ನವದೆಹಲಿ: ಭಾರತ ತಂಡದ ರೋಹಿತ್ ಶರ್ಮಾಗೆ ರಾಹುಲ್ ದ್ರಾವಿಡ್ ಅಥವಾ ಸಚಿನ್ ತೆಂಡೂಲ್ಕರ್ ಅವರಂತಹ ಟೆಸ್ಟ್ ತಜ್ಞರು ಮೆಂಟರ್ ಆದರೆ, ಹಿಟ್ಮ್ಯಾನ್ ವಿಶ್ವಶ್ರೇಷ್ಠ ಟೆಸ್ಟ್ ಬ್ಯಾಟ್ಸ್ಮನ್ ಆಗಲಿದ್ದಾರೆ ಎಂದು ಭಾರತ ತಂಡದ ಮಾಜಿ ಆಟಗಾರ ಗಂಭೀರ್ ಅಭಿಪ್ರಾಯ ಪಟ್ಟಿದ್ದಾರೆ.
ರೋಹಿತ್ ಶರ್ಮಾ ಇತ್ತೀಚೆಗೆ ಮುಗಿದ ವಿಶ್ವಕಪ್ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದರು. 9 ಪಂದ್ಯಗಳಿಂದ 5 ಸೆಂಚುರಿ ಸಹಿತ 648 ರನ್ಗಳಿಸಿದ್ದರು. ಇನ್ನು ಪ್ರಸ್ತುತ ನಡೆಯುತ್ತಿರುವ ವಿಂಡೀಸ್ ವಿರುದ್ಧದ ಟಿ-20 ಸರಣಿಯಲ್ಲಿ ಎರಡು ಪಂದ್ಯಗಳಲ್ಲೂ ಭಾರತದ ಪರ ಗರಿಷ್ಠ ಸ್ಕೋರರ್ ಆಗಿದ್ದರು.
ರೋಹಿತ್ ನಿಜಕ್ಕೂ ಸೀಮಿತ ಓವರ್ಗಳ ಪಂದ್ಯಗಳಲ್ಲಿ ಅತ್ಯುತ್ತಮ ಬ್ಯಾಟ್ಸ್ಮನ್. ಆದರೆ, ಟೆಸ್ಟ್ ಕ್ರಿಕೆಟ್ಗೆ ಹೋಲಿಸಿದರೆ ಅವರ ಪ್ರದರ್ಶನ ತೀರಾ ಕಳಪೆಯಾಗಿದೆ. ರೋಹಿತ್ ಶರ್ಮಾಗೆ ರಾಹುಲ್ ದ್ರಾವಿಡ್ ಅಥವಾ ಸಚಿನ್ ತೆಂಡೂಲ್ಕರ್ ಅಂತಹವರು ಕೆಲವು ತಿಂಗಳು ಮಾರ್ಗದರ್ಶಕರಾದರೆ ರೋಹಿತ್ ನಿಜಕ್ಕೂ ಟೆಸ್ಟ್ನಲ್ಲೂ ತಮ್ಮ ಪ್ರತಿಭೆ ಹೊರಹಾಕಿಲಿದ್ದಾರೆ ಎಂದು ಗೌತಿ ಅಭಿಪ್ರಾಯವಾಗಿದೆ.
ರೋಹಿತ್ಗೆ ಟೆಸ್ಟ್ ಕ್ರಿಕೆಟ್ಗೆ ಒಗ್ಗಿಸಿಕೊಳ್ಳಲಾಗುತ್ತಿಲ್ಲ. ಅವರಿಗೆ ಟೆಸ್ಟ್ನಲ್ಲಿ ಫಾರ್ಮ್ ಕಂಡುಕೊಳ್ಳುವುದು ಹೇಗೆ ಎಂಬುದರ ಬಗ್ಗೆ ಕೆಲವು ಮಾತುಗಳನ್ನು ಹೇಳಿಕೊಡಬೇಕಿದೆ. ಇಬ್ಬರು ಲೆಜೆಂಡರಿ ಕ್ರಿಕೆಟಿಗರ ಮಾರ್ಗದರ್ಶನದಿಂದ ಸೀಮಿತ ಓವರ್ಗಳ ಪ್ರದರ್ಶನವನ್ನು ರೋಹಿತ್ ಟೆಸ್ಟ್ ಕ್ರಿಕೆಟ್ಗೆ ವರ್ಗಾಯಿಸಿಕೊಳ್ಳಿದ್ದಾರೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ವಿಂಡೀಸ್ ವಿರುದ್ಧದ ಟಿ20ಯಲ್ಲಿ ಕಳಪೆ ಪ್ರದರ್ಶನ ತೋರುತ್ತಿರವ ಪಂತ್ ಬಗ್ಗೆಯೂ ಮಾತನಾಡಿದ್ದು, ಪಂತ್ಗೆ ಧೋನಿ ಗೈರಿನಲ್ಲಿ ತಮ್ಮ ಪ್ರದರ್ಶನ ತೋರಲು ಅದ್ಭುತ ಅವಕಾಶ ಸಿಕ್ಕಿದೆ. ಅದನ್ನು ಉಪಯೋಗಿಸಿಕೊಳ್ಳಬೇಕಿದೆ. ಮೊದಲೆರಡು ಪಂದ್ಯಗಳಲ್ಲಿ ವಿಫಲರಾಗಿದ್ದಾರೆ. ಆದರೆ, ನನ್ನ ಪ್ರಕಾರ ಯುವ ಆಟಗಾರರರಿಗೆ ಹೆಚ್ಚಿನ ಅವಕಾಶ ನೀಡಬೇಕು. ಹಾಗೆ ಆ ಅವಕಾಶಗಳನ್ನು ಪಂತ್ ಅವರಂತಹ ಯುವಕರು ಸದುಪಯೋಗ ಪಡಿಸಿಕೊಳ್ಳುವತ್ತ ಗಮನ ನೀಡಿದರೆ ಒಳಿತು ಎಂದಿದ್ದಾರೆ.
