ಶ್ರೀಲಂಕಾ ವಿರುದ್ಧ ಹೋರಾಡಿ ಸೋತ ಅಫ್ಘಾನಿಸ್ತಾನ.. ಸೂಪರ್​ ಫೋರ್​ಗೆ ಬಾಂಗ್ಲಾ, ಲಂಕಾ ಎಂಟ್ರಿ

ಏಷ್ಯಾಕಪ್​ 2023ರ ಸೂಪರ್ ಫೋರ್​ ಹಂತಕ್ಕೆ ಬಿ ಗುಂಪಿನಿಂದ ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ಆಯ್ಕೆ ಆಗಿದೆ.

ಲಾಹೋರ್​ (ಪಾಕಿಸ್ತಾನ): ಏಷ್ಯಾಕಪ್​ನ ಸೂಪರ್ ​ಫೂರ್ ಹಂತಕ್ಕೆ ಅಫ್ಘಾನಿಸ್ತಾನ ಪ್ರವೇಶಿಸಬೇಕಾದರೆ 38 ಓವರ್​ ಒಳಗಡೆ ಲಂಕಾ ಕೊಟ್ಟಿದ್ದ ಗುರಿಯನ್ನು ಭೇದಿಸಬೇಕಿತ್ತು. ಏಕೆಂದರೆ, ಬಾಂಗ್ಲಾದೇಶದ ಎದುರು ಸೋಲು ಕಂಡಿದ್ದರಿಂದ ಅಫ್ಘಾನ್​ -1.780 ರನ್​ ರೇಟ್​ ಹೊಂದಿತ್ತು. ಈ ಹಿನ್ನೆಲೆಯಲ್ಲಿ ಲಂಕಾ ಬೌಲರ್​ಗಳನ್ನು ಹಿನಾಮಾನವಾಗಿ ದಂಡಿಸಿದ ಅಫ್ಘಾನಿ ಬ್ಯಾಟರ್​ಗಳು ಗೆಲುವಿಗೆ 37.4 ಓವರ್​ನಲ್ಲಿ ಆಲ್​ಔಟ್​ಗೆ ಶರಣಾಗಿ 2 ರನ್​ ಹಿನ್ನಡೆ ಅನುಭವಿಸಿ ಸೋಲು ಕಂಡರು. ಇದರಿಂದ ಸೂಪರ್​ 4 ಹಂತಕ್ಕೆ ಶ್ರೀಲಂಕಾ ಮತ್ತು ಬಾಂಗ್ಲಾದೇಶ ಸ್ಥಾನ ಪಡೆದುಕೊಂಡಿತು.

• A thriller in Lahore 😯
  
  Sri Lanka sneak home by two runs against a spirited Afghanistan side to book a Super 4 spot in #AsiaCup2023 👊#AFGvSL | 📝: https://t.co/mGlQ6ex6uJ pic.twitter.com/XDPFbc4jvd

  — ICC (@ICC) September 5, 2023 " class="align-text-top noRightClick twitterSection" data="

  A thriller in Lahore 😯
  
  Sri Lanka sneak home by two runs against a spirited Afghanistan side to book a Super 4 spot in #AsiaCup2023 👊#AFGvSL | 📝: https://t.co/mGlQ6ex6uJ pic.twitter.com/XDPFbc4jvd

  — ICC (@ICC) September 5, 2023

  ">

  A thriller in Lahore 😯
  
  Sri Lanka sneak home by two runs against a spirited Afghanistan side to book a Super 4 spot in #AsiaCup2023 👊#AFGvSL | 📝: https://t.co/mGlQ6ex6uJ pic.twitter.com/XDPFbc4jvd

  — ICC (@ICC) September 5, 2023

ಲಂಕಾ ಕೊಟ್ಟಿದ್ದ 292 ರನ್​ ಗುರಿಯನ್ನು ಬೆನ್ನು ಹತ್ತಿದ್ದ ಅಫ್ಘಾನಿಸ್ತಾನಕ್ಕೆ ಲಂಕಾದ ರಜಿತ್​ ಆರಂಭಿಕ ಆಘಾತ ನೀಡಿದರು. 3ನೇ ಮತ್ತು 5ನೇ ಓವರ್​ನಲ್ಲಿ ರಹಮಾನುಲ್ಲಾ ಗುರ್ಬಾಜ್ (4) ಮತ್ತು ಇಬ್ರಾಹಿಂ ಝದ್ರಾನ್ (7) ಅವರ ವಿಕೆಟ್​ ಪಡೆದರು. ಆದರೆ ಪಟ್ಟು ಬಿಡದ ಅಫ್ಘಾನಿ ಬ್ಯಾಟರ್​ಗಳು ಮೈದಾನಕ್ಕಿಳಿಯುತ್ತಿದ್ದಂತೆ ಬಿರುಸಿನ ಆಟಕ್ಕೆ ಮುಂದಾದರು. ಗುಲ್ಬದಿನ್ ನೈಬ್ ಮತ್ತು ರಹಮತ್ ಶಾ ಸ್ಕೋರ್​ನ ವೇಗ ಹೆಚ್ಚಿಸಲು ನೋಡಿದರು. ಆದರೆ ಪತಿರಾಣ ಸ್ಪಿನ್​ಗೆ ನೈಬ್​ ಎಲ್​ಬಿಡಬ್ಲ್ಯೂಗೆ ಶರಣಾಗಬೇಕಾಯಿತು. 40 ಬಾಲ್​ನಲ್ಲಿ 45 ರನ್​ ಗಳಸಿ ಆಡುತ್ತಿದ್ದ ರೆಹಮತ್​ ಶಾ ವಿಕೆಟ್​ನ್ನು ರಜಿತ್ ಪಡೆದರು. ​

ಮೊಹಮ್ಮದ್ ನಬಿ ಮತ್ತು ಹಶ್ಮತುಲ್ಲಾ ಶಾಹಿದಿ ಬಲಿಷ್ಠ ಹೋರಾಟವನ್ನು ತೋರಿದರು. ನಬಿ ಲಂಕಾ ಬೌಲರ್​ಗಳನ್ನು ಮನಸೋ ಇಚ್ಛೆ ದಂಡಿಸಿದರು. ಕೇವಲ 32 ಬಾಲ್​ ಎದುರಿಸಿದ ಅವರು 5 ಸಿಕ್ಸ್​ ಮತ್ತು 6 ಬೌಂಡರಿಯ ಸಹಾಯದಿಂದ 65 ರನ್​ ಕಲೆಹಾಕಿದರು. ಇವರ ಭರ್ಜರಿ ಆಟದ ನೆರವಿನಿಂದ 38 ಓವರ್​ ಒಳಗೇ ಪಂದ್ಯವನ್ನು ಅಫ್ಘಾನ್​ ಯಾವುದೇ ಪ್ರಯಾಸವಿಲ್ಲದೇ ಗೆಲ್ಲುವಂತಿತ್ತು. ಆದರೆ, 32ನೇ ಬಾಲ್​ನಲ್ಲಿ ಸಿಕ್ಸ್​ ಗಳಿಸುವ ಪ್ರಯತ್ನದಲ್ಲಿ ತೀಕ್ಷ್ಣನ ಬೌಲ್​ನಲ್ಲಿ ಕ್ಯಾಚ್​ ಇತ್ತರು.

ಆದರೆ, ಅವರ ವಿಕೆಟ್​ ನಂತರ ಬಂದ ಕರೀಂ ಜನತ್ ಪಂದ್ಯವನ್ನು ಅದೇ ವೇಗದಲ್ಲಿ ಕೊಂಡೊಯ್ಯದರು. ಜನತ್​ಗೆ ನಾಯಕ ಶಾಹಿದಿ ಸಹ ಬೆಂಬಲ ನೀಡಿದರು. ಕರೀಂ ಜನತ್​ 13 ಬಾಲ್​ನಲ್ಲಿ 22 ರನ್​ ಗಳಸಿ ಔಟ್​ ಆದರು. ಜನತ್​ ಬೆನ್ನಲ್ಲೇ 59 ರನ್​​ಗಳಿಸಿ ಆಡುತ್ತಿದ್ದ ನಾಯಕ ಶಹೀದ್​ ಸಹ ವಿಕೆಟ್​ ಕೊಟ್ಟರು.

ನಜಿಬುಲ್ಲಾ ಝದ್ರಾನ್, ರಶೀದ್ ಖಾನ್ ಹೋರಾಟ: ಝದ್ರಾನ್ ಮತ್ತು ರಶೀದ್ ಕೊನೆಯ 8ನೇ ವಿಕೆಟ್​ಗೆ ಭರ್ಜರಿ ಜೊತೆಯಾಟ ಮಾಡಿದರು. ಕೊನೆಯ ಮೂರು ಬಾಲ್​ ಇರುವ ವರೆಗೂ ರಶೀದ್​ ಖಾನ್​ ಪ್ರಯತ್ನಿಸಿದರು. 15 ಬಾಲ್​ನಲ್ಲಿ ನಜಿಬುಲ್ಲಾ ಝದ್ರಾನ್ 23 ರನ್​ ಗಳಿಸಿದರು. ಕೊನೆಯಲ್ಲಿ ಮುಜೀಬ್ ಉರ್ ರಹಮಾನ್, ಫಜಲ್ಹಕ್ ಫರೂಕ್ ಬೇಗ ಔಟ್​ ಆಗಿದ್ದರಿಂದ 37.4 ಓವರ್​ನಲ್ಲಿ ಆಲ್​ಔಟ್​ ಆಯಿತು. ಲಂಕಾ ಪರ ಕಸುನ್ ರಜಿತ 4 ವಿಕೆಟ್​ ಪಡದರೆ, ದುನಿತ್ ವೆಲ್ಲಲಾಗೆ ಮತ್ತು ಧನಂಜಯ ಡಿ ಸಿಲ್ವಾ ತಲಾ 2 ವಿಕೆಟ್​ ಕಬಳಿಸಿದರು. ಮತೀಶ ಪತಿರಣ ಮತ್ತು ಮಹೀಶ್ ತೀಕ್ಷ್ಣ ತಲಾ ಒಂದು ವಿಕೆಟ್​ ಉರುಳಿಸಿದರು.

ನಾಳೆ ಬಾಂಗ್ಲಾದೇಶ ಮತ್ತು ಪಾಕಿಸ್ತಾನ ಸೂಪರ್​ ಫೋರ್​ನ ಮೊದಲ ಪಂದ್ಯದಲ್ಲಿ ಸೆಣಸಲಿದೆ.

ಇದನ್ನೂ ಓದಿ: 2023 world cup: ವಿಶ್ವಕಪ್​ ತಂಡದಲ್ಲಿ ಏಳು ಹೊಸಬರು.. 2019ರ ತಂಡಕ್ಕೂ ಈಗಿನ ಪಡೆಗೂ ಏನು ವ್ಯತ್ಯಾಸ?