ಪಾಕ್​ ದಹನ ಮಾಡಿದ ಲಂಕಾ.. ಫೈನಲ್​​​ಗೂ ಮುನ್ನ ಹೆಚ್ಚಿದ ಆತ್ಮವಿಶ್ವಾಸ

ಏಷ್ಯಾಕಪ್​​​ನಲ್ಲಿ ಗೆಲುವಿನ ನಾಗಾಲೋಟ ಮುಂದುವರೆಸಿರುವ ಶ್ರೀಲಂಕಾ ತಂಡ ನಿನ್ನೆಯ ಪಂದ್ಯದಲ್ಲೂ ಪಾಕ್​ ವಿರುದ್ಧ ಗೆದ್ದು ಬೀಗಿದೆ. ಈ ಮೂಲಕ ಫೈನಲ್​​​ ಪಂದ್ಯಕ್ಕಾಗಿ ಮತ್ತಷ್ಟು ಆತ್ಮವಿಶ್ವಾಸ ಹೆಚ್ಚಿಸಿಕೊಂಡಿದೆ.

ದುಬೈ(ಯುಎಇ): ಏಷ್ಯಾಕಪ್​ ಟಿ20 ಟೂರ್ನಾಮೆಂಟ್​​ನ ಸೂಪರ್ ಫೋರ್​​ ಹಂತದ ಕೊನೆಯ ಪಂದ್ಯದಲ್ಲಿ ಪಾಕ್​ ಮೇಲೆ ಸವಾರಿ ಮಾಡಿರುವ ಶ್ರೀಲಂಕಾ 5 ವಿಕೆಟ್​ಗಳ ಗೆಲುವು ದಾಖಲು ಮಾಡಿದೆ. ಈ ಮೂಲಕ ಭಾನುವಾರ ನಡೆಯಲಿರುವ ಫೈನಲ್​ ಪಂದ್ಯಕ್ಕೂ ಮುಂಚಿತವಾಗಿ ಮತ್ತಷ್ಟು ಆತ್ಮವಿಶ್ವಾಸ ಹೆಚ್ಚಿಸಿಕೊಂಡಿದೆ.

ದುಬೈನ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಬಾಬರ್ ಆಜಂ ಬಳಗ 19.1 ಓವರ್​​​ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು ಕೇವಲ 121ರನ್​​ಗಳಿಸಲು ಮಾತ್ರ ಶಕ್ತವಾಯಿತು. ಲಂಕಾ ಪರ ಮಾರಕ ಬೌಲಿಂಗ್ ದಾಳಿ ನಡೆಸಿದ ವನಿಂದು ಹಸರಂಗ. ಮಹೀಶ್ ತೀಕ್ಷಣ ಹಾಗೂ ಪ್ರಮೋದ್​ ಮದುಶನ್​ ಎದುರಾಳಿ ತಂಡದ ಬ್ಯಾಟರ್​​ಗಳನ್ನು ಇನ್ನಿಲ್ಲದಂತೆ ಕಾಡಿದರು. ಪಾಕಿಸ್ತಾನದ ಪರ ಕ್ಯಾಪ್ಟನ್​ ಬಾಬರ್​(30) ಹಾಗೂ ನವಾಜ್​​(26) ವೈಯಕ್ತಿಕ ಗರಿಷ್ಠ ಸ್ಕೋರ್​ರ ಆದರು.

• Rounding up 📸 the second innings of the last #Super4 match of the DP World #AsiaCup 2022 🏆 before the final. ⁰
  Well played 👏 Sri Lanka 🇱🇰 #SLvPAK #ACC #AsiaCup2022 #GetReadyForEpic #AsiaCup pic.twitter.com/VcksTLtNNx

  — AsianCricketCouncil (@ACCMedia1) September 9, 2022 " class="align-text-top noRightClick twitterSection" data="

  Rounding up 📸 the second innings of the last #Super4 match of the DP World #AsiaCup 2022 🏆 before the final. ⁰
  Well played 👏 Sri Lanka 🇱🇰 #SLvPAK #ACC #AsiaCup2022 #GetReadyForEpic #AsiaCup pic.twitter.com/VcksTLtNNx

  — AsianCricketCouncil (@ACCMedia1) September 9, 2022

  ">

Rounding up 📸 the second innings of the last #Super4 match of the DP World #AsiaCup 2022 🏆 before the final. ⁰
Well played 👏 Sri Lanka 🇱🇰 #SLvPAK #ACC #AsiaCup2022 #GetReadyForEpic #AsiaCup pic.twitter.com/VcksTLtNNx

— AsianCricketCouncil (@ACCMedia1) September 9, 2022

ಉಳಿದಂತೆ ಭರವಸೆಯ ರಿಜ್ವಾನ್​​(14), ಫಖಾರ್ ಜಮಾನ್​​(13), ಅಹ್ಮದ್​(13),ಕೌಶಲ್ದಿ(4), ಆಸೀಫ್​(0), ಹಸನ್​(0), ರೌಫ್​​(1)ರನ್​​​ಗಳಿಸಿದರು. ಶ್ರೀಲಂಕಾ ಪರ ಮಿಂಚಿದ ಆಲ್​​ರೌಂಡರ್​ ವನಿಂದು ಹಸರಂಗ ಪ್ರಮುಖ 3 ವಿಕೆಟ್ ಪಡೆದುಕೊಂಡರೆ, ಪ್ರಮೋದ್​, ತೀಕ್ಷಣ್​ ತಲಾ 2 ವಿಕೆಟ್ ಹಾಗೂ ಕರುಣರತ್ನೆ 1 ವಿಕೆಟ್ ಪಡೆದುಕೊಂಡರು.

ಸುಲಭ 122ರನ್​​ಗಳ ಗುರಿ ಬೆನ್ನತ್ತಿದ ಶ್ರೀಲಂಕಾ ತಂಡ ಕೇವಲ 29ರನ್​​ಗಳಿಸುವಷ್ಟರಲ್ಲಿ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೊಳಗಾಯಿತು. ಆದರೆ, ಈ ವೇಳೆ ಒಂದಾದ ನಿಶಾಂಕ್​ ಹಾಗೂ ಭಾನುಕಾ ಮುರಿಯದ ಜೊತೆಯಾಟವಾಡಿ ತಂಡವನ್ನ ಗೆಲುವಿನ ದಡಕ್ಕೆ ತಂದು ನಿಲ್ಲಿಸಿದರು. ನಿಶಾಂಕ್​ ಅಜೇಯ 55ರನ್​​​ಗಳಿಸಿದರೆ, ಭಾನುಕಾ 24 ರನ್​​ಗಳಿಸಿ ವಿಕೆಟ್​ ಒಪ್ಪಿಸಿದರು. ಈ ವೇಳೆ ಬಂದ ಕ್ಯಾಪ್ಟನ್ ಶನಕ್​​ 21 ಹಾಗೂ ಹಸರಂಗ 10ರನ್​​​​ಗಳಿಸಿ ತಂಡವನ್ನ ಗೆಲುವಿನ ಗೆರೆ ದಾಟಿಸಿದರು. ತಂಡ ಕೊನೆಯದಾಗಿ 17 ಓವರ್​​​​​ಗಳಲ್ಲಿ 5 ವಿಕೆಟ್​​ನಷ್ಟಕ್ಕೆ 124ರನ್​​ಗಳಿಸಿ, ಗೆಲುವು ದಾಖಲಿಸಿದೆ. ಪಾಕ್​ ಪರ ಮೊಹಮ್ಮದ್​, ಹ್ಯಾರಿಸ್ ರೌಫ್ ತಲಾ 2 ವಿಕೆಟ್ ಪಡೆದರೆ,ಉಸ್ಮಾನ್ 1 ವಿಕೆಟ್ ಕಿತ್ತರು.

ನಾಳೆ ಫೈನಲ್​: ಏಷ್ಯಾಕಪ್​​ನಲ್ಲಿ ಶ್ರೀಲಂಕಾ ಹಾಗೂ ಪಾಕಿಸ್ತಾನ ಈಗಾಗಲೇ ಫೈನಲ್​​ಗೆ ಲಗ್ಗೆ ಹಾಕಿದ್ದು, ನಾಳೆ ಪ್ರಶಸ್ತಿಗೋಸ್ಕರ ಹೋರಾಟ ನಡೆಸಲಿವೆ. ನಿನ್ನೆ ರಾತ್ರಿ ನಡೆದ ಪಂದ್ಯ ಉಭಯ ತಂಡಗಳಿಗೆ ರಿಹರ್ಸಲ್​ ಆಗಿದ್ದು, ಇದರಲ್ಲಿ ಗೆದ್ದ ಸಿಂಹಳೀಯರ ತಂಡದ ಆತ್ಮವಿಶ್ವಾಸ ಮತ್ತಷ್ಟು ವೃದ್ಧಿಯಾಗಿದೆ. ವಿಶೇಷವೆಂದರೆ ಏಷ್ಯಾಕಪ್​​​ನ ಸೂಪರ್​ ಫೋರ್​​ ಹಂತದ ಎಲ್ಲ ಪಂದ್ಯಗಳಲ್ಲೂ ಶ್ರೀಲಂಕಾ ಗೆಲುವು ದಾಖಲು ಮಾಡಿದೆ. ಈ ಟೂರ್ನಿಯಿಂದ ಈಗಾಗಲೇ ಭಾರತ, ಬಾಂಗ್ಲಾದೇಶ, ಅಫ್ಘಾನಿಸ್ತಾನ ಹಾಗೂ ಹಾಂಗ್​ಕಾಂಗ್ ಹೊರಬಿದ್ದಿವೆ.