ಐಪಿಎಲ್​ನ ಆರಂಭದ ಪಂದ್ಯದಲ್ಲಿ ಸಿಎಸ್​ಕೆಗಿಂತ ಮುಂಬೈ ತಂಡಕ್ಕೆ ಮೇಲುಗೈ: ಗಂಭೀರ್​ ವಿಶ್ವಾಸ

ತಂಡದ ಸಮತೋಲನ ಮತ್ತು ಬ್ಯಾಟಿಂಗ್​ ಆಳವನ್ನು ನೋಡಿದರೆ ಮುಂಬೈ ಇಂಡಿಯನ್ಸ್‌ ತಂಡ ಮೇಲುಗೈ ಸಾಧಿಸಲಿದೆ ಎಂದಿದ್ದಾರೆ. ತಂಡದ ಗೆಲುವು ಸೋಲುಗಳ ಲೆಕ್ಕಾಚಾರ ನೋಡಿದರೆ ಆಡಿರುವ 30 ಪಂದ್ಯಗಳಲ್ಲಿ ಮುಂಬೈ 18ರಲ್ಲಿ ಹಾಗೂ ಸಿಎಸ್​ಕೆ 12 ರಲ್ಲಿ ಗೆಲುವು ಸಾಧಿಸಿದೆ..

ನವದೆಹಲಿ: ಐಪಿಎಲ್​ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್‌ ಮುಂಬೈ ಇಂಡಿಯನ್ಸ್‌ ಮತ್ತು ಧೋನಿ ನಾಯಕತ್ವದ ಚೆನ್ನೈ ಸೂಪರ್​ ಕಿಂಗ್ಸ್​ ಮುಖಾಮುಖಿಯಾಗಲಿವೆ. ಈ ಪಂದ್ಯದಲ್ಲಿ ಮುಂಬೈ ಮೇಲುಗೈ ಸಾಧಿಸಲಿದೆ ಎಂದು ಭಾರತ ತಂಡದ ಮಾಜಿ ಕ್ರಿಕೆಟಿಗ ಅಭಿಪ್ರಾಯಪಟ್ಟಿದ್ದಾರೆ.

ಸದಾ ರೋಮಾಂಚನಕಾರಿಯಾಗಿ ಕೂಡಿರುವ ಚೆನ್ನೈ-ಮುಂಬೈ ಮುಖಾಮುಖಿಯಲ್ಲಿ ರೋಹಿತ್ ಬಳಗ ಗೆಲುವು ಪಡೆಯಲಿದೆ ಎಂದು ಗಂಭೀರ್​ ಭವಿಷ್ಯ ನುಡಿದಿದ್ದಾರೆ. ರೈನಾ-ಹರ್ಭಜನ್ ಸಿಂಗ್ ತಂಡದಲ್ಲಿಲ್ಲದಿರುವುದು ಧೋನಿ ಟೀಮ್​ಗೆ ಹಿನ್ನಡೆಯಾಗುವುದು ಎಂಬ ತೀರ್ಮಾನಕ್ಕೆ ಬಂದಿದ್ದಾರೆ.