ಸಿಡ್ನಿ: ತಮ್ಮ ಕರಾರುವಾಕ್ ಫೀಲ್ಡಿಂಗ್ನಿಂದ ಅದೆಷ್ಟೋ ರನ್ ಔಟ್ ಮಾಡಿ ಪಂದ್ಯದ ಗತಿಯನ್ನೇ ಬದಲಾಯಿಸುವ ಟೀಮ್ ಇಂಡಿಯಾ ಆಲ್ರೌಂಡರ್ ರವೀಂದ್ರ ಜಡೇಜಾ ತಾವೂ ಕೂಡ ರನ್ಔಟ್ ಆಗುವುದರಲ್ಲಿ ಮತ್ತು ತಮ್ಮ ಜೊತೆಗಾರರನ್ನು ರನ್ಔಟ್ ಮಾಡುವುದರಲ್ಲಿಯೂ ಹಿಂದೆ ಬಿದ್ದಿಲ್ಲ.
ಗುರುವಾರ ಸ್ಟೀವ್ ಸ್ಮಿತ್ರನ್ನು ತಮ್ಮ ಡೈರೆಕ್ಟ್ ಹಿಟ್ ಮೂಲಕ ರನ್ಔಟ್ ಮಾಡಿ ಮೆಚ್ಚುಗೆಗೆ ಪಾತ್ರರಾಗಿದ್ದ ಜಡೇಜಾ, ಇಂದು ತಮ್ಮ ಜೊತೆ ಬ್ಯಾಟಿಂಗ್ ಮಾಡುತ್ತಿದ್ದ ಇಬ್ಬರು ಬ್ಯಾಟ್ಸ್ಮನ್ಗಳ ರನ್ಔಟ್ನಲ್ಲೂ ಭಾಗಿಯಾದರು. ಶುಕ್ರವಾರ ಜಡೇಜಾ 10 ರನ್ ಗಳಿಸಿದ್ದ ಅಶ್ವಿನ್ ಮತ್ತು ಖಾತೆ ತೆರೆಯದ ಬುಮ್ರಾರ ರನ್ಔಟ್ಗೆ ಕಾರಣರಾದರು.
ಜಡೇಜಾ ತಮ್ಮ 73 ಟೆಸ್ಟ್ ಇನ್ನಿಂಗ್ಸ್ನಲ್ಲಿ 20 ಬಾರಿ ರನ್ಔಟ್ಗಳಲ್ಲಿ ಭಾಗಿಯಾಗಿದ್ದಾರೆ. ಇದರಲ್ಲಿ 13 ಬಾರಿ ತಮ್ಮ ಜೊತೆಗಾರರ ರನ್ಔಟ್ಗೆ ಕಾರಣರಾಗಿದ್ದರೆ, 7 ಬಾರಿ ತಾವೇ ರನ್ಔಟ್ ಆಗಿದ್ದಾರೆ. ಅಂದರೆ ಅವರು ಪ್ರತಿ 3.5 ಇನ್ನಿಂಗ್ಸ್ಗಳಿಗೊಮ್ಮೆ ತಾವೂ ರನ್ಔಟ್ ಆಗುತ್ತಾರೆ, ಇಲ್ಲವೇ ತಮ್ಮ ಜೊತೆಗಾರರ ರನ್ಔಟ್ನಲ್ಲಿ ಭಾಗಿಯಾಗುತ್ತಾರೆ.
