ನವದೆಹಲಿ: ವೆಸ್ಟ್ ಕ್ರಿಕೆಟ್ ತಂಡದ ಸ್ಫೋಟಕ ಆಲ್ರೌಂಡರ್ ಆ್ಯಂಡ್ರ್ಯೂ ರಸೆಲ್ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪರ ಬ್ಯಾಟ್ ಬೀಸ್ತಿದ್ದು, ಈಗಾಗಲೇ ತಂಡಕ್ಕಾಗಿ ಅನೇಕ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ.
ಕೆಕೆಆರ್ ನಡೆಸಿಕೊಡುತ್ತಿರುವ ನೈಟ್ಸ್ ಅನ್ಪ್ಲಗ್ಡ್ ಆನ್ಲೈನ್ ಶೋನಲ್ಲಿ ಭಾಗಿಯಾಗಿ ಮಾತನಾಡಿರುವ 32 ವರ್ಷದ ರೆಸೆಲ್,ಕೋಲ್ಕತ್ತಾ ನೈಟ್ ರೈಡರ್ಸ್ ಜರ್ಸಿ ತೊಟ್ಟು ತಾನು ಕ್ರಿಕೆಟ್ನಿಂದ ನಿವೃತ್ತಿ ಪಡೆದುಕೊಳ್ಳುವ ಬಯಕೆ ಇದೆ ಎಂದಿದ್ದಾರೆ.
32 ವರ್ಷದ ಕ್ರಿಕೆಟರ್ ಕಳೆದ ವಿಶ್ವಕಪ್ನಲ್ಲಿ ತಂಡದಲ್ಲಿ ಅವಕಾಶ ಪಡೆದುಕೊಂಡಿದ್ರೂ, ಮಂಡಿ ನೋವಿನಿಂದ ಟೂರ್ನಿಯಿಂದ ಹೊರಗುಳಿದಿದ್ದರು. ಆದರೆ ಕೆರಿಬಿಯನ್ ಪ್ರೀಮಿಯರ್ ಲೀಗ್, ಐಪಿಎಲ್ನಲ್ಲಿ ತಮ್ಮ ಸ್ಥಾನ ಭದ್ರಪಡಿಸಿಕೊಂಡಿದ್ದಾರೆ. ಈ ಹಿಂದೆ ಕೋಲ್ಕತ್ತಾದ ಈಡನ್ ಗಾರ್ಡನ್ನಲ್ಲಿ ತಾವು ಬ್ಯಾಟ್ ಬೀಸಿದಾಗ ಅಲ್ಲಿನ ಕ್ರೀಡಾಭಿಮಾನಿಗಳು ತೋರಿಸಿರುವ ಪ್ರೀತಿಗೆ ತಾವು ಆಭಾರಿ ಎಂದು ಇದೇ ವೇಳೆ ಹೇಳಿಕೊಂಡಿದ್ದು, ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಕ್ಕೆ ಟ್ರೋಫಿ ಗೆದ್ದು ಕೊಡುವ ಆಸೆ ಇದೆ ಎಂದಿದ್ದಾರೆ.
ಕಳೆದ ಆರು ಆವೃತ್ತಿಗಳಿಂದಲೂ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪರ ಬ್ಯಾಟ್ ಬೀಸುತ್ತಿರುವ ಈ ಪ್ಲೇಯರ್ ಕಳೆದ ಆವೃತ್ತಿಯಲ್ಲಿ 14 ಪಂದ್ಯಗಳಿಂದ 510ರನ್ಗಳಿಕೆ ಮಾಡಿದ್ದು, 11 ವಿಕೆಟ್ ಪಡೆದುಕೊಂಡಿದ್ದರು.
