ಮೇಲ್ಬೋರ್ನ್: ಕೊರೊನಾ ಸಾಂಕ್ರಾಮಿಕ ರೋಗದ ಭೀತಿಯಿಂದ ರದ್ದಾಗಿದ್ದ ಕ್ರಿಕೆಟ್ ಪಂದ್ಯಗಳು ಮೊದಲ ಬಾರಿಗೆ ಆಸ್ಟ್ರೇಲಿಯಾದಲ್ಲಿ ಪುನಾರಾರಂಭವಾಗುತ್ತಿದೆ.
ಕೊರೊನಾ ವೈರಸ್ ಭೀತಿಯಿಂದ ವಿಶ್ವದೆಲ್ಲೆಡೆ ಕ್ರಿಕೆಟ್ ಸ್ಥಗಿತಗೊಂಡಿತ್ತು. ಇದೀಗ ಮಾರ್ಚ್ ನಂತರ ಕ್ರಿಕೆಟ್ ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯಾದಲ್ಲಿ ಡಾರ್ವಿನ್ ಮತ್ತು ಡಿಸ್ಟ್ರಿಕ್ಟ್ ಟಿ20 ಚಾಂಪಿಯನ್ ಶಿಪ್ ಮೂಲಕ ಜೂನ್ 6ರಿಂದ ಪುನರಾರಂಭವಾಗುತ್ತಿದೆ.
ಇದೊಂದು ಟಿ20 ಟೂರ್ನಮೆಂಟ್ ಆಗಿದ್ದುಕೊರೊನಾ ಭೀತಿಯಿರುವುದರಿಂದ ಬಾಲ್ ಒಳಪುಗೊಳಿಸಲು ಎಂಜಲು ಸವರುವುದನ್ನು ಡಾರ್ವಿನ್ ಕ್ರಿಕೆಟ್ ಆಡಳಿತ ಮಂಡಳಿ ನಿಷೇಧಿಸಲಾಗಿದೆ. ಬಾಲ್ ಶೈನ್ಗೊಳಿಸಲು ಮೇಣದ ಲೇಪಕವನ್ನು ಉಪಯೋಗಿಸಲು ಅಂಪೈರ್ಗಳಿಗೆ ಅವಕಾಶ ನೀಡಿದೆ. ಅಲ್ಲದ ಬೇರೆ ಮಾರ್ಗವನ್ನು ಹುಡುಕುವುದಾಗಿಯೂ ತಿಳಿಸಿದೆ.
ಇನ್ನು ಟೂರ್ನಿಯನ್ನು ಆರಂಭಿಸುವ ಮೊದಲು ಕ್ಲಬ್ಗಳು ಕೋವಿಡ್ 19 ಸುರಕ್ಷತಾ ಯೋಜನೆಯ ಮೌಲ್ಯ ಮಾಪನವನ್ನು ಪೂರ್ಣಗೊಳಿಸಿ ಅದನ್ನು ಸರ್ಕಾರಕ್ಕೆ ಸಲ್ಲಿಸಬೇಕಿದೆ. ಇಷ್ಟೇ ಅಲ್ಲದೆ ಇನ್ನೂ ಹಲವು ರೂಪರೇಷೆಗಳನ್ನು ಸಿದ್ದಪಡಿಸಲಾಗುತ್ತಿದೆ ಕ್ರಿಕೆಟ್ ಆಸ್ಟ್ರೇಲಿಯಾ ವೆಬ್ಸೈಟ್ ತಿಳಿಸಿದೆ.
ಆಸ್ಟ್ರೇಲಿಯಾದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಮಾರ್ಚ್ನಲ್ಲಿ ಕೊನೆಯ ಬಾರಿಗೆ ಏಕದಿನ ಸರಣಿಯಲ್ಲಿ ಪಾಲ್ಗೊಂಡಿತ್ತು. ಆದರೆ ಕೊರೊನಾ ಭೀತಿಯಿಂದ ಒಂದೇ ಪಂದ್ಯಕ್ಕೆ ಸರಣಿ ರದ್ದುಗೊಂಡಿತ್ತು.
