ಅಹ್ಮದಾಬಾದ್ : ಸಯ್ಯದ್ ಮುಷ್ತಾಕ್ ಅಲಿ ಟಿ20 ಟ್ರೋಫಿಯ ಕ್ವಾರ್ಟರ್ ಫೈನಲ್ನಲ್ಲಿ ಕೊನೆಯ ಓವರ್ನಲ್ಲಿ ಅಗತ್ಯವಿದ್ದ 18 ರನ್ಗಳನ್ನು ಯಶಸ್ವಿಯಾಗಿ ಸಿಡಿಸುವ ಮೂಲಕ ಬರೋಡ ತಂಡ ಸೆಮಿಫೈನಲ್ ಪ್ರವೇಶಿಸಿದೆ.
3ನೇ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ವಿಷ್ಣು ಸೋಲಂಕಿ ಕೊನೆಯ 3 ಎಸೆತದಲ್ಲಿ ಅಗತ್ಯವಿದ್ದ 15 ರನ್ಗಳನ್ನು ಯಶಸ್ವಿಯಾಗಿ ಸಿಡಿಸುವ ಮೂಲಕ ಹರಿಯಾಣ ವಿರುದ್ಧ ಬರೋಡ ತಂಡ 8 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಲು ನೆರವಾದರು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಹರಿಯಾಣ ತಂಡ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 148 ರನ್ಗಳಿಸಿತ್ತು. ಹಿಮಾಂಶು ರಾಣಾ 49, ಶಿವಂ ಚೌಹಾಣ್ 35, ಸ್ಮಿತ್ ಕುಮಾರ್ 29 ಹಾಗೂ ಚೈತನ್ಯ ಬಿಷ್ನೋಯ್ 21 ರನ್ಗಳಿಸಿ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಲು ನೆರವಾದರು. ಬರೋಡ ಪರ ಕಾರ್ತಿಕ್ ಕಾಕಡೆ 2, ಬಿ.ಪಠಾಣ್ ಮತ್ತು ಅತಿತ್ ಶೇಠ್ ತಲಾ ಒಂದು ವಿಕೆಟ್ ಪಡೆದಿದ್ದರು.
-
What a thriller! 👏👏
— BCCI Domestic (@BCCIdomestic) January 27, 2021 " class="align-text-top noRightClick twitterSection" data="
Baroda held their nerve to seal a last-ball win over Haryana and with it, sealed a place in the #SyedMushtaqAliT20 semifinals. 👌👌 #HARvBDA #QF3
Scorecard 👉 https://t.co/NXEMYvhda0 pic.twitter.com/6y7WUX2CTS
">What a thriller! 👏👏
— BCCI Domestic (@BCCIdomestic) January 27, 2021
Baroda held their nerve to seal a last-ball win over Haryana and with it, sealed a place in the #SyedMushtaqAliT20 semifinals. 👌👌 #HARvBDA #QF3
Scorecard 👉 https://t.co/NXEMYvhda0 pic.twitter.com/6y7WUX2CTSWhat a thriller! 👏👏
— BCCI Domestic (@BCCIdomestic) January 27, 2021
Baroda held their nerve to seal a last-ball win over Haryana and with it, sealed a place in the #SyedMushtaqAliT20 semifinals. 👌👌 #HARvBDA #QF3
Scorecard 👉 https://t.co/NXEMYvhda0 pic.twitter.com/6y7WUX2CTS
149 ರನ್ಗಳ ಗುರಿ ಪಡೆದ ಬರೋಡ ಆರಂಭದಿಂದಲೂ ನಿಧಾನಗತಿ ಆಟಕ್ಕೆ ಮೊರೆ ಹೋಯಿತು. ನಾಯಕ ಕೇದಾರ್ ದೇವಧರ್ ಮತ್ತು ಸ್ಮಿತ್ ಪಟೇಲ್(21) ಮೊದಲ ವಿಕೆಟ್ಗೆ 33 ರನ್ ಸೇರಿಸಿದರು. ಆದರೆ, 6ನೇ ಓವರ್ನಲ್ಲಿ ಕಣಕ್ಕಿಳಿದ ಚಹಾಲ್, ಪಟೇಲ್ ವಿಕೆಟ್ ಪಡೆದು ಮೇಡನ್ ಓವರ್ ಸಾಧಿಸಿದರು.
ನಂತರ ನಾಯಕನ ಜೊತೆ ಸೇರಿದ ವಿಷ್ಣು ಸೋಲಂಕಿ 2ನೇ ವಿಕೆಟ್ಗೆ 68 ರನ್ಗಳ ಜೊತೆಯಾಟ ನೀಡಿ ಚೇತರಿಕೆ ನೀಡಿದರು. 43 ರನ್ಗಳಿಸಿದ್ದ ದೇವಧರ್ ಔಟಾದ ನಂತರ ಬರೋಡ ಮತ್ತೆ ಸಂಕಷ್ಟಕ್ಕೆ ಸಿಲುಕಿತು. ಗೆಲ್ಲಲು ಕೊನೆಯ 4 ಓವರ್ಗಳಲ್ಲಿ 42 ರನ್ಗಳಿಸಬೇಕಾಗಿತ್ತು.
3 ಓವರ್ಗಳಲ್ಲಿ 24 ರನ್ಗಳಿಸಿದ ಸೋಲಂಕಿ ಮತ್ತು ರಜಪೂತ್ ಜೋಡಿಗೆ ಕೊನೆಯ ಓವರ್ನಲ್ಲಿ 18 ರನ್ಗಳಿಸಬೇಕಾದ ಅನಿವಾರ್ಯತೆ ಎದುರಾಯಿತು. ಮೊದಲ ಮೂರು ಎಸೆತಗಳಲ್ಲಿ 3 ಸಿಂಗಲ್ಸ್ ಬಂದವು. ಆದರೆ, ವಿಷ್ಣು ಸೋಲಂಕಿ ಕೊನೆಯ ಮೂರು ಎಸೆತದಲ್ಲಿ 2 ಸಿಕ್ಸರ್ ಮತ್ತು ಒಂದು ಬೌಂಡರಿ ಸಿಡಿಸಿ ತಂಡಕ್ಕೆ ಜಯ ತಂದುಕೊಟ್ಟರು.
ಬರೋಡ ತಂಡ ಶುಕ್ರವಾರ ನಡೆಯುವ ಸೆಮಿಫೈನಲ್ ಪಂದ್ಯದಲ್ಲಿ ಪಂಜಾಬ್ ಸವಾಲನ್ನು ಎದುರಿಸಲಿದೆ.
ಇದನ್ನು ಓದಿ:ಎದೆ ನೋವು: ಮತ್ತೆ ಆಸ್ಪತ್ರೆಗೆ ದಾಖಲಾದ ಬಿಸಿಸಿಐ ಅಧ್ಯಕ್ಷ ಗಂಗೂಲಿ
