ಕೋಲ್ಕತ್ತಾ: ಟಿ-20 ಕ್ರಿಕೆಟ್ ಲೀಗ್ಗಳಲ್ಲಿ ಶ್ರೀಮಂತ ಲೀಗ್ ಎಂದು ಕರೆಸಿಕೊಳ್ಳುವ ಐಪಿಎಲ್ ಲೀಗ್ನ 2020ರ ಆವೃತ್ತಿಯಲ್ಲಿ ಕೆಲವು ಹೊಸಬರು ಕೋಟಿ ಕೋಟಿ ಹಣ ಪಡೆದರೆ, ವಿಶ್ವಮಟ್ಟದಲ್ಲಿ ಹೆಸರುವಾಸಿಯಾದವರು ಕಡಿಮೆ ಮೊತ್ತ ಪಡೆದಿದ್ದಾರೆ. ಇನ್ನೂ ಕೆಲವರ ಖರೀದಿಗೆ ಯಾವ ಫ್ರಾಂಚೈಸಿಗಳು ಮುಂದಾಗಲಿಲ್ಲ.
2.ಕ್ರಿಸ್ ಲಿನ್
ಐಪಿಎಲ್ ಸೇರಿದಂತೆ ಪ್ರಪಂಚದ ವಿವಿಧ ಟಿ-20 ಲೀಗ್ಗಳಲ್ಲಿ ತಮ್ಮ ಸ್ಫೋಟಕ ಬ್ಯಾಟಿಂಗ್ನಿಂದ ಹೆಸರುವಾಗಿಯಾಗಿರುವ ಆಸ್ಟ್ರೇಲಿಯಾದ ಕ್ರಿಸ್ ಲಿನ್ ಕೇವಲ 2 ಕೋಟಿ ಪಡೆದಿದ್ದಾರೆ. 2018ರ ಐಪಿಎಲ್ನಲ್ಲಿ 9.6 ಕೋಟಿ ಹಣ ಪಡೆದಿದ್ದ ಲಿನ್ರನ್ನು ಯಾವ ಫ್ರಾಂಚೈಸಿ ಕೊಳ್ಳಲು ಮುಂದಾಗಲಿಲ್ಲ. ಅವರ ಮೂಲ ಬೆಲೆ 2 ಕೋಟಿಗೆ ಮುಂಬೈ ಇಂಡಿಯನ್ಸ್ ಖರೀದಿಸಿದೆ. ಇನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡದ ಕೆಲವು ಯುವ ಆಟಗಾರರು ಇವರಿಗಿಂತ ಹೆಚ್ಚು ಹಣ ಪಡೆದಿದ್ದಾರೆ.
2. ಕೆಸ್ರಿಕ್ ವಿಲಿಯಮ್ಸ್
ವೆಸ್ಟ್ ಇಂಡೀಸ್ ತಂಡದ ಬೌಲರ್ ಕೆಸ್ರಿಕ್ ವಿಲಿಯಮ್ಸ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಬೌಲಿಂಗ್ ಜೊತೆಗೆ ಬ್ಯಾಟಿಂಗ್ ಕೂಡ ನಡೆಸಬಲ್ಲ ಇವರನ್ನು ಯಾವ ಫ್ರಾಂಚೈಸಿಯೂ ಕೊಂಡುಕೊಳ್ಳದಿರುವುದು ಆಶ್ಚರ್ಯಕರ ಸಂಗತಿಯಾಗಿದೆ.
3. ಕ್ರಿಸ್ ಮೋರಿಸ್ಗೆ 10 ಕೋಟಿ
ದಕ್ಷಿಣ ಆಫ್ರಿಕಾದ ಆಲ್ರೌಂಡರ್ ಕ್ರಿಸ್ ಮೋರಿಸ್ ತಮ್ಮ ಕಳಪೆ ಪ್ರದರ್ಶನದಿಂದ ಡೆಲ್ಲಿ ಕ್ಯಾಪಿಟಲ್ನಿಂದ ಹೊರಬಿದ್ದಿದ್ದರು. 1.15 ಕೋಟಿ ಮೂಲ ಬೆಲೆ ಇದ್ದ ಮೋರಿಸ್ರನ್ನು ಆರ್ಸಿಬಿ ಬರೋಬ್ಬರಿ 10 ಕೋಟಿಗೆ ಖರೀದಿಸಿರುವುದು ಸೋಜಿಗದ ಸಂಗತಿಯಾಗಿದೆ. ಇದೇ ತಂಡ ಸ್ಟೈನ್ರನ್ನು 2 ಕೋಟಿಗೆ, ಆ್ಯರೋನ್ ಫಿಂಚ್ರನ್ನು 4.4 ಕೋಟಿ ನೀಡಿ ಖರೀದಿಸಿದೆ.
ಪಿಯೂಷ್ ಚಾವ್ಲಾಗೆ 6.75 ಕೋಟಿ
2018ರ ಹರಾಜಿನಲ್ಲಿ 4.20 ಕೋಟಿಗೆ ಕೆಕೆಆರ್ ಫ್ರಾಂಚೈಸಿ ಪಿಯೂಸ್ ಚಾವ್ಲಾರನ್ನು ರೀಟೈನ್ ಮಾಡಿಕೊಂಡಿತ್ತು. ದುಬಾರಿ ಎಂದು ತಂಡದಿಂದ ಹೊರಬಿದ್ದಿದ್ದ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ 6.75 ಕೋಡಿ ಹಣ ನೀಡಿ ಖರೀದಿಸಿದೆ. ಇವರನ್ನು ಖರೀದಿಸಲು ಡೆಲ್ಲಿ, ಪಂಜಾಬ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಭರ್ಜರಿ ಪೈಪೋಟಿ ನಡೆಸಿದ್ದವು.
5: ವರುಣ್ ಚಕ್ರವರ್ತಿ 4 ಕೋಟಿ
2018ರ ಹರಾಜಿನಲ್ಲಿ 8.4 ಕೋಟಿ ರೂ. ಪಡೆದು ದಾಖಲೆ ಸೃಷ್ಠಿಸಿದ್ದ ತಮಿಳುನಾಡಿನ ಯುವ ಬೌಲರ್ ವರುಣ್ ಚಕ್ರವರ್ತಿ 12ನೇ ಆವತ್ತಿಯ ಐಪಿಎಲ್ನಲ್ಲಿ ಆಡಿದ್ದು ಕೇವಲ ಒಂದು ಪಂದ್ಯ. ಅದರಲ್ಲೂ ಕೇವಲ ಒಂದು ಓವರ್ ಬೌಲಿಂಗ್ ಮಾಡಿ 25 ರನ್ ನೀಡಿದ್ದರು. ಆದರೆ ಮತ್ತೆ ಇವರನ್ನು ಈ ಬಾರಿ ಕೆಕೆಆರ್ 4 ಕೋಟಿ ನೀಡಿ ಖರೀದಿಸಿದೆ.
ಈ ಐಪಿಎಲ್ ಹರಾಜಿನಲ್ಲಿ ರಣಜಿ ಕ್ರಿಕೆಟ್ನಲ್ಲಿ ಒಂದೆರಡು ಪಂದ್ಯವಾಡಿದ ಆಟಗಾರರಿಗೆ ಫ್ರಾಂಚೈಸಿಗಳು ಮನ್ನಣೆ ನೀಡಿದ್ದು, ವಿದೇಶಿ ಆಟಗಾರರನ್ನು ತಿರಸ್ಕರಿಸಿದ್ದಾರೆ. ಆದರೆ ಮಿಲಿಯನ್ ಡಾಲರ್ ಟೂರ್ನಿಯಲ್ಲಿ ಅದೃಷ್ಟ ಕೆಲವೇ ಆಟಗಾರರಿಗೆ ಸಿಕ್ಕಿದ್ದು, ಅಂತಹವರಲ್ಲಿ ಆಸೀಸ್ ವೇಗಿ ಪ್ಯಾಟ್ ಕಮ್ಮಿನ್ಸ್ ಒಬ್ಬರು. ಇವರು ಐಪಿಎಲ್ ಇತಿಹಾಸದಲ್ಲೇ ಅತಿ ಹೆಚ್ಚು ಹಣ ಪಡೆದ 2ನೇ ಆಟಗಾರ ಹಾಗೂ ಮೊದಲ ವಿದೇಶಿ ಆಟಗಾರ ಎನಿಸಿಕೊಂಡರು.
