ಸಾರ್ವಕಾಲಿಕ ಟೆಸ್ಟ್ ತಂಡ ಪ್ರಕಟಿಸಿದ ಇಂಗ್ಲೆಂಡ್ ಸ್ಪಿನ್ನರ್.. ವಿರಾಟ್​, ಸ್ಟೀವ್​ ಸ್ಮಿತ್​ಗೆ ಇಲ್ಲ ಸ್ಥಾನ!!

ಈಟಿವಿ ಭಾರತ ಜೊತೆ ವಿಶೇಷ ಸಂದರ್ಶನದಲ್ಲಿ ಭಾಗವಹಿಸಿದ್ದ ಇಂಗ್ಲೆಂಡ್ ಸ್ಪಿನ್ನರ್ ಮಾಂಟಿ ಪನೇಸರ್ ತಮ್ಮ ಸಾರ್ವಕಾಲಿಕ ಟೆಸ್ಟ್ ತಂಡದಲ್ಲಿ ಕೇವಲ ಓರ್ವ ಇಂಗ್ಲೆಂಡ್ ಆಟಗಾರನಿಗೆ ಸ್ಥಾನ ನೀಡಿದ್ದಾರೆ..

ಹೈದರಾಬಾದ್ : ಭಾರತದ ನಾಯಕ ವಿರಾಟ್ ಕೊಹ್ಲಿ ಮತ್ತು ಆಸೀಸ್​ ಕ್ರಿಕೆಟಿಗ ಸ್ಟೀವನ್ ಸ್ಮಿತ್ ಈ ಪೀಳಿಗೆಯ ಅತ್ಯುತ್ತಮ ಟೆಸ್ಟ್ ಆಟಗಾರರಾಗಿದ್ದಾರೆ. ಆದರೆ, ಇಂಗ್ಲೆಂಡ್ ಸ್ಪಿನ್ನರ್ ಮಾಂಟಿ ಪನೇಸರ್ ಅವರ ಸಾರ್ವಕಾಲಿಕ ಟೆಸ್ಟ್ ಇಲೆವೆನ್‌ನಲ್ಲಿ ಇವರಿಬ್ಬರಿಗೆ ಸ್ಥಾನ ನೀಡಿಲ್ಲ.

ಪ್ರಸ್ತುತ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಕ್ರಮವಾಗಿ ಮೊದಲ ಮತ್ತು 2ನೇ ಸ್ಥಾನವನ್ನು ಪಡೆದಿರುವ ಸ್ಮಿತ್ ಮತ್ತು ಕೊಹ್ಲಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ಸರಾಸರಿ 50ಕ್ಕಿಂತ ಹೆಚ್ಚು ರನ್​ಗಳಿಸಿದ್ದಾರೆ. ಈಟಿವಿ ಭಾರತ ಜೊತೆ ವಿಶೇಷ ಸಂದರ್ಶನದಲ್ಲಿ ಭಾಗವಹಿಸಿದ್ದ ಪನೇಸರ್, ತಮ್ಮ ಸಾರ್ವಕಾಲಿಕ ಟೆಸ್ಟ್, ಟಿ-20ಮತ್ತು ಏಕದಿನ ಇಲೆವೆನ್ ತಂಡವನ್ನು ಬಹಿರಂಗಪಡಿಸಿದ್ದಾರೆ.

ಪನೇಸರ್ ಅವರ ಸಾರ್ವಕಾಲಿಕ ಟೆಸ್ಟ್ ಇಲೆವೆನ್ : ಮ್ಯಾಥ್ಯೂ ಹೇಡನ್, ಅಲಿಸ್ಟರ್ ಕುಕ್, ರಿಕಿ ಪಾಂಟಿಂಗ್ (ನಾಯಕ), ಸಚಿನ್ ತೆಂಡೂಲ್ಕರ್, ರಾಹುಲ್ ದ್ರಾವಿಡ್, ಆಡಮ್ ಗಿಲ್‌ಕ್ರಿಸ್ಟ್, ಶೇನ್ ವಾರ್ನ್, ಶಾನ್ ಪೊಲಾಕ್, ವಾಸಿಮ್ ಅಕ್ರಮ್, ಡ್ಯಾರೆನ್ ಗೌಪ್ ಮತ್ತು ಜೇಮ್ಸ್ ಆಂಡರ್ಸನ್.

ಸಾರ್ವಕಾಲಿಕ ಏಕದಿನ ಇಲೆವೆನ್: ಸನತ್ ಜಯಸೂರ್ಯ, ಸಯೀದ್ ಅನ್ವರ್, ಅರವಿಂದ ಡಿಸಿಲ್ವಾ, ಸಚಿನ್ ತೆಂಡೂಲ್ಕರ್, ವೀರೇಂದ್ರ ಸೆಹ್ವಾಗ್, ಎಂ ಎಸ್ ಧೋನಿ (ನಾಯಕ), ಆಂಡ್ರ್ಯೂ ಫ್ಲಿಂಟಾಫ್, ಹರ್ಭಜನ್ ಸಿಂಗ್, ಮುತ್ತಯ್ಯ ಮುರಳೀಧರನ್, ಬ್ರೆಟ್ ಲೀ ಮತ್ತು ಶೋಯಬ್ ಅಖ್ತರ್.

ಸಾರ್ವಕಾಲಿಕ ಟಿ-20 ಇಲೆವೆನ್ : ಡೇವಿಡ್ ವಾರ್ನರ್, ಜೇಸನ್ ರಾಯ್, ವಿರಾಟ್ ಕೊಹ್ಲಿ (ನಾಯಕ), ಸ್ಟೀವ್ ಸ್ಮಿತ್, ಬೆನ್ ಸ್ಟೋಕ್ಸ್, ಎಂಎಸ್ ಧೋನಿ, ಆಂಡ್ರೆ ರಸ್ಸೆಲ್, ರಶೀದ್ ಖಾನ್, ಮಿಚೆಲ್ ಸ್ಟಾರ್ಕ್, ಲಸಿತ್ ಮಾಲಿಂಗ ಮತ್ತು ಜೋಫ್ರಾ ಆರ್ಚರ್.