ಏಷ್ಯಾಕಪ್‌: ನೇಪಾಳ ವಿರುದ್ಧದ ಉದ್ಘಾಟನಾ ಪಂದ್ಯದಲ್ಲಿ ಪಾಕಿಸ್ತಾನದ ಬಾಬರ್ ಆಜಮ್ ಭರ್ಜರಿ ಶತಕ

Babar Azam 19th ODI hundred: ಏಷ್ಯಾಕಪ್​ನ ಮೊದಲ ಪಂದ್ಯದಲ್ಲಿ ಶತಕದಾಟವಾಡುವ ಮೂಲಕ ಪಾಕಿಸ್ತಾನ ತಂಡದ ಕ್ಯಾಪ್ಟನ್ ಬಾಬರ್ ಆಜಮ್​ ಅಂತರರಾಷ್ಟ್ರೀಯ ಕ್ರಿಕೆಟ್​ನ 31ನೇ ಶತಕ ದಾಖಲಿಸಿದರು.

ಮುಲ್ತಾನ್​ (ಪಾಕಿಸ್ತಾನ): ಏಕದಿನ ಕ್ರಿಕೆಟ್​ನ ನಂಬರ್​ 1 ಬ್ಯಾಟರ್ ಪಾಕಿಸ್ತಾನದ​ ಬಾಬರ್​ ಆಜಮ್​ ತಮ್ಮ ಅಮೋಘ ಫಾರ್ಮ್​ ಮುಂದುವರೆಸಿದ್ದಾರೆ. ಏಷ್ಯಾಕಪ್​ನಲ್ಲಿ ನೇಪಾಳ ವಿರುದ್ಧದ ಮೊದಲ ಪಂದ್ಯದಲ್ಲೇ ಅವರು ಏಕದಿನ ಕ್ರಿಕೆಟ್​ನ 19ನೇ ಶತಕ ಸಿಡಿಸಿದರು. ಮಹಮ್ಮದ್​ ರಿಜ್ವಾನ್​ ಮತ್ತು ಇಫ್ತಿಕರ್​ ಅಹಮದ್​ ಜೊತೆಗೆ ಉತ್ತಮ ಜೊತೆಯಾಟವಾಡಿದ ಬಾಬರ್,​ 109 ಎಸೆತ​ಗಳಲ್ಲಿ 10 ಬೌಂಡರಿಗಳೊಂದಿಗೆ ಶತಕ ದಾಖಲಿಸಿದರು.

ಬಾಬರ್​ ಅವರ 31ನೇ ಅಂತಾರಾಷ್ಟ್ರೀಯ ಶತಕ ಇದಾಗಿದ್ದು, ಏಕದಿನ ಮಾದರಿಯಲ್ಲಿ 19 ಶತಕ ಪೂರೈಸಿದ ವೇಗದ ಬ್ಯಾಟರ್​ ಎಂಬ ದಾಖಲೆ ಬರೆದಿದ್ದಾರೆ. ಒಟ್ಟು 31ನೇ ಶತಕದ ಮೂಲಕ ಪ್ರಸ್ತುತ ಆಡುತ್ತಿರುವ ಆಟಗಾರರ ಶತಕದ ಪಟ್ಟಿಯಲ್ಲಿ ಬಾಬರ್​ 7ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ವಿರಾಟ್​ ಕೊಹ್ಲಿ (76), ಜೋ ರೂಟ್ (46), ವಾರ್ನರ್​ (45), ರೋಹಿತ್​ ಶರ್ಮಾ (44), ಸ್ಟೀವ್​ ಸ್ಮಿತ್ (44),​ ಕೇನ್​ ವಿಲಿಯಮ್ಸನ್ (41)​ ಬಾಬರ್‌ಗಿಂತ ಮೇಲಿದ್ದಾರೆ. ​

• A superb ton from the skipper 💯
  
  Babar Azam now has as many international hundreds as Pakistan legends Javed Miandad and Saeed Anwar 👏#PAKvNEP | 📝: https://t.co/5ewtl5FKT7 pic.twitter.com/t74KKxJkye

  — ICC (@ICC) August 30, 2023 " class="align-text-top noRightClick twitterSection" data="

  A superb ton from the skipper 💯
  
  Babar Azam now has as many international hundreds as Pakistan legends Javed Miandad and Saeed Anwar 👏#PAKvNEP | 📝: https://t.co/5ewtl5FKT7 pic.twitter.com/t74KKxJkye

  — ICC (@ICC) August 30, 2023

  ">

  A superb ton from the skipper 💯
  
  Babar Azam now has as many international hundreds as Pakistan legends Javed Miandad and Saeed Anwar 👏#PAKvNEP | 📝: https://t.co/5ewtl5FKT7 pic.twitter.com/t74KKxJkye

  — ICC (@ICC) August 30, 2023

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡ ಕ್ಯಾಪ್ಟನ್‌ ಬಾಬರ್​ ಆಜಮ್​ ತಮ್ಮ ನಿರ್ಧಾರವನ್ನು ತಾವೇ ರಕ್ಷಿಸಿಕೊಳ್ಳಬೇಕಾಯಿತು. ಕ್ರಿಕೆಟ್​ ಶಿಶು ಎಂದೇ ಕರೆಸಿಕೊಳ್ಳುತ್ತಿರುವ ಮತ್ತು ಮೊದಲ ಬಾರಿಗೆ ಏಷ್ಯಾಕಪ್​ನಲ್ಲಿ ಸ್ಪರ್ಧಿಸುತ್ತಿರುವ ನೇಪಾಳ 6.1 ಓವರ್​ ವೇಳೆಗೆ ಪಾಕಿಸ್ತಾನದ ಎರಡು ಪ್ರಮುಖ ವಿಕೆಟ್​ ಪಡೆದುಕೊಂಡಿತು. ವಿಶ್ವ ಶ್ರೇಯಾಂಕದಲ್ಲಿ 5ನೇ ಸ್ಥಾನದಲ್ಲಿರುವ ಫಕರ್​ ಜಮಾನ್​​ 20 ಎಸೆತಗಳಲ್ಲಿ 14 ರನ್​ ಗಳಿಸಿ ಔಟಾದರೆ, 3ನೇ ರ್‍ಯಾಂಕಿಂಗ್​ನ ಬ್ಯಾಟರ್​ ಇಮಾಮ್​ ಉಲ್​ ಹಕ್ 14 ಎಸೆತಗಳಲ್ಲಿ 5 ರನ್​ ಗಳಿಸಿ ರನೌಟ್​ಗೆ ಬಲಿಯಾದರು.

ಹೀಗಾಗಿ 25 ರನ್‌ಗಳಿಗೆ ಪಾಕಿಸ್ತಾನ 2 ವಿಕೆಟ್​ಗಳನ್ನು ಕಳೆದುಕೊಂಡಿತ್ತು. ಈ ವೇಳೆ ಬಾಬರ್​ ಆಜಮ್​ ಜೊತೆಯಾದ ಮಹಮ್ಮದ್ ರಿಜ್ವಾನ್​ ಜಂಟಿಯಾಗಿ ರನ್​ ಸೇರಿಸಿದರು. ಈ ಇಬ್ಬರು ಅನುಭವಿ ಬ್ಯಾಟರ್‌ಗಳು 86 ರನ್‌ಗಳ ಜೊತೆಯಾಟ ನೀಡಿದರು. ರಿಜ್ವಾನ್​ (44) ಅರ್ಧಶತಕದ ಹೊಸ್ತಿಲಿನಲ್ಲಿ ರನ್​ ಔಟ್​ಗೆ ಬಲಿಯಾದರು. ನಂತರ ಬಂದ ಅಘಾ ಸಲ್ಮಾನ್​ 5 ರನ್​ ಮಾಡಿ ವಿಕೆಟ್​ ಒಪ್ಪಿಸಿದರು.

28ನೇ ಓವರ್​ಗೆ 124ಕ್ಕೆ 4 ವಿಕೆಟ್​ ಕಳೆದುಕೊಂಡಿದ್ದ ಪಾಕಿಸ್ತಾನಕ್ಕೆ ನಾಯಕ ಬಾಬರ್ ಆಜಮ್​ ಮತ್ತು ಇಫ್ತಿಕರ್​ ಅಹಮದ್​ ಆಸರೆಯಾದರು. ಈ ಜೋಡಿ 150 ಪ್ಲಸ್​ ರನ್​ ಜೊತೆಯಾಟ ಮಾಡಿತು. 46 ಓವರ್‌ಗಳಿಗೆ 4 ವಿಕೆಟ್​ಗೆ 294 ರನ್​ ಗಳಿಸಿತ್ತು. 144 ರನ್‌ಗಳಿಸಿ ಬಾಬರ್ ಮತ್ತು 74 ರನ್​ ಗಳಿಸಿದ ಇಫ್ತಿಕರ್​ ಕ್ರೀಸ್​ನಲ್ಲಿದ್ದರು.

ಇದನ್ನೂ ಓದಿ: ಏಷ್ಯಾಕಪ್‌ ಕ್ರಿಕೆಟ್ ಆರಂಭ: ನೇಪಾಳ ವಿರುದ್ಧ ಟಾಸ್​ ಗೆದ್ದ ಪಾಕಿಸ್ತಾನ​ ಬ್ಯಾಟಿಂಗ್