಸ್ ವಿರುದ್ಧ ನಡೆದ ಮೂರನೇ ಟಿ-20 ಕ್ರಿಕೆಟ್ ಪಂದ್ಯದಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್​ ಅಮೋಘ ಬ್ಯಾಟಿಂಗ್ ಪ್ರದರ್ಶಿಸಿದ್ದಾರೆ.

ವೆಲ್ಲಿಂಗ್ಟನ್: ನ್ಯೂಜಿಲ್ಯಾಂಡ್​ ವಿರುದ್ಧ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಆಲ್​ರೌಂಡರ್ ಗ್ಲೇನ್​ ಮ್ಯಾಕ್ಸ್‌ವೆಲ್ ಅಬ್ಬರದ ಬ್ಯಾಟಿಂಗ್ ಮೂಲಕ ಕ್ರಿಕೆಟ್‌ ಪ್ರೇಮಿಗಳ ಮನ ಗೆದ್ದರು. ತಾವು ಎದುರಿಸಿದ 31 ಎಸೆತಗಳಲ್ಲಿ 70 ರನ್​ಗಳಿಕೆ ಮಾಡಿರುವ ಅವರು, ತಂಡದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ನಿರ್ವಹಿಸಿದರು.

ಇಂದಿನ ಪಂದ್ಯದಲ್ಲಿ ಅವರು 8 ಬೌಂಡರಿ ಹಾಗೂ 5 ಸಿಕ್ಸರ್ ಸಿಡಿಸಿದರು. ನ್ಯೂಜಿಲ್ಯಾಂಡ್ ತಂಡದ ಜೇಮ್ಸ್ ನೀಶಮ್​ ಎಸೆದ 17ನೇ ಓವರ್​ಗಲ್ಲಿ 2 ಸಿಕ್ಸರ್ ಸೇರಿದಂತೆ 28ರನ್​ಗಳಿಕೆ (4,6,4,4,4,6)ಮಾಡಿರುವ ಮ್ಯಾಕ್ಸ್‌ವೆಲ್​, ಎಲ್ಲ ಎಸೆತಗಳನ್ನೂ ಬೌಂಡರಿ ಗೆರೆ ದಾಟಿಸಿದ್ದಾರೆ.

ಜತೆಗೆ ಇದೇ ಓವರ್​ನಲ್ಲಿ ಅವರು ಸಿಡಿಸಿದ ಸಿಕ್ಸರ್​ವೊಂದು ನೇರವಾಗಿ ಪ್ರೇಕ್ಷಕರು ಕುಳಿತುಕೊಳ್ಳುವ ಸ್ಟ್ಯಾಂಡ್​ನ ಆಸನಕ್ಕೆ ಬಡಿಯಿತು. ಪರಿಣಾಮ ಆಸನ ಮುರಿದು ಹೋಗಿದೆ.

• Maxwell vs Neesham
  4 6 4 4 4 6
  RCB blood >>>>>>>>>> pic.twitter.com/71WWMsoo2W

  — PUBG (@pubg75112241) March 3, 2021 " class="align-text-top noRightClick twitterSection" data="

  Maxwell vs Neesham
  4 6 4 4 4 6
  RCB blood >>>>>>>>>> pic.twitter.com/71WWMsoo2W

  — PUBG (@pubg75112241) March 3, 2021

  ">

  Maxwell vs Neesham
  4 6 4 4 4 6
  RCB blood >>>>>>>>>> pic.twitter.com/71WWMsoo2W

  — PUBG (@pubg75112241) March 3, 2021

ಮ್ಯಾಕ್ಸ್‌ವೆಲ್ ಪ್ರಸಕ್ತ ಸಾಲಿನ ಐಪಿಎಲ್​ ಟೂರ್ನಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿದ್ದು, ಇದೀಗ ತಂಡಕ್ಕೆ ಆನೆಬಲ ಬಂದತಾಗಿದೆ.

ಇಂದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ 4 ವಿಕೆಟ್ ​ನಷ್ಟಕ್ಕೆ 208 ರನ್​ಗಳಿಕೆ ಮಾಡಿ, ಎದುರಾಳಿ ತಂಡಕ್ಕೆ ಬೃಹತ್ ಟಾರ್ಗೆಟ್ ನೀಡಿತ್ತು. ಈ ಗುರಿ ಬೆನ್ನತ್ತಿದ ನ್ಯೂಜಿಲ್ಯಾಂಡ್​ 17.1 ಓವರ್​ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 144 ರನ್​ಗಳಿಕೆ ಮಾಡುವಲ್ಲಿ ಮಾತ್ರ ಶಕ್ತವಾಯಿತು. ಜತೆಗೆ 64 ರನ್​ಗಳ ಸೋಲು ಕಂಡಿದೆ.