ರಹಾನೆಯಿಂದ ಅದ್ಭುತವಾದ ಆಟ: ಹಂಗಾಮಿ ನಾಯಕನ ಕೊಂಡಾಡಿದ ಕೊಹ್ಲಿ

ಅಜಿಂಕ್ಯ ರಹಾನೆ 200 ಎಸೆತಗಳಲ್ಲಿ 12 ಬೌಂಡರಿ ಸಹಿತ 104 ರನ್​ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ. ಇವರು ಈಗಾಗಲೇ ರವೀಂದ್ರ ಜಡೇಜಾ ಅವರೊಂದಿಗೆ 104 ರನ್​ಗಳ ಶತಕದ ಜೊತೆಯಾಟ ನಡೆಸಿದ್ದು, ಭಾರತಕ್ಕೆ 82 ರನ್​ಗಳ ಮಹತ್ವದ ಮುನ್ನಡೆ ಒದಗಿಸಿಕೊಟ್ಟಿದ್ದಾರೆ.

ಮೆಲ್ಬೋರ್ನ್​: ಆಸ್ಟ್ರೇಲಿಯಾ ವಿರುದ್ಧದ 2ನೇ ಟೆಸ್ಟ್​ ಪಂದ್ಯದಲ್ಲಿ ತಮ್ಮ 12ನೇ ಶತಕ ಬಾರಿಸಿದ ಅಜಿಂಕ್ಯ ರಹಾನೆಯನ್ನು ಟೀಮ್​ ಇಂಡಿಯಾದ ಎಲ್ಲಾ ಮಾದರಿಯ ನಾಯಕ ವಿರಾಟ್​ ಕೊಹ್ಲಿ 'ರಹಾನೆಯ ಅದ್ಭುತ ಆಟ' ಎಂದು ಕೊಂಡಾಡಿದ್ದಾರೆ.

ಅಜಿಂಕ್ಯ ರಹಾನೆ 200 ಎಸೆತಗಳಲ್ಲಿ 12 ಬೌಂಡರಿ ಸಹಿತ 104 ರನ್​ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ. ಇವರು ಈಗಾಗಲೇ ರವೀಂದ್ರ ಜಡೇಜಾ ಅವರೊಂದಿಗೆ 104 ರನ್​ಗಳ ಶತಕದ ಜೊತೆಯಾಟ ನಡೆಸಿದ್ದು, ಭಾರತಕ್ಕೆ 82 ರನ್​ಗಳ ಮಹತ್ವದ ಮುನ್ನಡೆ ಒದಗಿಸಿಕೊಟ್ಟಿದ್ದಾರೆ. ಅಲ್ಲದೆ, 3ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿ ಮುನ್ನಡೆಯ ಅಂತರವನ್ನು ಹೆಚ್ಚಿಸಬಹುದೆಂಬ ನಿರೀಕ್ಷೆಯಲ್ಲಿ ಭಾರತೀಯ ಅಭಿಮಾನಿಗಳಿದ್ದಾರೆ.

ಒತ್ತಡದ ಸಂದರ್ಭದಲ್ಲಿ ಆಕರ್ಷಕ ಬ್ಯಾಟಿಂಗ್ ಪ್ರದರ್ಶನ ತೋರಿ ಶತಕ ಸಿಡಿಸಿದ ರಹಾನೆಯನ್ನು ವಿರಾಟ್​ ಕೊಹ್ಲಿ ಶ್ಲಾಘಿಸಿದ್ದಾರೆ.

• Another great day for us. Proper test cricket at its best. Absolutely top knock from Jinks👌@ajinkyarahane88

  — Virat Kohli (@imVkohli) December 27, 2020 " class="align-text-top noRightClick twitterSection" data="

  Another great day for us. Proper test cricket at its best. Absolutely top knock from Jinks👌@ajinkyarahane88

  — Virat Kohli (@imVkohli) December 27, 2020

  ">

  Another great day for us. Proper test cricket at its best. Absolutely top knock from Jinks👌@ajinkyarahane88

  — Virat Kohli (@imVkohli) December 27, 2020

ಕೊಹ್ಲಿ ಪತ್ನಿ ಜನವರಿಯ ಮೊದಲ ವಾರದಲ್ಲಿ ತಮ್ಮ ಮೊದಲ ಮಗುವಿಗೆ ಜನ್ಮ ನೀಡುವುದರಿಂದ ಈ ಸಂದರ್ಭದಲ್ಲಿ ತಮ್ಮ ಪತ್ನಿ ಜೊತೆಗಿರಲು ಅವರು ಬಿಸಿಸಿಐನಿಂದ ಪಿತೃತ್ವ ರಜೆ ಪಡೆದುಕೊಂಡಿದ್ದಾರೆ. ಹಾಗಾಗಿ ರಹಾನೆ ಭಾರತ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ರಹಾನೆ ನಾಯಕತ್ವನ್ನು ಈಗಾಗಲೇ ಆಸ್ಟ್ರೇಲಿಯಾದ ರಿಕಿ ಪಾಂಟಿಂಗ್, ಮೆಕ್​ಗ್ರಾತ್​ ಸೇರಿದಂತೆ ಮಹಾನ್ ಕ್ರಿಕೆಟಿಗರು ಶ್ಲಾಘಿಸಿದ್ದಾರೆ.

ರಹಾನೆ, ಕೊಹ್ಲಿಯ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಬಂದು, ವಿಹಾರಿ ಜೊತೆಗೆ 52, ರಿಷಭ್ ಪಂತ್ ಜೊತೆಗೆ 57 ಹಾಗೂ ಜಡೇಜಾ ಜೊತೆಗೆ 104 ರನ್​ಗಳ ಜೊತೆಯಾಟ ನಡೆಸಿ ತಂಡವನ್ನು ಸುಸ್ಥಿತಿಯಲ್ಲಿರಲು ನೆರವಾಗಿದ್ದಾರೆ.