ಮುಂಬೈ: 2019ರ ಐಪಿಎಲ್ನಲ್ಲಿ ಮಿಂಚಿದ ರಾಹುಲ್ ಚಹಾರ್ ಹಾಗೂ ದೀಪಕ್ ಚಹಾರ್ ಮುಂಬರುವ ವೆಸ್ಟ್ ಇಂಡೀಸ್ ವಿರುದ್ಧದ ಟಿ20 ಸರಣಿಯಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ.
ಕಳೆದೆರಡು ಸೀಸನ್ಗಳಲ್ಲಿ ಸಿಎಸ್ಕೆ ತಂಡದ ಆರಂಭಿಕ ಬೌಲರ್ ಆಗಿ ಯಶಸ್ವಿ ಕಂಡಿರುವ ದೀಪಕ್ ಚಹಾರ್ ಹಾಗೂ ಮುಂಬೈ ಇಂಡಿಯನ್ಸ್ ತಂಡದ ಮಂಚೂಣಿ ಸ್ಪಿನ್ ಬೌಲರ್ ರಾಹುಲ್ ಚಹಾರ್ ಇದೀಗ ನೀಲಿ ಬಣ್ಣದ ಜರ್ಸಿಯಲ್ಲಿ ಒಂದಾಗಿ ಕಣಕ್ಕಿಳಿಯಲಿದ್ದಾರೆ.
19 ವರ್ಷದ ರಾಹುಲ್ ಚಹಾರ್ ಈ ಬಾರಿಯ ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಸ್ಪಿನ್ನರ್ ವಿಭಾಗದಲ್ಲಿ ಮೊದಲ ಆಯ್ಕೆಯಾಗಿದ್ದರು. ಇವರು 2019 ಪಂದ್ಯದಲ್ಲಿ 13 6.5 ಏಕಾನಮಿಯಲ್ಲಿ 13 ವಿಕೆಟ್ ಪಡೆದಿದ್ದರು. ನಂತರ ಇಂಡಿಯಾ ಎ ತಂಡಕ್ಕೂ ಆಯ್ಕೆಯಾಗಿದ್ದರು.
ಇನ್ನು ಇವರ ಹಿರಿಯ ಸಹೋದರ ದೀಪಕ್ ಚಹಾರ್ 17 ಪಂದ್ಯಗಳಲ್ಲಿ 22 ವಿಕೆಟ್ ಪಡೆಯುವ ಮೂಲಕ ಚೆನ್ನೈ ಪರ ಯಶಸ್ವಿ ಬೌಲರ್ ಎನಿಸಿಕೊಂಡಿದ್ದರು. ಇದೀಗ ತಮ್ಮನ ಜೊತೆ ಒಟ್ಟಾಗಿ ಟೀಮ್ ಇಂಡಿಯಾ ಪರ ಕಣಕ್ಕಿಳಿಯಲಿದ್ದಾರೆ. ಇದಕ್ಕೂ ಮೊದಲು ಪುಣೆ ಸೂಪರ್ ಜೇಂಟ್ಸ್ ಪರ ಈ ಇಬ್ಬರೂ ಒಟ್ಟಾಗಿ ಆಡಿದ್ದರು.
