ಮ್ಯಾಂಚೆಸ್ಟರ್: ಇಂಗ್ಲೆಂಡ್ - ಪಾಕಿಸ್ತಾನ ಮೊದಲ ಟೆಸ್ಟ್ ಪಂದ್ಯದ ಮೊದಲ ದಿನದ ಆಟಕ್ಕೆ ಮಳೆರಾಯನ ಅಡ್ಡಿ ಉಂಟಾಯಿತು. ಮಳೆಯಿಂದ ಮೊದಲ ದಿನ ಕೇವಲ 49 ಓವರ್ಗಳಿಗೆ ಆಟವನ್ನು ಅಂತ್ಯಗೊಳಿಸಲಾಯಿತು.
ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಪಾಕ್ ಉತ್ತಮ ಅಡಿಪಾಯ ಹಾಕುವಲ್ಲಿ ಎಡವಿತು. ಒಪನರ್ ಆಗಿ ಕಣಕ್ಕಿಳಿದ ಮಸೂದ್ ಮತ್ತು ಅಬಿದ್ ಅಲಿ ತಂಡಕ್ಕೆ ಉತ್ತಮ ಅಡಿಪಾಯ ಹಾಕುವಲ್ಲಿ ವಿಫಲರಾದರು. ಅಬಿದ್ ಅಲಿ ಕೇವಲ 6 ರನ್ಗಳಿಸಿದಾಗ ಜೋಫ್ರಾ ಆರ್ಚರ್ ಗೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ನಾಯಕ ಅಜರ್ ಅಲಿ ಶೂನ್ಯಕ್ಕೆ ಕ್ರಿಸ್ ವೋಕ್ಸ್ಗೆ ಬಲಿಯಾದರು.
ನಂತರ ಕ್ರಿಸ್ಗಿಳಿದ ಬಾಬರ್ ಅಜಮ್ ತಂಡಕ್ಕೆ ನೆರವಾದರು. ಬಾಬರ್ ಅರ್ಧಶತಕ ಗಳಿಸಿ ಮಿಂಚಿದರು. ಬಾಬರ್ ಅಜಮ್ (69) ಅರ್ಧಶತಕದ ನೆರವಿನಿಂದ ಪಾಕ್ ತಂಡ ಮೊದಲ ದಿನದ ಅಂತ್ಯಕ್ಕೆ ಎರಡು ವಿಕೆಟ್ ಕಳೆದುಕೊಂಡು 139 ರನ್ಗಳಿಸಿತು. ಇನ್ನು ಮಸೂದ್ 46 ರನ್ ಗಳಿಸಿದರು. ಬಾಬರ್ ಮತ್ತು ಮಸೂದ್ ಇಬ್ಬರು ಕ್ರಿಸ್ ಕಾಯ್ದುಕೊಂಡಿದ್ದು, ತಂಡಕ್ಕೆ ಚೇತರಿಕೆ ತಂದುಕೊಟ್ಟಿದ್ದಾರೆ.
ಇಂಗ್ಲೆಂಡ್ ಪರ ಜೋಫ್ರಾ ಆರ್ಚರ್ ಹಾಗೂ ಕ್ರಿಸ್ ವೋಕ್ಸ್ ತಲಾ ಒಂದು ವಿಕೆಟ್ ಪಡೆದರು.
