ನ್ಯಾಟಿಂಗ್ಹ್ಯಾಮ್: ಐಸಿಸಿ ಏಕದಿನ ವಿಶ್ವಕಪ್ ಮಹಾಟೂರ್ನಿಯಲ್ಲಿ ಕಾಂಗರೂ ಪಡೆ ಮತ್ತೊಂದು ಗೆಲುವು ದಾಖಲು ಮಾಡುವ ಮೂಲಕ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೆ ಜಿಗಿತ ಕಂಡಿದೆ. ಆದರೆ ಬಾಂಗ್ಲಾ ವಿರುದ್ಧ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಟಾಪ್ ಆರ್ಡರ್ ಬ್ಯಾಟ್ಸ್ಮನ್ ವಿಶೇಷ ದಾಖಲೆವೊಂದನ್ನ ನಿರ್ಮಿಸಿದ್ದಾರೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ 50 ಓವರ್ಗಳಲ್ಲಿ ಕೇವಲ 5ವಿಕೆಟ್ ಕಳೆದುಕೊಂಡು ಬರೋಬ್ಬರಿ 381ರನ್ಗಳಿಕೆ ಮಾಡಿತ್ತು. ಆರಂಭಿಕರಾಗಿ ಕಣಕ್ಕಿಳಿದ ವಾರ್ನರ್(166)ರನ್, ಕ್ಯಾಪ್ಟನ್ ಫಿಂಚ್(53)ರನ್ ಹಾಗೂ ಉಸ್ಮಾನ್ ಖವಾಜಾ(89)ರನ್ಗಳಿಕೆ ಮಾಡಿದ್ದರು.
ಆಸ್ಟ್ರೇಲಿಯಾದ ಟಾಪರ್ ಆರ್ಡರ್ ಮೂವರು ಬ್ಯಾಟ್ಸ್ಮನ್ ಈ ಹಿಂದಿನ ಯಾವುದೇ ವಿಶ್ವಕಪ್ನಲ್ಲಿ ಇನ್ನಿಂಗ್ಸ್ವೊಂದರಲ್ಲಿ 50ಕ್ಕೂ ಹೆಚ್ಚು ರನ್ಗಳಿಕೆ ಮಾಡಿದ್ದಿಲ್ಲ. ಆದರೆ ನಿನ್ನೆಯ ಪಂದ್ಯದಲ್ಲಿ ವಾರ್ನರ್,ಫಿಂಚ್ ಹಾಗೂ ಖವಾಜಾ ಈ ದಾಖಲೆ ಬರೆದಿದ್ದಾರೆ. ಈ ಮೂವರು ಬ್ಯಾಟ್ಸ್ಮನ್ಗಳು ಕ್ರಮವಾಗಿ 166,53 ಹಾಗೂ 89ರನ್ಗಳಿಕೆ ಮಾಡಿ, ದಾಖಲೆ ನಿರ್ಮಿಸಿದ್ದಾರೆ. ಇನ್ನು 2015ರಲ್ಲಿ ಆಸ್ಟ್ರೇಲಿಯಾ ತಂಡ ಆಫ್ಘಾನಿಸ್ತಾನದ ವಿರುದ್ಧ 417ರನ್ಗಳಿಸಿ ರೆಕಾರ್ಡ್ ಬರೆದಿತ್ತು. ಈ ವಿಶ್ವಕಪ್ನಲ್ಲಿ 381ರನ್ಗಳಿಕೆ ಮಾಡಿದ್ದು, ವಿಶ್ವಕಪ್ನಲ್ಲಿ ಎರಡನೇ ಅತಿದೊಡ್ಡ ಸ್ಕೋರ್ ಆಗಿದೆ. 2003ರಲ್ಲಿ ಕಾಂಗರೂ ಪಡೆ ಭಾರತದ ವಿರುದ್ಧ 359ರನ್ಗಳಿಕೆ ಮಾಡಿತ್ತು.
ವಿರಾಟ್ ದಾಖಲೆ ಸರಿಗಟ್ಟಿದ ವಾರ್ನರ್
ಇದರ ಜತೆಗೆ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್‌ನಲ್ಲಿ 16ನೇ ಶತಕ ಸಿಡಿಸಿದ ಆಸೀಸ್ ತಂಡದ ಡೇವಿಡ್ ವಾರ್ನರ್ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿಯ ದಾಖಲೆ ಸರಿಗಟ್ಟಿದ್ದಾರೆ.ಅತಿ ವೇಗದಲ್ಲಿ 16 ಶತಕ ಸಿಡಿಸಿದ ಬ್ಯಾಟ್ಸ್‌ಮನ್‌ಗಳ ಸಾಲಿನಲ್ಲಿ ಕೊಹ್ಲಿ ಜತೆಗೆ ವಾರ್ನರ್ ಕೂಡ ಸೇರಿಕೊಂಡಿದ್ದಾರೆ. ವಿರಾಟ್ ಕೊಹ್ಲಿ ಹಾಗೂ ವಾರ್ನರ್ ಏಕದಿನದ 110ನೇ ಇನ್ನಿಂಗ್ಸ್ನಲ್ಲಿ ತಮ್ಮ 16ನೇ ಶತಕ ಸಿಡಿಸಿದ್ದಾರೆ. ಆದರೆ ಆಫ್ರಿಕಾದ ಆಮ್ಲಾ ತಮ್ಮ 94ನೇ ಇನ್ನಿಂಗ್ಸ್ನಲ್ಲಿ ಈ ದಾಖಲೆ ಬರೆದಿದ್ದಾರೆ.
