ಮೆಲ್ಬೋರ್ನ್: ಬಯೋಬಬಲ್ ನಿಯಮ ಉಲ್ಲಂಘಿಸಿದ ಆರೋಪದ ಮೇಲೆ ಐಸೋಲೇಟ್ ಆಗಿರುವ 5 ಮಂದಿ ಆಟಗಾರರು 3ನೇ ಟೆಸ್ಟ್ಗಾಗಿ ಸಿಡ್ನಿಗೆ ಚಾರ್ಟೆಡ್ ಫ್ಲೈಟ್ನಲ್ಲಿ ಸೋಮವಾರ ಪ್ರಯಾಣಿಸಲಿದ್ದಾರೆ ಎಂದು ತಿಳಿದು ಬಂದಿದೆ.
"ನೀವು ಸಿಎ ಹೇಳಿಕೆಯನ್ನು ಎಚ್ಚರಿಕೆಯಿಂದ ಓದಿ. ಅದು ನಿಯಮ ಉಲ್ಲಂಘನೆ ಎಂದು ಎಂದಿಗೂ ಹೇಳಲಿಲ್ಲ. ಆದರೆ ಆಟಗಾರರಿಂದ ಉಲ್ಲಂಘನೆಯಾಗಿದೆಯೇ ಎಂದು ನಿರ್ಧರಿಸಲು ತನಿಖೆಯ ಮೂಲಕ ಪ್ರಯತ್ನಿಸುತ್ತಿದ್ದಾರೆ. ಹಾಗಾಗಿ ಆ ಐವರು ಆಟಗಾರರು ಸಿಡ್ನಿಗೆ ತೆರಳಲು ಯಾವುದೇ ನಿರ್ಬಂಧವಿಲ್ಲ. ನಾಳೆ ಮಧ್ಯಾಹ್ನ ಇಡೀ ತಂಡ ಸಿಡ್ನಿಗೆ ಹಾರಾಟ ನಡೆಸುತ್ತಿದೆ" ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ.
ಇದನ್ನು ಓದಿ: ಮತ್ತೆ ಕ್ವಾರಂಟೈನ್ ಅಸಾಧ್ಯವೆಂದ ಟೀಂ ಇಂಡಿಯಾಗೆ ಕ್ವೀನ್ಸ್ಲ್ಯಾಂಡ್ ಸರ್ಕಾರದ ತಿರುಗೇಟು
ಶುಕ್ರವಾರ ಅಭಿಮಾನಿಯೊಬ್ಬ ಭಾರತೀಯ ಆಟಗಾರರನ್ನು ರೆಸ್ಟೋರೆಂಟ್ಗೆ ಭೇಟಿಯಾಗಿದ್ದ ವಿಡಿಯೋವನ್ನು ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿ, ರಿಷಭ್ ಪಂತ್ರನ್ನು ತಬ್ಬಿಕೊಂಡಿದ್ದೆ ಎಂದು ಸುಳ್ಳು ಹೇಳಿದ್ದರಿಂದ ಈ ವಿವಾದ ಉಂಟಾಗಿದೆ ಎಂದು ಆ ಅಧಿಕಾರಿ ಘಟನೆಯ ಹಿಂದಿನ ಸತ್ಯವನ್ನು ಹೇಳಿದ್ದಾರೆ.
