ಬಾಲಿ(ಇಂಡೋನೇಷಿಯಾ): ಭಾರತದ ಟಾಪ್ ಶಟ್ಲರ್ಗಳಾದ ಪಿವಿ ಸಿಂಧು ಮತ್ತು ಕಿಡಂಬಿ ಶ್ರೀಕಾಂತ್ ಬಿಡಬ್ಲೂಎಫ್ ವಿಶ್ವ ಟೂರ್ ಫೈನಲ್ಸ್ನ ಸಿಂಗಲ್ಸ್ ವಿಭಾಗದಲ್ಲಿ ಗೆಲುವಿನ ಶುಭಾರಂಭ ಮಾಡಿದ್ದಾರೆ.
2 ಬಾರಿಯ ಒಲಿಂಪಿಕ್ಸ್ ಪದಕ ವಿಜೇತ ಪಿವಿ ಸಿಂಧು ಎ ಗುಂಪಿನ ತಮ್ಮ ಮೊದಲ ಪಂದ್ಯದಲ್ಲಿ ಡೆನ್ಮಾರ್ಕ್ನ ಲಿನ್ ಕ್ರಿಸ್ಟೋಫರ್ಸೆನ್ ವಿರುದ್ಧ 21-14, 21-16ರ ಅಂತರದಿಂದ ಸುಲಭ ಗೆಲುವು ಸಾಧಿಸಿದರು. ಬಿ ಗುಂಪಿನ ಪುರುಷರ ವಿಭಾಗದಲ್ಲಿ ಮಾಜಿ ನಂಬರ್ 1 ಶಟ್ಲರ್ ಕಿಡಂಬಿ ಶ್ರೀಕಾಂತ್ ಫ್ರಾನ್ಸ್ನ ಟೋಮಾ ಜೂನಿಯರ್ ಪೊಪೊವ್ ವಿರುದ್ಧ ನಡೆದ 42 ನಿಮಿಷಗಳ ಪಂದ್ಯದಲ್ಲಿ 21-14, 21-16ರಲ್ಲಿ ಗೆಲುವು ಸಾಧಿಸಿದರು.
ಹಾಲಿ ವಿಶ್ವ ಚಾಂಪಿಯನ್ ಸಿಂಧು 2018ರಲ್ಲಿ ಟೂರ್ ಫೈನಲ್ಸ್ ಗೆದ್ದಿದ್ದರು. ಈ ಪ್ರಶಸ್ತಿಯನ್ನು ಗೆದ್ದಿರುವ ಏಕೈಕ ಭಾರತೀಯಳಾಗಿರುವ ಅವರು ಮುಂದಿನ ಸುತ್ತಿನಲ್ಲಿ ಜರ್ಮನಿಯ ಇವೋನ್ ಲೀ ವಿರುದ್ಧ ಸೆಣಸಾಡಲಿದ್ದಾರೆ.
2014 ಆವೃತ್ತಿಯಲ್ಲಿ ನಾಕೌಟ್ ಪ್ರವೇಶಿಸಿದ್ದ ಶ್ರೀಕಾಂತ್ ಮುಂದಿನ ಸುತ್ತಿನಲ್ಲಿ 3 ಬಾರಿಯ ಜೂನಿಯರ್ ವಿಶ್ವ ಚಾಂಪಿಯನ್ ಕುನ್ಲವುತ್ ವಿಟಿದ್ಸರ್ನ್ ವಿರುದ್ಧ ಆಡಲಿದ್ದಾರೆ.
ಅಶ್ವಿನಿ ಪೊನ್ನಪ್ಪ-ಸಿಕ್ಕಿರೆಡ್ಡಿ ಜೋಡಿಗೆ ಸೋಲು
ಮಹಿಳಾ ಡಬಲ್ಸ್ನಲ್ಲಿ ಅಶ್ವಿನಿ ಪೊನ್ನಪ್ಪ ಮತ್ತು ಎನ್.ಸಿಕ್ಕಿರೆಡ್ಡಿ ಜೋಡಿ ಜೋಡಿ 14-21, 18-21ರಲ್ಲಿ 2ನೇ ಶ್ರೇಯಾಂಕದ ಜಪಾನಿನ ನಮಿ ಮತ್ಸುಯಾಮಾ ಮತ್ತು ಚಿಹಾರು ಶಿಡಾ ವಿರುದ್ಧ ಸೋಲು ಕಂಡು ಟೂರ್ನಿಯಿಂದ ಹೊರಬಿದ್ದರು.
ಇದನ್ನೂ ಓದಿ:ವಾರ್ನರ್ ಕೈಬಿಟ್ಟ ಹೈದರಾಬಾದ್:'Chapter closed' ಎಂದು ಟ್ವೀಟ್ ಮಾಡಿದ ಸ್ಫೋಟಕ ಬ್ಯಾಟರ್!
