ಫೂಜೋ(ಚೀನಾ): ಚೀನಾ ಓಪನ್ನಲ್ಲಿ ಭಾರತಕ್ಕೆ ಪದಕ ಭರವಸೆ ಮೂಡಿಸಿದ್ದ ಚಿರಾಗ್ ಶೆಟ್ಟಿ ಹಾಗೂ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಜೋಡಿ ಸೆಮಿಫೈನಲ್ನಲ್ಲಿ ಸೋಲುಕಾಣುವ ಮೂಲಕ ಕೋಟ್ಯಂತರ ಭಾರತೀಯರ ನಿರಾಶೆಯನುಭವಿಸಿದ್ದಾರೆ.
ಇಂದು ನಡೆದ ಸೆಮಿಫೈನಲ್ನಲ್ಲಿ ನಂಬರ್ ಒನ್ ಶ್ರೇಯಾಂಕದ ಇಂಡೋನೇಷ್ಯಾ ಜೋಡಿ ಮಾರ್ಕಸ್ ಫರ್ನಾಲ್ಡಿ ಗಿಡೆಯೊನ್‌ ಮತ್ತು ಕೆವಿನ್‌ ಸಂಜಯ ಸುಕಮುಲ್ಜೊ ವಿರುದ್ಧ 16-21, 20-22 ರಲ್ಲಿ ಸೋಲುಕಂಡರು.
9ನೇ ಶ್ರೇಯಾಂಕದ ಭಾರತೀಯ ಜೋಡಿ ಮೊದಲ ಗೇಮ್ ಅನ್ನು ಸುಲಭವಾಗಿ ಕಳೆದುಕೊಂಡರು, ಎರಡನೇ ಗೇಮ್ನಲ್ಲಿ ಟಾಪ್ ಶ್ರೇಯಾಂಕದ ಜೋಡಿಗೆ ಕಠಿಣ ಸವಾಲು ನೀಡಿದರಾದರು ಗೆಲುವು ಸ್ಪಲ್ಪದರಲ್ಲೇ ಕೈತಪ್ಪಿತು. ಒಟ್ಟಾರೆ ಭಾರತದ ಘಟನಾಘಟಿಗಳೆ ಆರಂಭಿಕ ಸುತ್ತುಗಳಲ್ಲಿ ನಿರ್ಗಮಿಸಿ ನಿರಾಶೆ ಮೂಡಿಸಿದರೆ ಈ ಯುವ ಜೋಡಿಯ ಆಟ ಮಾತ್ರ ಸಮಾಧಾನ ತಂದಿದೆ.
ಸೈನಾ, ಸಿಂಧು, ಶ್ರೀಕಾಂತ್ ಮೊದಲ ಸುತ್ತಿನಲ್ಲಿ ನಿರ್ಗಮಿಸಿದರೆ, ಪ್ರಣೀತ್, ಕಶ್ಯಪ್ ಎರಡನೇ ಸುತ್ತಿನಲ್ಲಿ ಹೊರಬಿದ್ದಿದ್ದರು. ಒಟ್ಟಾರೆ ವಿಶ್ವಚಾಂಪಿಯನ್ಶಿಪ್ನಂತರ ಭಾರತದ ಆಟಗಾರರು ಪ್ರಶಸ್ತಿಯಿಲ್ಲದ ಮತ್ತೊಂದು ಲೀಗ್ನಿಂದ ನಿರ್ಗಮಿಸಿ ನಿರಾಶೆ ಮೂಡಿಸಿದರು.
