ಚೆನ್ನೈ: ನಾಳೆಯಿಂದ 12ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ಗೆ ಚಾಲನೆ ದೊರೆಯಲಿದೆ. ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೇಂಜರ್ಸ್ ಬೆಂಗಳೂರು ಹಾಗೂ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಸೆಣಸಾಟ ನಡೆಸಲಿವೆ.
ಟಿಂ ಇಂಡಿಯಾದ ಕ್ಯಾಪ್ಟನ್ ಕೊಹ್ಲಿ ಹಾಗೂ ಮಾಜಿ ಕ್ಯಾಪ್ಟನ್ ಧೋನಿ ಉಭಯ ತಂಡದ ನಾಯಕತ್ವದ ಜವಾಬ್ದಾರಿ ವಹಿಸಿಕೊಂಡಿದ್ದು, ಮೊದಲ ಪಂದ್ಯದಲ್ಲಿ ಗೆಲುವು ದಾಖಲು ಮಾಡಿ ಶುಭಾರಂಭ ಮಾಡಬೇಕು ಎನ್ನುವ ತವಕ ಇಬ್ಬರಲ್ಲೂ ಇದೆ.
ಮೊದಲ ಆವೃತ್ತಿಯಿಂದಲೂ ಆರ್ಸಿಬಿ ಅದ್ಭುತ ಪ್ರದರ್ಶನ ನೀಡುತ್ತಾ ಬಂದರೂ, ಇಲ್ಲಿಯವರೆಗೆ ಕಪ್ ಮಾತ್ರ ಗೆಲ್ಲಲ್ಲು ಸಾಧ್ಯವಾಗಿಲ್ಲ. ಆದರೆ ಇತ್ತ ಸಿಎಸ್ಕೆ ಈಗಾಗಲೇ ಮೂರು ಸಲ ಕಪ್ ಗೆದ್ದಿದೆ. ಆದರೆ ಈ ಸಲವಾದರೂ ಅದ್ಭುತ ಪ್ರದರ್ಶನ ನೀಡಿ ಕಪ್ ಒಲಿಸಿಕೊಳ್ಳಬೇಕು ಎಂಬ ಆಸೆ ಆರ್ಸಿಬಿ ತಂಡಕ್ಕಿದೆ.
ಐಪಿಎಲ್ನಲ್ಲಿ ಮುಖಾಮುಖಿ
- ಒಟ್ಟು 23 ಪಂದ್ಯದಲ್ಲಿ ಫೈಟ್
- ಸಿಎಸ್ಕೆ 15 ಪಂದ್ಯಗಳಲ್ಲಿ ಗೆಲುವು
- ಆರ್ಸಿಬಿ 7 ಪಂದ್ಯಗಳಲ್ಲಿ ವಿನ್
- 1ಪಂದ್ಯದಿಂದ ಫಲಿತಾಂಶವಿಲ್ಲ
ಆಡುವ ಸಂಭವನೀಯ 11ರ ಬಳಗ
ಆರ್ಸಿಬಿ: ಮೊಯಿನ್ ಅಲಿ, ಪಾರ್ಥಿವ್ ಪಟೇಲ್, ವಿರಾಟ್ ಕೊಹ್ಲಿ(ಕ್ಯಾಪ್ಟನ್), ಎಬಿ ಡಿವಿಲಿಯರ್ಸ್, ಶಿಮ್ರಾನ್ ಹೇಟ್ಮೇರ್, ಶಿವಂ ದುಬೆ, ವಾಷಿಂಗ್ಟನ್ ಸುಂದರ್, ಥಿಮ್ ಸೌಥಿ/ಕಾಲಿನ್ ಡಿ ಗ್ರ್ಯಾಂಡ್ಹೋಮ್, ಉಮೇಶ್ ಯಾದವ್, ಯಜುವೇಂದ್ರ ಚಹಾಲ್, ಮೊಹಮ್ಮದ್ ಸಿರಾಜ್
ಸಿಎಸ್ಕೆ: ಅಂಬಾಟಿ ರಾಯುಡು, ಶೇನ್ ವ್ಯಾಟ್ಸನ್, ಸುರೇಶ್ ರೈನಾ,ಎಂಎಸ್ ಧೋನಿ (ಕ್ಯಾಪ್ಟನ್), ಬಿಲ್ಲಿಂಗ್ಸ್, ಕೇದಾರ್ ಜಾಧವ್,ಡ್ವೇನ್ ಬ್ರಾವೋ, ರವೀಂದ್ರ ಜಡೇಜಾ, ದೀಪಕ್ ಚಹಾರ್, ಮೋಹಿತ್ ಶರ್ಮಾ, ಇಮ್ರಾನ್ ತಾಹೀರ್
ಸ್ಥಳ: ಎಂಎಂ ಚಿದಬರಂ ಕ್ರೀಡಾಂಗಣ ಚೆನ್ನೈ
ಪ್ರಸಾರ: ಸಂಜೆ 8ಗಂಟೆ
