ಆಫ್ರಿಕಾ ವಿರುದ್ಧದ ಟಿ-20 ಸರಣಿಗೆ ಕೊಹ್ಲಿ ಪಡೆ ಪ್ರಕಟ... ಯುವ ಪ್ರತಿಭೆಗಳಿಗೆ ಮಣೆ, ಧೋನಿಗಿಲ್ಲ ಚಾನ್ಸ್​​​!

2020ರಲ್ಲಿ ನಡೆಯಲಿರುವ ಐಸಿಸಿ ಟಿ-20 ವಿಶ್ವಕಪ್​ ಗಮನದಲ್ಲಿಟ್ಟುಕೊಂಡು ಮುಂಬರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಕ್ರಿಕೆಟ್​ ಸರಣಿಗಾಗಿ ಟೀಂ ಇಂಡಿಯಾ ಪ್ರಕಟಗೊಂಡಿದ್ದು, ಹಿರಿಯ ಪ್ಲೇಯರ್ಸ್​ಗಿಂತಲೂ ಯುವ ಪಡೆಗೆ ಆಯ್ಕೆ ಸಮಿತಿ ಹೆಚ್ಚಿನ ಚಾನ್ಸ್​ ನೀಡಿ ತಂಡ ಪ್ರಕಟ ಮಾಡಿದೆ.

ಮುಂಬೈ: ಮುಂದಿನ ಐಸಿಸಿ ಟಿ-20 ವಿಶ್ವಕಪ್‌ ಕ್ರಿಕೆಟ್‌ ಟೂರ್ನಿ ಗಮನದಲ್ಲಿಟ್ಟುಕೊಂಡು ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಸರಣಿಗಾಗಿ 15 ಸದಸ್ಯರನ್ನೊಳಗೊಂಡ ವಿರಾಟ್​ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾ ಪ್ರಕಟಗೊಂಡಿದೆ.

ವಿಂಡೀಸ್ ಕ್ರಿಕೆಟ್​​ ಸರಣಿಯಿಂದ ಹೊರಗುಳಿದಿದ್ದ ಅನುಭವಿ ಧೋನಿ ದಕ್ಷಿಣ ಆಫ್ರಿಕಾ ಸರಣಿ ವೇಳೆಗೆ ತಂಡಕ್ಕೆ ಸೇರ್ಪಡೆಗೊಳ್ಳುತ್ತಾರೆಂದು ಭಾವಿಸಲಾಗಿತ್ತು. ಆದರೆ, ಆಯ್ಕೆ ಸಮಿತಿ ಹರಿಣಗಳ ವಿರುದ್ಧದ ಟಿ-20 ಸರಣಿಗಾಗಿ ಅವರನ್ನ ಕೈಬಿಟ್ಟಿದ್ದು, ಯುವ ಪ್ರತಿಭೆಗಳಿಗೆ ಮಣೆ ಹಾಕಿದೆ. ಪ್ರಮುಖವಾಗಿ ವೆಸ್ಟ್​ ಇಂಡೀಸ್​ ವಿರುದ್ಧ ಕಣಕ್ಕಿಳಿದಿದ್ದ ತಂಡವೇ ಇಲ್ಲೂ ಚಾನ್ಸ್​ ಪಡೆದುಕೊಂಡಿರುವುದು ಗಮನಾರ್ಹ ಸಂಗತಿ.

ತಂಡ ಇಂತಿದೆ: ವಿರಾಟ್​ ಕೊಹ್ಲಿ(ಕ್ಯಾಪ್ಟನ್​), ರೋಹಿತ್​ ಶರ್ಮಾ(ಉಪನಾಯಕ), ಕೆ.ಎಲ್.ರಾಹುಲ್​, ಶಿಖರ್​ ಧವನ್​, ಶ್ರೇಯಸ್​ ಅಯ್ಯರ್​, ಮನೀಷ್​ ಪಾಂಡೆ, ರಿಷಭ್​ ಪಂತ್​(ವಿ,ಕೀ), ಹಾರ್ದಿಕ್​ ಪಾಂಡ್ಯಾ, ರವೀಂದ್ರ ಜಡೇಜಾ, ಕೃನಾಲ್​ ಪಾಂಡ್ಯಾ, ವಾಷಿಂಗ್ಟನ್​ ಸುಂದರ್​, ರಾಹುಲ್​ ಚಹರ್​, ಖಲೀಲ್​ ಅಹ್ಮದ್​, ದೀಪಕ್​ ಚಹರ್​​, ನವದೀಪ್​ ಸೈನಿ.

• India’s squad for 3 T20Is against South Africa: Virat(Capt), Rohit (vc), KL Rahul, Shikhar Dhawan, Shreyas, Manish Pandey, Rishabh Pant (WK), Hardik Pandya, Ravindra Jadeja, Krunal Pandya, Washington Sundar, Rahul Chahar, Khaleel Ahmed, Deepak Chahar, Navdeep Saini#INDvSA

  — BCCI (@BCCI) August 29, 2019 " class="align-text-top noRightClick twitterSection" data="

  India’s squad for 3 T20Is against South Africa: Virat(Capt), Rohit (vc), KL Rahul, Shikhar Dhawan, Shreyas, Manish Pandey, Rishabh Pant (WK), Hardik Pandya, Ravindra Jadeja, Krunal Pandya, Washington Sundar, Rahul Chahar, Khaleel Ahmed, Deepak Chahar, Navdeep Saini#INDvSA

  — BCCI (@BCCI) August 29, 2019

  ">

  India’s squad for 3 T20Is against South Africa: Virat(Capt), Rohit (vc), KL Rahul, Shikhar Dhawan, Shreyas, Manish Pandey, Rishabh Pant (WK), Hardik Pandya, Ravindra Jadeja, Krunal Pandya, Washington Sundar, Rahul Chahar, Khaleel Ahmed, Deepak Chahar, Navdeep Saini#INDvSA

  — BCCI (@BCCI) August 29, 2019

ಪ್ರಮುಖವಾಗಿ ತಂಡದಿಂದ ವೇಗದ ಬೌಲರ್​ ಜಸ್​ಪ್ರೀತ್​ ಬುಮ್ರಾ ಹಾಗೂ ಭುವನೇಶ್ವರ್​ ಕುಮಾರ್​ ಸೇರಿ ಯಜುವೇಂದ್ರ ಚಹಲ್ ಹಾಗೂ ಕುಲ್ದೀಪ್​ ಯಾದವ್​​ಗೆ ವಿಶ್ರಾಂತಿ ನೀಡಲಾಗಿದ್ದು, ಯುವ ಬೌಲರ್​​ಗಳಿಗೆ ಆಯ್ಕೆ ಸಮಿತಿ ಚಾನ್ಸ್​ ನೀಡಿದೆ.

ಮೂರು ಟಿ-20 ಪಂದ್ಯಗಳ ವೇಳಾಪಟ್ಟಿ

• ಮೊದಲ ಟಿ20: ಸೆಪ್ಟೆಂಬರ್ 15
• ದ್ವಿತೀಯ ಟಿ20: ಸೆಪ್ಟೆಂಬರ್ 18
• ತೃತೀಯ ಟಿ20: ಸೆಪ್ಟೆಂಬರ್ 22

ಈಗಾಗಲೇ ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರ ಹೇಳಿಕೆಯಂತೆ ಟಿ-20 ವಿಶ್ವಕಪ್​ ಹತ್ತಿರ ಬರುತ್ತಿದ್ದು, ಇನ್ನು ಕೇವಲ 22 ಪಂದ್ಯಗಳಲ್ಲಿ ಮಾತ್ರ ಭಾರತ ತಂಡ ಆಡಲಿದೆ. ಅಷ್ಟರಲ್ಲಿ ಉತ್ತಮ ವಿಕೆಟ್​ ಕೀಪರ್​ ಆಯ್ಕೆ ಮಾಡಿಕೊಳ್ಳಲು ಬಿಸಿಸಿಐ ಮುಂದಾಗಿದೆ. ರಿಷಭ್​ ಪಂತ್​ಗೆ ಎಲ್ಲ ವಿಭಾಗದ ಕ್ರಿಕೆಟ್​​​​ಗೂ ಮೊದಲ ಆದ್ಯತೆ ನೀಡಲಾಗಿದೆ ಎಂದಿದ್ದಾರೆ.