ಚಾಂಗ್ಜೌ: ನೂತನ ವಿಶ್ವಚಾಂಪಿಯನ್ ಭಾರತದ ಪಿವಿ ಸಿಂಧು ಚೈನಾ ಓಪನ್ನಲ್ಲಿ ಥಾಯ್ಲೆಂಡ್ನ ಪೊರ್ನ್‌ಪಾವೀ ಚೊಚುವಾಂಗ್ ವಿರುದ್ಧ ಸೋಲನುಭವಿಸಿ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.
5ನೇ ಶ್ರೇಯಾಂಕದ ಭಾರತದ ಸ್ಟಾರ್ ಶೆಟ್ಲರ್ ಸಿಂಧು 15ನೇ ಶ್ರೇಯಾಂಕದ ಚೊಚುವಾಂಗ್ ವಿರುದ್ದ 12-21, 21-13, 21-19 ರಿಂದ ಸೋಲನುಭವಿಸಿ ನಿರಾಶೆ ಅನುಭವಿಸಿದರು.
ಒಲಿಂಪಿಕ್ ಸಿಲ್ವರ್ ಮೆಡಲಿಸ್ಟ್ ಸಿಂಧು ಮೊದಲ ಗೇಮ್ ಕಳೆದುಕೊಂಡರು. ಆದರೆ, ಎರಡನೇ ಗೇಮ್ನಲ್ಲಿ ತಿರುಗಿಬಿದ್ದು 21-13 ರಲ್ಲಿ ಗೆದ್ದುಕೊಂಡರಾದರೂ, ನಿರ್ಣಾಯಕವಾದ ಮೂರನೇ ಸೆಟ್ನಲ್ಲಿ ಕಠಿಣ ಪೈಪೋಟಿ ಹೊರತಾಗಿಯೂ 21-19ರಲ್ಲಿ ಕಳೆದುಕೊಂಡು ಚೈನಾ ಓಪನ್ನಲ್ಲಿ ತಮ್ಮ ಅಭಿಯಾನ ನಿಲ್ಲಿಸಿದರು.
ಕೊನೆಯ ಗೇಮ್ನಲ್ಲಿ 19-16ರಲ್ಲಿ ಮುನ್ನಡೆ ಸಾಧಿಸಿಯೂ ಸಿಂಧು ಸೋಲನುಭವಿಸಿದ್ದು, ಭಾರತೀಯ ಅಭಿಮಾನಿಗಳಿಗೆ ತುಂಬಾ ನಿರಾಶೆ ಮೂಡಿಸಿತು. ಈ ಸೋಲಿನೊಂದಿಗೆ ಭಾರತದ ಮಹಿಳಾ ಶೆಟ್ಲರ್ಗಳ ಸಿಂಗಲ್ಸ್ ಪಯಣ ಕೊನೆಗೊಂಡಿತು.
ಇನ್ನು ಮಿಕ್ಸ್ ಡಬಲ್ಸ್ನಲ್ಲಿ ಸಾಥ್ವಿಕ್ ಸಾಯಿರಾಜ್-ಆಶ್ವಿನಿ ಪೊನ್ನಪ್ಪ ಜೋಡಿ ಜಪಾನ್ನ ಯುಕಿ ಕನೆಕೊ-ಮಿಸಕಿ ಮತ್ಸುತೊಮೊ ವಿರುದ್ಧ 11-21,21-16 ರಲ್ಲಿ ಸೋಲುಕಂಡರು. ಪುರುಷರ ಡಬಲ್ಸ್ ವಿಭಾಗದಲ್ಲಿ ಸಾಥ್ವಿಕ್ಸಾಯಿರಾಜ್- ಚಿರಾಗ್ ಶೆಟ್ಟಿ ಜೋಡಿ ಸಹಾ 19-21,8-21 ರಲ್ಲಿ ಜಪಾನ್ನ ತಕೇಶಿ ಕಮುರಾ-ಕೀಗೋ ಸೊನೊಡಾ ವಿರುದ್ದ ಸೋಲನುಭವಿಸಿದರು.
