Asia Cup 2022 SL vs AFG: ಲಂಕಾ ವಿರುದ್ಧ 10 ಓವರ್​​ಗಳಲ್ಲಿ ಗೆದ್ದು ಬೀಗಿದ ಅಫ್ಘಾನಿಸ್ತಾನ

ಏಷ್ಯಾಕಪ್​​ನ ಮೊದಲ ಪಂದ್ಯದಲ್ಲಿ ಗೆಲುವು 8 ವಿಕೆಟ್​​​​​ಗಳ ಭರ್ಜರಿ ಗೆಲುವು ದಾಖಲು ಮಾಡುವ ಮೂಲಕ ಅಫ್ಘಾನಿಸ್ತಾನ ಶುಭಾರಂಭ ಮಾಡಿದೆ.

ದುಬೈ(ಯುಎಇ): ಬೌಲಿಂಗ್​ ಹಾಗೂ ಬ್ಯಾಟಿಂಗ್​​​ನಲ್ಲಿ ಅದ್ಭುತ ಪ್ರದರ್ಶನ ನೀಡಿರುವ ಅಫ್ಘಾನಿಸ್ತಾನ ಏಷ್ಯಾಕಪ್​​ನ ಉದ್ಘಾಟನಾ ಪಂದ್ಯದಲ್ಲಿ 8 ವಿಕೆಟ್​​​​ಗಳ ಗೆಲುವು ದಾಖಲು ಮಾಡಿದೆ. ಈ ಮೂಲಕ ಟೂರ್ನಾಮೆಂಟ್​​​ನಲ್ಲಿ ಶುಭಾರಂಭ ಮಾಡಿದ್ದು, ಜಯದ ಖಾತೆ ತೆರೆದಿದೆ. ಹೀನಾಯವಾಗಿ ಸೋತ ಲಂಕಾ ಮುಖಭಂಗಕ್ಕೊಳಗಾಗಿದೆ.

ದುಬೈನ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಭರ್ಜರಿ ಜಯ ದಾಖಲು ಮಾಡಿರುವ ಅಫ್ಘಾನ್​ ಪಡೆ, ಟಿ20 ಟೂರ್ನಿಯಲ್ಲಿ ಸಿಂಹಳೀಯರ ವಿರುದ್ಧ ಚೊಚ್ಚಲ ಗೆಲುವು ದಾಖಲಿಸುವ ಮೂಲಕ ಸಾಧನೆ ಸಹ ಮಾಡಿದೆ.

ಬೌಲಿಂಗ್​​ನಲ್ಲಿ ಪಾರಮ್ಯ ಮೆರೆದ ಅಫ್ಘಾನಿಸ್ತಾನ

ಮೊದಲ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಲು ಕಣಕ್ಕಿಳಿದ ಶ್ರೀಲಂಕಾ ತಂಡ ಅಫ್ಘಾನಿಸ್ತಾನದ ಬೌಲರ್​​ಗಳ ಎದುರು ಮಂಡಿಯೂರಿತು. ಮಾರಕ ಬೌಲಿಂಗ್​​​ ದಾಳಿಗೆ ತತ್ತರಿಸಿದ ಲಂಕಾ ಪಡೆ 19. 4ಓವರ್​​​​ಗಳಲ್ಲಿ ತನ್ನೆಲ್ಲ ವಿಕೆಟ್​​ ಕಳೆದುಕೊಂಡು ಕೇವಲ 105ರನ್​​​​ಗಳಿಕೆ ಮಾಡಿತು. ತಂಡದ ಪರ ರಾಜಪಕ್ಸೆ(38ರನ್​​) ಹಾಗೂ ಚಮೀರಾ (31ರನ್​​) ವೈಯಕ್ತಿಕ ಗರಿಷ್ಠ ಸ್ಕೋರ್​ ಆಯಿತು. ಉಳಿದಂತೆ ತಂಡದ ಆರಂಭಿಕರಾದ ನಿಶಾಂಕ್​​(3), ಮೆಂಡಿಸ್​​(2) ಹಾಗೂ ಅಸಲಂಕಾ(0) ನಿರಾಸೆ ಮೂಡಿಸಿದರು. ಮಧ್ಯಮ ಕ್ರಮಾಂಕದಲ್ಲಿ ಹಸರಂಗ(2), ಶನಕ್​(0), ತಿಕ್ಷಣ್​(0) ಔಟಾದರು. ಈ ಮೂಲಕ 19. 4 ಓವರ್​​​ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು ಕೇವಲ 105ರನ್​​​ಗಳಿಕೆ ಮಾಡಿತು.

• Congratulations Afghanistan!
  
  It's been a special performance in the first game of the Asia Cup, a very good start, well done to everyone, onto the next one #AfghanAtalan | #AsiaCup2022 pic.twitter.com/cd6GSMa7MR

  — Mirwais Ashraf (@MirwaisAshraf16) August 27, 2022 " class="align-text-top noRightClick twitterSection" data="

  Congratulations Afghanistan!
  
  It's been a special performance in the first game of the Asia Cup, a very good start, well done to everyone, onto the next one #AfghanAtalan | #AsiaCup2022 pic.twitter.com/cd6GSMa7MR

  — Mirwais Ashraf (@MirwaisAshraf16) August 27, 2022

  ">

  Congratulations Afghanistan!
  
  It's been a special performance in the first game of the Asia Cup, a very good start, well done to everyone, onto the next one #AfghanAtalan | #AsiaCup2022 pic.twitter.com/cd6GSMa7MR

  — Mirwais Ashraf (@MirwaisAshraf16) August 27, 2022

ಅಫ್ಘಾನ್​ ಪರ ಮಿಂಚಿದ ಫಾರೂಖಿ 3 ವಿಕೆಟ್​ ಪಡೆದುಕೊಂಡರೆ, ರಹಮನ್​​, ಮಹಮ್ಮದ್ ನಬಿ ತಲಾ 2 ವಿಕೆಟ್ ಪಡೆದರು, ನವೀನ್​ ಉಲ್ ಹಕ್​ 1 ವಿಕೆಟ್ ಕಿತ್ತರು.

ಸುಲಭವಾಗಿ ಗುರಿ ಮುಟ್ಟಿದ ಅಫ್ಘಾನಿಸ್ತಾನ: ಶ್ರೀಲಂಕಾ ನೀಡಿದ್ದ 106ರನ್​​​ಗಳ ಸಾಧಾರಣ ಗುರಿ ಬೆನ್ನಟ್ಟಿದ ಅಫ್ಘಾನ್ ತಂಡ ಆರಂಭದಿಂದಲೂ ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶನ ನೀಡಿತು. ಆರಂಭಿಕರಾಗಿ ಕಣಕ್ಕಿಳಿದ ಹಜರುತುಲೈ ಹಾಗೂ ಗುರ್ಬಾಜ್​ ಉತ್ತಮ ಆರಂಭ ಒದಗಿಸಿದರು. ಈ ಜೋಡಿ ಮೊದಲ ವಿಕೆಟ್​ನಷ್ಟಕ್ಕೆ 83ರನ್​​​ಗಳ ಜೊತೆಯಾಟವಾಡಿದರು. ಗುರ್ಜಾಜ್​ ತಾವು ಎದುರಿಸಿದ 18 ಎಸೆತಗಳಲ್ಲಿ 4 ಸಿಕ್ಸರ್​, 3 ಬೌಂಡರಿ ಸಮೇತ 40ರನ್​​​ ಸಿಡಿಸಿದರು. ಇವರಿಗೆ ಸಾಥ್​ ನೀಡಿದ ಹಜರುತುಲೈ ಅಜೇಯ 37ರನ್​​​ಗಳಿಸಿದರು. ಗುರ್ಜಾಜ್​ ವಿಕೆಟ್​ ಪತನದ ಬೆನ್ನಲ್ಲೇ ಬಂದ ಇಬ್ರಾಹಿಂ 15ರನ್​​​​​ಗಳಿಸಿ ಔಟಾದರು. ಕೊನೆಯದಾಗಿ ತಂಡ 10.1 ಓವರ್​​​​​ಗಳಲ್ಲಿ 2 ವಿಕೆಟ್​​ನಷ್ಟಕ್ಕೆ 106ರನ್​​​ಗಳಿಕೆ ಮಾಡಿ, ಗೆಲುವು ಸಾಧಿಸಿತು. ಲಂಕಾ ಪರ ಹಸರಂಗ 1 ವಿಕೆಟ್ ಪಡೆದರು.

ಭಾನುವಾರ ಹೈವೋಲ್ಟೇಜ್ ಪಂದ್ಯ: ಏಷ್ಯಾಕಪ್​​​ನಲ್ಲಿ ಭಾನುವಾರ ಭಾರತ-ಪಾಕಿಸ್ತಾನ ಮುಖಾಮುಖಿಯಾಗುತ್ತಿದ್ದು, ಉಭಯ ತಂಡಗಳು ಬಲಿಷ್ಠವಾಗಿರುವ ಕಾರಣ ತೀವ್ರ ಪೈಪೋಟಿ ಕಂಡು ಬರುವ ಸಾಧ್ಯತೆ ಇದೆ. ರೋಹಿತ್ ಶರ್ಮಾ ನಾಯಕತ್ವದ ಭಾರತ ಹಾಗೂ ಬಾಬರ್ ಆಜಂ ನಾಯಕನಾಗಿರುವ ಪಾಕ್​​ ದುಬೈ ಮೈದಾನದಲ್ಲಿ ಮುಖಾಮುಖಿಯಾಗಲಿವೆ.