ಸೌತಾಂಪ್ಟನ್: ಮೊದಲ ಟಿ20 ಪಂದ್ಯದಲ್ಲಿ ನಿಗದಿ ಮಾಡಿದ್ದ ಸಮಯಕ್ಕಿಂತ ತಡವಾಗಿ ಓವರ್ ಮುಗಿಸಿದ್ದಕ್ಕಾಗಿ ಇಂಗ್ಲೆಂಡ್ ತಂಡಕ್ಕೆ ಪಂದ್ಯದ ಸಂಭಾವನೆಯ ಶೇಕಡಾ 20ರಷ್ಟನ್ನು ದಂಡ ವಿಧಿಸಲಾಗಿದೆ.
ಇಂಗ್ಲೆಂಡ್ ತಂಡ ಮೊದಲ ಪಂದ್ಯದಲ್ಲಿ ನಿಗದಿತ ಸಮಯವನ್ನು ಗಣನೆಗೆ ತೆಗೆದುಕೊಂಡಾಗ ಒಂದು ಓವರ್ ಹಿಂದೆ ಉಳಿದಿತ್ತು. ಈ ನಿಯಮ ಮೀರಿದ್ದಕ್ಕಾಗಿ ಪಂದ್ಯದ ರೆಫ್ರಿ ಕ್ರಿಸ್ ಬ್ರಾಡ್ ದಂಡವನ್ನು ವಿಧಿಸಿದ್ದಾರೆ.
ಐಸಿಸಿ ನೀತಿ ಸಂಹಿತೆ ಆರ್ಟಿಕಲ್ 2.22ರ ಪ್ರಕಾರ ಕನಿಷ್ಠ ಓವರ್ ರೇಟ್ ಅಪರಾದಗಳಿಗೆ ತಂಡದ ಆಟಗಾರರು ಮತ್ತು ಸಿಬ್ಬಂದಿ ಆ ಪಂದ್ಯದ ಸಂಭಾವನೆಯ ಶೇಕಡಾ 20ರಷ್ಟವನ್ನು ದಂಡವಾಗಿ ತೆರಬೇಕಾಗಿದೆ. 2 ಓವರ್ಗಳಾದರೆ 40 ರಷ್ಟ ದಂಡವನ್ನು ತೆರಬೇಕಾಗುತ್ತದೆ.
ಮಾರ್ಗನ್ ತಮ್ಮ ತಪ್ಪನ್ನು ಒಪ್ಪಿಕೊಂಡು ರೆಫ್ರಿ ವಿಧಿಸಿರುವ ದಂಡಕ್ಕೆ ಒಪ್ಪಿಗೆ ಸೂಚಿಸಿರುವುದರಿಂದ ಯಾವುದೇ ವಿಚಾರಣೆ ಅಗತ್ಯವಿಲ್ಲ ಎಂದು ತಿಳಿದುಬಂದಿದೆ.
ಆನ್-ಫೀಲ್ಡ್ ಅಂಪೈರ್ಗಳಾದ ಮಾರ್ಟಿನ್ ಸಾಗರ್ಸ್ ಮತ್ತು ಅಲೆಕ್ಸ್ ವಾರ್ಫ್, ಮೂರನೇ ಅಂಪೈರ್ ಡೇವಿಡ್ ಮಿಲ್ನ್ಸ್ ಮತ್ತು ನಾಲ್ಕನೇ ಅಂಪೈರ್ ಮೈಕ್ ಬರ್ನ್ಸ್ ಇಂಗ್ಲೆಂಡ್ ತಂಡದ ವಿರುದ್ಧ ಆರೋಪ ಮಾಡಿದ್ದರು.
