ಕೌಲಾಲಂಪುರ: ಇಲ್ಲಿ ನಡೆಯುತ್ತಿರುವ ಮಲೇಷ್ಯಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯ ಸಿಂಗಲ್ಸ್ ವಿಭಾಗದಲ್ಲಿ ಪಿವಿ ಸಿಂಧು ಹಾಗೂ ಸೈನಾ ನೆಹ್ವಾಲ್ ಶುಭಾರಂಭ ಮಾಡಿದ್ದಾರೆ.
ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಸಮೀರ್ ವರ್ಮ ಮತ್ತು ಎಚ್. ಎಸ್ ಪ್ರಣಯ್ ಮುನ್ನಡೆ ಸಾಧಿಸಿದರು. ಅನುಭವಿ ಆಟಗಾರರಾದ ಕೆ. ಶ್ರೀಕಾಂತ್, ಸಾಯಿ ಪ್ರಣೀತ್ ಹಾಗೂ ಪಿ. ಕಶ್ಯಪ್ ಅವರು ಮೊದಲ ಸುತ್ತಿನಲ್ಲೇ ಸೋಲು ಕಂಡರು.
6ನೇ ಶ್ರೇಯಾಂಕಿತೆ ಪಿವಿ ಸಿಂಧು ಅವರು 21-15, 21-13 ನೇರ ಸೆಟ್ಗಳಿಂದ ರಷ್ಯಾದ ಇವ್ಜೇನಿಯಾ ಕೊಸೆಟ್ಸ್ಕಾಯ ಎದುರು ಜಯಗಳಿಸಿದರು. ಸೈನಾ ನೆಹ್ವಾಲ್ 21-15, 21-17 ನೇರ ಸೆಟ್ಗಳಿಂದ ಬೆಲ್ಜಿಯಂನ ಲಿಯಾನ್ನೆ ತಾನ್ ಅವರನ್ನು ಸೋಲಿಸಿದರು.
ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಸಮೀರ್ ವರ್ಮ ಅವರು 21-16, 21-15ರಿಂದ ಥಾಯ್ಲೆಂಡ್ನ ಕಂಟಾಫನ್ ವಾಂಗ್ಛೇರನ್ ಅವರನ್ನು ಹಾಗೂ ಪ್ರಣಯ್ ಅವರು 21-9, 21-17 ಕಂಟಾ ತ್ಸುನೆಯಾಮ ಅವರನ್ನು ಸೋಲಿಸಿದರು. ಆದರೆ, ಮಿಶ್ರ ಡಬಲ್ಸ್ನಲ್ಲಿ ಸಿಕ್ಕಿ ರೆಡ್ಡಿ ಮತ್ತು ಪ್ರಣವ್ ಚೋಪ್ರಾ ಸೋಲು ಕಂಡರು.
ಪಿ.ಕಶ್ಯಪ್ ಅವರು ಮೊದಲ ಸುತ್ತಿನಲ್ಲೇ ಮುಗ್ಗರಿಸಿದ್ದು, 17-21, 16-21 ರಿಂದ ವಿಶ್ವ ನಂ.1 ಆಟಗಾರ ಜಪಾನ್ನ ಕೆಂಟೊ ಮೊಮೊಟಾ ಎದುರು ಸೋತರು.
