ಎಬಿಡಿ ಆರ್ಭಟಕ್ಕೆ ಧೂಳಿಪಟವಾದ ರಾಜಸ್ಥಾನ್​: ಆರ್​ಸಿಬಿಗೆ 7 ವಿಕೆಟ್​ಗಳ ಭರ್ಜರಿ ಜಯ

ರಾಜಸ್ಥಾನ್​ ರಾಯಲ್ಸ್ ನೀಡಿದ 178 ರನ್​ಗಳ ಗುರಿಯನ್ನ ಬೆನ್ನತ್ತಿದ ಬೆಂಗಳೂರು ತಂಡ ಎಬಿ ಡಿ ವಿಲಿಯರ್ಸ್ ಅವರ ನಿರ್ಣಾಯಕ ಅರ್ಧಶತಕ(55) ಹಾಗೂ ನಾಯಕ ಕೊಹ್ಲಿ ಅವರ 43 ರನ್​ಗಳ ನೆರವಿನಿಂದ ಇನ್ನು 2 ಎಸೆತಗಳು ಉಳಿದಿರುವಂತೆ 3 ವಿಕೆಟ್ ಕಳೆದುಕೊಂಡು ತಲುಪಿತು.

ದುಬೈ: ಎಬಿ ಡಿ ವಿಲಿಯರ್ಸ್​ ಸಿಡಿಸಿದ ಸ್ಫೋಟಕ ಅರ್ಧಶತಕದ ನೆರವಿನಿಂದ ರಾಜಸ್ಥಾನ್ ರಾಯಲ್ಸ್​ ವಿರುದ್ಧ ಆರ್​ಸಿಬಿ 7 ವಿಕೆಟ್​ಗಳ ರೋಚಕ ಜಯ ಸಾಧಿಸಿದೆ.

ರಾಜಸ್ಥಾನ್​ ರಾಯಲ್ಸ್ ನೀಡಿದ 178 ರನ್​ಗಳ ಗುರಿಯನ್ನ ಬೆನ್ನತ್ತಿದ ಬೆಂಗಳೂರು ತಂಡ ಎಬಿ ಡಿ ವಿಲಿಯರ್ಸ್ ಅವರ ನಿರ್ಣಾಯಕ ಅರ್ಧಶತಕ(55) ಹಾಗೂ ನಾಯಕ ಕೊಹ್ಲಿ ಅವರ 43 ರನ್​ಗಳ ನೆರವಿನಿಂದ ಇನ್ನು 2 ಎಸೆತಗಳು ಉಳಿದಿರುವಂತೆ 3 ವಿಕೆಟ್ ಕಳೆದುಕೊಂಡು ತಲುಪಿತು.

• An elated Captain after a thrilling victory against #RR.#Dream11IPL pic.twitter.com/DKzUq1nQoB

  — IndianPremierLeague (@IPL) October 17, 2020 " class="align-text-top noRightClick twitterSection" data="

  An elated Captain after a thrilling victory against #RR.#Dream11IPL pic.twitter.com/DKzUq1nQoB

  — IndianPremierLeague (@IPL) October 17, 2020

  ">

  An elated Captain after a thrilling victory against #RR.#Dream11IPL pic.twitter.com/DKzUq1nQoB

  — IndianPremierLeague (@IPL) October 17, 2020

ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ ಕೊಹ್ಲಿ ಬಳಗ ಉತ್ತಮ ಆರಂಭ ಪಡೆಯುವಲ್ಲಿ ವಿಫಲವಾಯಿತು, ಆಸೀಸ್ ದಾಂಡಿಗ ಆ್ಯರೋನ್ ಫಿಂಚ್​ ಕೇವಲ 14 ರನ್​ಗಳಿಸಿ ಗೋಪಾಲ್​ಗೆ ವಿಕೆಟ್​ ಒಪ್ಪಿಸಿದರು. ಮತ್ತೊಬ್ಬ ಆರಂಭಿಕ ಬ್ಯಾಟ್ಸ್​ಮನ್​ ದೇವದತ್​ ಪಡಿಕ್ಕಲ್ ನಾಯಕ ಕೊಹ್ಲಿ ಜೊತೆ 79 ರನ್​ಗಳ ಜೊತೆಯಾಟ ನಡೆಸಿದರಾದರೂ ನಿಧಾನಗತಿ ಆಟ ಪ್ರದರ್ಶಿಸಿದರು. ಒತ್ತಡದಿಂದ ಬ್ಯಾಟ್​ ಬೀಸಿದ ಯುವ ಬ್ಯಾಟ್ಸ್​ಮನ್​ 37 ಎಸೆತಗಳಲ್ಲಿ ಕೇವಲ 2 ಬೌಂಡರಿ ಸಹಿತ 35 ರನ್​ಗಳಿಸಿ ಔಟಾದರು. ನಂತರದ ಎಸೆತದಲ್ಲೇ ಕೊಹ್ಲಿ ಕೂಡ 43 ರನ್​ಗಳಿಸಿ ಯುವ ಬೌಲರ್​ ತ್ಯಾಗಿಗೆ ವಿಕೆಟ್ ಒಪ್ಪಿಸಿದರು.

​ಗೇಮ್​ ಚೇಂಜ್ ಮಾಡಿದ ಮಿಸ್ಟರ್ 360

ಒಂದು ಹಂತದಲ್ಲಿ 13.1 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 102 ರನ್​ಗಳಿಸಿ ಬೆಂಗಳೂರು ತಂಡ ಸೋಲಿನ ಸುಳಿಗೆ ಸಿಲುಕಿತ್ತು. ಕ್ರೀಸ್ ಆಗತಾನೆ ಗುರ್ಕಿರಾತ್​ ರನ್​ಗಳಿಸಲು ಪರದಾಡಿದರು. ಆದರೆ ಎಬಿಡಿ ಕೆಲವು ಕೆಟ್ಟ ಎಸೆತಗಳನ್ನು ಬೌಂಡರಿ ಗೆರೆ ದಾಟಿಸುವ ಮೂಲಕ ರನ್​ಗತಿ ಕಾಪಾಡಿಕೊಳ್ಳುತ್ತಿದ್ದರು. ಆದರೂ ಕೊನೆಯ 18 ಎಸೆತಗಳಲ್ಲಿ ಗೆಲ್ಲಲು 35 ರನ್​ಗಳ ಅಗತ್ಯವಿತ್ತು. ಉನ್ನಾದ್ಕಟ್ ಎಸೆದ ಆ ಓವರ್​ನಲ್ಲಿ ಎಬಿಡಿ 3 ಸಿಕ್ಸರ್​ ಸಿಡಿಸಿದರೆ, ಗುರುಕಿರಾತ್ ಒಂದು ಬೌಂಡರಿ ಬಾರಿಸುವ ಮೂಲಕ 25 ರನ್​ ಸೂರೆಗೈದರು. 12 ಎಸೆತಗಳಲ್ಲಿ 35 ಇದ್ದ ಪಂದ್ಯದ ಗತಿ ಕೊನೆ ಓವರ್​ಗೆ 10 ರನ್​ಗಳಿಗೆ ಬಂದು ನಿಂತಿತು.

ಆರ್ಚರ್​ ಎಸೆದ 20 ಓವರ್​ನಲ್ಲಿ ಎಬಿಡಿ ಮತ್ತು ಗುರುಕಿರಾರ್​ 4 ಎಸೆತಗಳಲ್ಲಿ 10 ರನ್​ಗಳಿಸಿ ತಂಡಕ್ಕೆ 7 ವಿಕೆಟ್​ಗಳ ಜಯ ತಂದುಕೊಟ್ಟರು.

• A game changer and how!#RCB WINS by 7 wickets.#Dream11IPL pic.twitter.com/NFdKHPX1B2

  — IndianPremierLeague (@IPL) October 17, 2020 " class="align-text-top noRightClick twitterSection" data="

  A game changer and how!#RCB WINS by 7 wickets.#Dream11IPL pic.twitter.com/NFdKHPX1B2

  — IndianPremierLeague (@IPL) October 17, 2020

  ">

  A game changer and how!#RCB WINS by 7 wickets.#Dream11IPL pic.twitter.com/NFdKHPX1B2

  — IndianPremierLeague (@IPL) October 17, 2020

ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ತೋರಿದ ವಿಲಿಯರ್ಸ್ ಕೇವಲ 22 ಎಸೆತಗಳಲ್ಲಿ 6 ಸಿಕ್ಸರ್ ಹಾಗೂ 1 ಬೌಂಡರಿ ಸಹಿತ 55 ರನ್​ಗಳಿಸಿದರೆ, ಗುರ್ಕಿರಾತ್ ಸಿಂಗ್ ಮನ್ ಔಟಾಗದೆ 19 ರನ್​ಗಳಿಸಿದರು.

ರಾಜಸ್ಥಾನ್ ಪರ ರಾಹುಲ್ ತೆವಾಟಿಯಾ 30ಕ್ಕೆ 1, ಕಾರ್ತಿಕ್ ತ್ಯಾಗಿ 32ಕ್ಕೆ 1, ಶ್ರೇಯಸ್ ಗೋಪಾಲ್ 32ಕ್ಕೆ 1 ವಿಕೆಟ್ ಪಡೆದರು. ಆರ್ಚರ್​ ಹಾಗೂ ಉನಾದ್ಕಟ್ ಆಟ ಆರ್​ಸಿಬಿ ಬ್ಯಾಟ್ಸ್​ಮನ್​ಗಳ ಮುಂದೆ ನಡೆಯಲಿಲ್ಲ. ಇವರಿಬ್ಬರು ಕ್ರಮವಾಗಿ 38 ಹಾಗೂ 46 ರನ್ ಬಿಟ್ಟುಕೊಟ್ಟರು.

ಇದಕ್ಕು ಮೊದಲು ಬ್ಯಾಟಿಂಗ್ ಮಾಡಿದ್ದ ರಾಜಸ್ಥಾನ್ ತಂಡ ನಾಯಕ ಸ್ಮಿತ್​ 57 ಹಾಗೂ ರಾಬಿನ್ ಉತ್ತಪ್ಪ ಅವರ 41 ರನ್​ಗಳ ನೆರವಿನಿಂದ 20 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 178 ರನ್​ಗಳಿಸಿತ್ತು.

ಆರ್​ಸಿಬಿ ಪರ ಕ್ರಿಸ್ ಮೋರಿಸ್​ 4 ಹಾಗೂ ಯಜುವೇಂದ್ರ ಚಹಾಲ್ 2 ವಿಕೆಟ್ ಪಡೆದು ಮಿಂಚಿದ್ದರು. 22 ಎಸೆತಗಳಲ್ಲಿ 55 ರನ್​ಗಳಿಸಿದ ಎಬಿ ಡಿ ವಿಲಿಯರ್ಸ್​ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.