ದುಬೈ: ಅಂಕಪಟ್ಟಿಯಲ್ಲಿ 6ನೇ ಸ್ಥಾನಲ್ಲಿದರುವ 3 ಬಾರಿಯ ಚಾಂಪಿಯನ್ ಸಿಎಸ್ಕೆ ತಂಡಕ್ಕೆ ಮಾಜಿ ಕ್ರಿಕೆಟಿಗ ಆಕಾಶ್ ಚೋಪ್ರಾ ಆಲ್ರೌಂಡರ್ ಬ್ರಾವೋ ಬದಲಿಗೆ ಜೋಶ್ ಹೇಜಲ್ವುಡ್ ರನ್ನು ಕಣಕ್ಕಿಳಿಸುವಂತೆ ಸಲಹೆ ನೀಡಿದ್ದಾರೆ.
ಆಡಿರುವ ಎಲ್ಲ ಲೀಗ್ಗಳಲ್ಲೂ ಪ್ಲೇ ಆಫ್ ಸಾಧನೆ ಮಾಡಿರುವ ಏಕೈಕ ತಂಡವಾಗಿರುವ ಸಿಎಸ್ಕೆ ತಂಡ ಇದೇ ಮೊದಲ ಬಾರಿಗೆ ಎಲ್ಲ ವಿಭಾಗದಲ್ಲಿ ವೈಫಲ್ಯ ಅನುಭವಿಸಿದೆ. ಆಡಿರುವ 8 ಪಂದ್ಯಗಳಲ್ಲಿ 3 ಜಯ ಹಾಗೂ 5 ಸೋಲಿನೊಂದಿಗೆ ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ಶನಿವಾರ ನಡೆಯುವ 2ನೇ ಪಂದ್ಯದಲ್ಲಿ 2ನೇ ಸ್ಥಾನದಲ್ಲಿರುವ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕಣಕ್ಕಿಳಿಯುತ್ತಿದೆ. ಈ ಪಂದ್ಯದ ಬಗ್ಗೆ ಮಾತನಾಡುತ್ತಾ ಆಕಾಶ್ ಚೋಪ್ರಾ ಹೇಜಲ್ ವುಡ್ರನ್ನು ಮತ್ತೆ ತಂಡಕ್ಕೆ ಕರೆಸುವಂತೆ ಸೂಚಿಸಿದ್ದಾರೆ.
ಬ್ರಾವೋ ಜಾಗದಲ್ಲಿ ಹೇಜಲ್ವುಡ್ರನ್ನು ಆಡಿಸಿದರೆ ತಂಡದ ಸಂಯೋಜನೆ ಚೆನ್ನಾಗಿರುತ್ತದೆ. ಇದರಿಂದ ಚೆನ್ನೈ ಡೆತ್ ಬೌಲಿಂಗ್ ಅದ್ಭುತವಾಗಿರುತ್ತದೆ. ಈ ಆವೃತ್ತಿಯಲ್ಲಿ ಇದುವರೆಗೂ ಚಾಂಪಿಯನ್ ಬೌಲಿಂಗ್ ಪ್ರದರ್ಶನ ಹೊರಬಂದಿಲ್ಲ. ಆರಂಭದಲ್ಲೇ ಗಾಯಗೊಂಡಿದ್ದರಿಂದ ಅವರ ಪ್ರದರ್ಶನದ ಮೇಲೆ ಪರಿಣಾಮ ಬೀರಿರಬಹುದು ಎಂದಿದ್ದಾರೆ.
ಇನ್ನು ಕಳೆದ ಪಂದ್ಯದಲ್ಲಿ ಗಾಯಗೊಂಡಿರುವ ಡೆಲ್ಲಿ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಇಂದಿನ ಪಂದ್ಯದಲ್ಲಿ ಆಡುವುದು ಕಷ್ಟ ಎಂದಿರುವ ಚೋಪ್ರಾ, ಅಯ್ಯರ್ ಇಲ್ಲದೇ ಡೆಲ್ಲಿ ತಂಡ ಸಿಎಸ್ಕೆ ಮಣಿಸುವುದು ಕೂಡ ಕಷ್ಟ ಎಂದು ಅಭಿಪ್ರಾಯಪಟ್ಟಿದ್ದಾರೆ.
