ಬಿಗ್ ಬ್ಯಾಷ್ ಟಿ20 ಲೀಗ್: ‘ಈ ಕ್ಯಾಚ್​ ಔಟೋ, ಅಲ್ವೋ? ನೀವೇ ನೋಡಿ ಹೇಳಿ..

ಅಸ್ಟ್ರೇಲಿಯಾದ ಬಿಗ್​ಬ್ಯಾಷ್​ ಟಿ20 ಲೀಗ್​ನಲ್ಲಿ ನೀಸರ್​ ಅದ್ಭುತ ಕ್ಯಾಚ್ ಮಾಡಿದ್ದರು. ಆದ್ರಿದು ತೀವ್ರ ವಿವಾದಕ್ಕೆ ಕಾರಣವಾಗಿದೆ. ಕ್ರಿಕೆಟ್‌ ನಿಯಮಗಳಲ್ಲಿ ಬದಲಾವಣೆ ಮುಖ್ಯ ಎಂದು ನೆಟ್ಟಿಗರು ಆಗ್ರಹಿಸಿದ್ದಾರೆ.

ಬಿಗ್ ಬ್ಯಾಷ್ ಟಿ20 ಲೀಗ್‌ನಲ್ಲಿ ಸಿಡ್ನಿ ಸಿಕ್ಸರ್ಸ್ ತಂಡದ ಆಟಗಾರ​ ಬಾರಿಸಿದ ಚೆಂಡನ್ನು ಬ್ರಿಸ್ಬೇನ್​ ತಂಡದ ಮೈಕಲ್ ನೀಸರ್ ಕ್ಯಾಚ್ ಮಾಡಿದ್ದು ದೊಡ್ಡ ಚರ್ಚೆಗೆ ಕಾರಣವಾಗಿದೆ. ಅಂಪೈಲ್ ಇದನ್ನು ಸಿಕ್ಸರ್‌​ ಎಂದು ತೀರ್ಪಿತ್ತು ಬಳಿಕ ಥರ್ಡ್​ ಅಂಪೈರ್ ಮೊರೆ ಹೋಗಿದ್ದರು. ಆದ್ರೆ ಥರ್ಡ್​ ಅಂಪೈರ್‌ ​ ಇದನ್ನು ಔಟ್​ ಎಂದು ತಮ್ಮ ನಿರ್ಧಾರ ವ್ಯಕ್ತಪಡಿಸಿದ್ದರು. ಈಗ ಈ ಕ್ಯಾಚ್​ ನೆಟ್ಟಿಗರ ಮನೆಯಲ್ಲಿ ಬಹು ಚರ್ಚೆಯ ವಿಷಯವಾಗಿದೆ.

ಆಗಿದ್ದೇನು?: ಭಾನುವಾರ ನಡೆದ ಪಂದ್ಯದಲ್ಲಿ ಅನಿರೀಕ್ಷಿತ ರೀತಿಯಲ್ಲಿ ಸಿಡ್ನಿ ಸಿಕ್ಸರ್ಸ್ ಆಟಗಾರ ಜೋರ್ಡಾನ್​ ಸಿಲ್ಕ್​ ಹೊಡೆದ ಚೆಂಡನ್ನು ಬ್ರಿಸ್ಬೇನ್​ ಹೀಟ್​ ಆಟಗಾರ ನೀಸರ್​ ಹಿಡಿದರು. ಈ ಕ್ಯಾಚ್ ನಂತರ ನೀಸರ್ ನಿಯಂತ್ರಣ ತಪ್ಪಿ ಬೌಂಡರಿ ಗೆರೆ ದಾಟಿದ್ದಾರೆ. ಆದರೆ ಅದಕ್ಕೂ ಮುನ್ನ ಅವರು ಚೆಂಡನ್ನು ಗಾಳಿಯಲ್ಲಿ ಎಸೆದಿದ್ದರು. ಚೆಂಡು ಸಹ ಬೌಂಡರಿ ಲೈನ್​ ದಾಟಿತ್ತು. ಈ ಸಂದರ್ಭದಲ್ಲಿ ಬೌಂಡರಿ ಲೈನ್​ ಆಚೆಯಿದ್ದ ನೀಸರ್​ ಮತ್ತೆ ಗಾಳಿಯಲ್ಲಿ ಹಾರಿ ಚೆಂಡನ್ನು ಹಿಡಿದು ಮೈದಾನದೊಳಗೆ ಗಾಳಿಯಲ್ಲಿ ಎಸೆದರು. ಬಳಿಕ ಬೌಂಡರಿ ಲೈನ್​ ಸರಿದು ಬಂದ ನೀಸರ್​ ಗಾಳಿಯಲ್ಲಿದ್ದ ಚೆಂಡು ಹಿಡಿದುಕೊಂಡರು.

ಇದು ಔಟೋ​ ಅಥವಾ ಸಿಕ್ಸರೋ​ ಅಂತ ಅಂಪೈರ್​ ಕೂಡಾ ಗೊಂದಲಕ್ಕೀಡಾಗಿದ್ದರು. ಹೀಗಾಗಿ ಅಂಪೈರ್ ತಕ್ಷಣಕ್ಕೆ​ ಸಿಕ್ಸರ್​ ಎಂದು ತಮ್ಮ ನಿರ್ಣಯ ನೀಡಿ ಥರ್ಡ್​ ಅಂಪೈರ್​ಗೆ ಮೊರೆ ಹೋಗಿದ್ದಾರೆ. ಬಹಳ ಸಮಯದವರೆಗೂ ಪರಿಶೀಲನೆ ನಡೆದು ಮೂರನೇ ಅಂಪೈರ್ ಇದನ್ನು ಔಟ್ ಎಂದು ಹೇಳಿದರು. ಅಲ್ಲಿ ನೆರೆದಿದ್ದ ಪ್ರೇಕ್ಷಕರೆಲ್ಲರಿಗೂ ಅರೆಕ್ಷಣ ಅಚ್ಚರಿ!.

• 👏 Quite a few questions have emerged following this outstanding bit of fielding in the @BBL.@Gmaxi_32 provides expert commentary as to why this indeed was Out.
  
  See here for the Law: https://t.co/A1dNCFU9vo#MCCLawspic.twitter.com/OppIx2ufa6

  — Marylebone Cricket Club (@MCCOfficial) January 1, 2023 " class="align-text-top noRightClick twitterSection" data="

  👏 Quite a few questions have emerged following this outstanding bit of fielding in the @BBL.@Gmaxi_32 provides expert commentary as to why this indeed was Out.
  
  See here for the Law: https://t.co/A1dNCFU9vo#MCCLawspic.twitter.com/OppIx2ufa6

  — Marylebone Cricket Club (@MCCOfficial) January 1, 2023

  ">

  👏 Quite a few questions have emerged following this outstanding bit of fielding in the @BBL.@Gmaxi_32 provides expert commentary as to why this indeed was Out.
  
  See here for the Law: https://t.co/A1dNCFU9vo#MCCLawspic.twitter.com/OppIx2ufa6

  — Marylebone Cricket Club (@MCCOfficial) January 1, 2023

ಥರ್ಡ್​ ಅಂಪೈರ್​ ನೀಡಿದ್ದ ನಿರ್ಣಯ ಸರಿಯಾಗಿದೆ ಎಂದು ಮೇರಿಲ್ಬೋನ್ ಕ್ರಿಕೆಟ್ ಕ್ಲಬ್ ಸಮರ್ಥಿಸಿಕೊಂಡಿದೆ. ಆದರೆ, ನೀಸರ್ ಕ್ಯಾಚ್​ ಅನ್ನು ಥರ್ಡ್​ ಅಂಪೈರ್​ ಹೇಗೆ ಔಟ್​ ಕೊಟ್ಟರು? ಎಂಬ ಚರ್ಚೆ ನಡೆಯುತ್ತಿದೆ. ಇಂತಹ ಕ್ಯಾಚ್‌ಗಳ ವಿಚಾರದಲ್ಲಿ ನಿಯಮಗಳ ಬದಲಾವಣೆ ಆಗಬೇಕು ಅನ್ನೋದು ನೆಟ್ಟಿಗರು ಅಂಬೋಣ.

ನಿನ್ನೆ ನಡೆದ ಪಂದ್ಯವೂ ಅತ್ಯಂತ ರೋಚಕತೆಯಿಂದ ಕೂಡಿತ್ತು. ಮೊದಲು ಬ್ಯಾಟ್​ ಬೀಸಿದ ಬ್ರಿಸ್ಬೇನ್​ ನಿಗದಿತ 20 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು 224 ರನ್​ಗಳನ್ನು ಕಲೆಹಾಕಿತ್ತು. ಗುರಿ ಬೆನ್ನತ್ತಿದ್ದ ಸಿಡ್ನಿ ಸಿಕ್ಸರ್​ 20 ಓವರ್​ಗಳಲ್ಲಿ ತನ್ನೆಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡು 209 ರನ್​ಗಳನ್ನು ಮಾತ್ರ ಕಲೆ ಹಾಕಲು ಶಕ್ತವಾಯಿತು. ಹೀಗಾಗಿ ಸಿಡ್ನಿ ಸಿಕ್ಸರ್ಸ್​ ವಿರುದ್ಧ ಬ್ರಿಸ್ಬೇನ್​ 15 ರನ್​ಗಳ ಭರ್ಜರಿ ಜಯ ಸಾಧಿಸಿತು.

ಪಾಯಿಂಟ್​ ಟೇಬಲ್​ನಲ್ಲಿ ಸಿಡ್ನಿ ಸಿಕ್ಸರ್ಸ್​ 7 ಪಂದ್ಯಗಳಲ್ಲಿ ಮೂರು ಸೋಲನ್ನಪ್ಪಿದ್ದು, ನಾಲ್ಕು ಜಯ ಗಳಿಸಿ ಮೂರನೇ ಸ್ಥಾನದಲ್ಲಿದೆ. ಬ್ರಿಸ್ಬೇನ್​ ಹೀಟ್​ ಆಡಿರುವ ಆರು ಪಂದ್ಯಗಳಲ್ಲಿ ನಾಲ್ಕು ಪಂದ್ಯಗಳನ್ನು ಸೋತು ಎರಡು ಮಾತ್ರ ಗೆದ್ದಿದ್ದು, 7 ಸ್ಥಾನದಲ್ಲಿದೆ.

ಇದನ್ನೂ ಓದಿ: ಪಂತ್‌ ಪ್ರಾಣ ರಕ್ಷಿಸಿದ ಬಸ್‌ ಚಾಲಕ, ನಿರ್ವಾಹಕನನ್ನು ಗೌರವಿಸಲಿದೆ ಉತ್ತರಾಖಂಡ್ ಸರ್ಕಾರ