ವೆಲ್ಲಿಂಗ್ಟನ್: ಅತಿಥೇಯ ನ್ಯೂಜಿಲ್ಯಾಂಡ್ ವಿರುದ್ಧ ಆಲ್ರೌಂಡ್ ಪ್ರದರ್ಶನ ತೋರಿದ ಆಸ್ಟ್ರೇಲಿಯಾ ತಂಡ 141 ರನ್ಗಳ ಬೃಹತ್ ಜಯದೊಂದಿಗೆ ಐಸಿಸಿ ಮಹಿಳಾ ವಿಶ್ವಕಪ್ನಲ್ಲಿ ತನ್ನ ಅಜೇಯ ಓಟವನ್ನು ಮುಂದುವರಿಸಿದೆ.
ಶನಿವಾರ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ನೀಡಿದ್ದ 270 ರನ್ಗಳ ಸ್ಪರ್ಧಾತ್ಮಕ ಗುರಿಯನ್ನು ಬೆನ್ನಟ್ಟಿದ ನ್ಯೂಜಿಲ್ಯಾಂಡ್ ತಂಡ 30.2 ಓವರ್ಗಳಲ್ಲಿ ಕೇವಲ 128ರನ್ಗಳಿಗೆ ಆಲೌಟ್ ಆಗುವ ಮೂಲಕ ಹೀನಾಯ ಸೋಲಿಗೆ ತುತ್ತಾಯಿತು.
ಆಸ್ಟ್ರೇಲಿಯಾ ತಂಡದ ಪರ ಆಲ್ರೌಂಡರ್ ಎಲೀಸ್‌ ಪೆರ್ರಿ 86 ಎಸೆತಗಳಲ್ಲಿ 6 ಬೌಂಡರಿ ಮತ್ತು 1 ಸಿಕ್ಸರ್ ಸಹಿತ 68, ತಹಿಲಾ ಮೆಕ್ಗ್ರಾತ್ 56 ಎಸೆತಗಳಲ್ಲಿ 57, ಗಾರ್ಡ್ನರ್ 18 ಎಸೆತಗಳಲ್ಲಿ ತಲಾ 4 ಬೌಂಡರಿ-ಸಿಕ್ಸರ್ಗಳ ಸಹಿತ ಅಜೇಯ 48 ರನ್ಗಳಿಸಿ ಬೃಹತ್ ಮೊತ್ತಕ್ಕೆ ಕಾರಣರಾಗಿದ್ದರು.
ನ್ಯೂಜಿಲ್ಯಾಂಡ್ ಪರ ಲೀ ತಹುಹು 53ಕ್ಕೆ 3, ಅಮೆಲಿಯಾ ಕೌರ್, ಹೇಲಿ ಜಾನ್ಸೆನ್, ಮೆಕಾಯ್ ಮತ್ತು ಹನ್ನಾ ರೋವ್ ತಲಾ ಒಂದು ವಿಕೆಟ್ ಪಡೆದಿದ್ದರು.
270 ರನ್ಗಳನ್ನು ಬೆನ್ನಟ್ಟಿದ ಕಿವೀಸ್ ಆಸೀಸ್ ಬೌಲರ್ಗಳಿಗೆ ಉತ್ತರಿಸಲಾಗದೇ ಕೇವಲ 128ಕ್ಕೆ ತನ್ನಾಟ ಮುಗಿಸಿತು. ಹಿರಿಯ ಬ್ಯಾಟರ್ ಆ್ಯಮಿ ಸ್ಯಾಟರ್ಥ್ವೇಟ್ 44ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಡರು. ತಂಡದ ಸ್ಟಾರ್ ಬ್ಯಾಟರ್ಗಳಾದ ಸೂಜಿ ಬೇಟ್ಸ್(16), ಸೋಫಿ ಡಿವೈನ್(6), ಅಮೆಲಿಯಾ ಕೆರ್(1), ಮ್ಯಾಡಿ ಗ್ರೀನ್(3) ಕೇಟಿ ಮಾರ್ಟಿನ್(19) ವೈಫಲ್ಯ ಅನುಭವಿಸಿದರು.
ಕಾಂಗರೂ ಪರ ಡಾರ್ಸಿ ಬ್ರೌನ್ 22ಕ್ಕೆ3, ಅಮಂಡ ವೆಲ್ಲಿಂಗ್ಟನ್ 34ಕ್ಕೆ2, ಆ್ಯಶ್ಲೇ ಗಾರ್ಡ್ನರ್ 15ಕ್ಕೆ2 ಎಲಿಸ್ ಪೆರ್ರಿ, ಮೆಗನ್ ಶೂಟ್ ಮತ್ತು ಮೆಕ್ಗ್ರಾತ್ ತಲಾ ಒಂದು ವಿಕೆಟ್ ಪಡೆದರು.
ಇದನ್ನೂ ಓದಿ:ತಮಗೆ ಸಿಕ್ಕಿದ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಕೌರ್ ಜೊತೆ ಹಂಚಿಕೊಂಡ ಸ್ಮೃತಿ ಮಂಧಾನ
