ಹೈದರಾಬಾದ್: ಕ್ರಿಕೆಟ್ ಅಭಿಮಾನಿಗಳಲ್ಲಿ ಸಾಕಷ್ಟು ನಿರೀಕ್ಷೆ ಮೂಡಿಸಿರುವ 13ನೇ ಅವೃತ್ತಿಯ ಐಪಿಎಲ್ ಆಟಗಾರರ ಹರಾಜು ಇದೇ 19ರಂದು ನಡೆಯಲಿದೆ. ಫ್ರಾಂಚೈಸಿಗಳ ಬೇಡಿಕೆ ಮೇರೆಗೆ ಹೊಸದಾಗಿ ಹರಾಜಿನ ಪಟ್ಟಿ ಸೇರಿರುವ ಬ್ಯಾಟ್ಸ್ಮನ್ ವಿಲ್ ಜಾಕ್ಸ್ ಉಳಿದ ಆಟಗಾರರಿಗಿಂತ ಹೆಚ್ಚು ಗಮನ ಸೆಳೆಯುತ್ತಿದ್ದಾರೆ.
21 ವರ್ಷದ ವಿಲ್ ಜಾಕ್ಸ್ ಇಂಗ್ಲೆಂಡಿನ ಕೌಂಟಿ ಟೂರ್ನಿಯಲ್ಲಿ ಚಿರಪರಿಚಿತ ಹೆಸರು. 2018ರ ಮೇ 18ರಂದು ಸರ್ರೆ ಪರ ಆಡುವ ಮೂಲಕ ಮೊದಲ ದರ್ಜೆ ಕ್ರಿಕೆಟ್ಗೆ ಎಂಟ್ರಿ ಕೊಟ್ಟಿದ್ದರು.
ಐಪಿಎಲ್ 2020: ಹರಾಜಿಗೆ 24 ಹೊಸ ಆಟಗಾರರ ಎಂಟ್ರಿ...!
ಅದೇ ವರ್ಷದ ಜುಲೈನಲ್ಲಿ ಸರ್ರೆ ಪರ ಟಿ20 ಪಂದ್ಯಕ್ಕೂ ಪದಾರ್ಪಣೆ ಮಾಡಿದ್ದರು. ಆದರೆ ಇತ್ತೀಚೆಗೆ ನಡೆದ ಟಿ10 ಟೂರ್ನಿ ಸದ್ಯ ವಿಲ್ ಜಾಕ್ಸ್ರನ್ನು ಐಪಿಎಲ್ವರೆಗೆ ಕರೆತಂದಿದೆ. ಬಲಗೈ ಆಟಗಾರ ಜಾಕ್ಸ್ ಆಫ್ ಸ್ಪಿನ್ನರ್ ಸಹ ಹೌದು.
ಯುವಿ ದಾಖಲೆ ಸರಿಗಟ್ಟಿದ್ದ ಜಾಕ್ಸ್!
ಭಾರತೀಯ ಕ್ರಿಕೆಟಿಗರಿಗೆ ವಿಲ್ ಜಾಕ್ಸ್ ಅಪರಿಚಿತ ಹೆಸರು. ಆದರೆ ಇದೇ ಆಟಗಾರ ಟಿ10 ಟೂರ್ನಿಯಲ್ಲಿ ಲಂಕಾಶೈರ್ ವಿರುದ್ಧ 25 ಎಸೆತಕ್ಕೆ ಆಕರ್ಷಕ ಶತಕ ಸಿಡಿಸಿ ದಾಖಲೆ ಬರೆದಿದ್ದರು. ಎಲ್ಲಕ್ಕಿಂತ ಹೆಚ್ಚಾಗಿ ಈ ಇನ್ನಿಂಗ್ಸ್ನಲ್ಲಿ ವಿಲ್ ಜಾಕ್ಸ್ ಟೀಂ ಇಂಡಿಯಾದ ಯುವರಾಜ್ ಸಿಂಗ್ರಂತೆ ಆರು ಎಸೆತಕ್ಕೆ ಆರು ಸಿಕ್ಸರ್ ಬಾರಿಸಿ ಸುದ್ದಿಯಾಗಿದ್ದರು.
ಇಂಗ್ಲೆಂಡ್ U-19 ತಂಡದಲ್ಲಿ ವಿಲ್ ಜಾಕ್ಸ್ ಆರು ಪಂದ್ಯವನ್ನಾಡಿದ್ದರು. ಒಂದು ಮ್ಯಾಚ್ನಲ್ಲಿ ನಾಯಕನಾಗಿ ತಂಡವನ್ನು ಮುನ್ನಡೆಸಿದ್ದರು. 2018ರ ರಾಯಲ್ ಲಂಡನ್ ಏಕದಿನ ಕಪ್ನಲ್ಲಿ ಗ್ಲೌಸೆಸ್ಟರ್ಶೈರ್ ವಿರುದ್ಧ 121 ರನ್ ಸಿಡಿಸಿ ತಂಡಕ್ಕೆ ಗೆಲುವು ತಂದಿದ್ದರು.
