ಮುಂಬೈ: 2020 ಟಿ20 ವಿಶ್ವಕಪ್ ಮುಂದೂಡುವ ಸುದ್ದಿ ಹರಡುತ್ತಿದ್ದಂತೆ ಕೊನೆಯ ವಿಶ್ವಕಪ್ ಆಡುವ ಕನಸಿನಲ್ಲಿರುವ ಧೋನಿ ವೃತ್ತಿ ಬದುಕು ಮುಗಿದೆ ಹೋಯಿತು ಎನ್ನುವ ಅರ್ಥದಲ್ಲಿ ಭಾರತೀಯ ಅಭಿಮಾನಿಗಳು ಟ್ವೀಟ್ ಮಾಡುತ್ತಿದ್ದಾರೆ.
ಬುಧವಾರ #DhoniRetires ಎಂಬ ಹ್ಯಾಶ್ ಟ್ಯಾಗ್ನೊಡನೆ ಟ್ವೀಟ್ ಮಾಡುತ್ತಿದ್ದರು. ಇದಕ್ಕೆ ಧೋನಿ ಅಭಿಮಾನಿಗಳು ಹಾಗೂ ಧೋನಿ ಪತ್ನಿ ಸಾಕ್ಷಿ ಆಕ್ರೋಶಬರಿತ ಟ್ವೀಟ್ ಮಾಡಿದ್ದಾರೆ.
‘ಇದು ಕೇವಲ ಸುಳ್ಳು ಸುದ್ದಿ, ಲಾಕ್ ಡೌನ್ನಲ್ಲಿ ಜನರ ಮಾನಸಿಕ ಸ್ಥಿತಿ ಹದಗೆಟ್ಟಿದೆ ಎಂದು ನನಗೆ ತಿಳಿದಿದೆ’ ಎಂದು ಸಾಕ್ಷಿ ಟ್ವೀಟ್ ಮಾಡಿ ತಮ್ಮ ಆಕ್ರೋಶ ಹೊರ ಹಾಕಿದ್ದಾರೆ. ಆದರೆ ಸ್ವಲ್ಪ ಹೊತ್ತಿಗೆ ಆ ಟ್ವೀಟ್ ಡಿಲೀಟ್ ಮಾಡಿದ್ದಾರೆ.
ಧೋನಿ ನಿವೃತ್ತಿ ವದಂತಿ ಬಗ್ಗೆ ಸಾಕ್ಷಿ ಟ್ವೀಟ್ ಮೂಲಕ ಕಿಡಿ ಕಾರುತ್ತಿರುವುದು ಇದೇ ಮೊದಲೇನಲ್ಲ. ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ಸಾಮಾಜಿಕ ಜಾಲಾತಾಣದಲ್ಲಿ ಧೋನಿ ನಿವೃತ್ತಿಯ ಟ್ವೀಟ್ಗಳು ಭಾರಿ ವೈರಲ್ ಆಗಿದ್ದವು, ಅಂದೂ ಕೂಡ ಸಾಕ್ಷಿ, ಇದನ್ನು ಸುಳ್ಳು ಸುದ್ದಿ ಎಂದು ಟ್ವೀಟ್ ಮಾಡಿ ಅಸಮಾಧಾನ ವ್ಯಕ್ತಪಡಿಸಿದ್ದರು.
2019ರ ವಿಶ್ವಕಪ್ ಸೆಮಿಫೈನಲ್ ನಂತರ ಧೋನಿ ನಿವೃತ್ತಿ ವಿಚಾರ ಭಾರಿ ಚರ್ಚೆಯಾಗುತ್ತಿದೆ. 2020ರ ಐಪಿಎಲ್ ನಲ್ಲಿ ಆಡಲಿದ್ದಾರೆ. ಇದರಲ್ಲಿ ಉತ್ತಮ ಪ್ರದರ್ಶನ ತೋರಿ ನಂತರ ಟಿ20 ವಿಶ್ವಕಪ್ನಲ್ಲಿ ಭಾರತ ತಂಡಕ್ಕೆ ಮರಳಲಿದ್ದಾರೆ ಎಂದು ಅಭಿಮಾನಿಗಳು ಕಾಯುತ್ತಿದ್ದರು. ಆದರೆ ಕೊರೊನಾ ವೈರಸ್ನಿಂದ ಐಪಿಎಲ್ ಹಾಗೂ ವಿಶ್ವಕಪ್ ಮುಂದೂಡಲಾಗುತ್ತಿದ್ದು ಧೋನಿ ಅಭಿಮಾನಿಗಳಿಗೆ ನಿರಾಶೆಯನ್ನುಂಟು ಮಾಡಿದೆ.
