'ಪಿವಿ ಸಿಂಧು ಜೊತೆ ಮದ್ವೆ ಮಾಡಿಸಿ': ಜಿಲ್ಲಾಧಿಕಾರಿಗೆ ಅರ್ಜಿ ಸಲ್ಲಿಸಿದ 70ರ ವೃದ್ದ

ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್‌ ಪಿ ವಿ ಸಿಂಧು ಜೊತೆ ಮದುವೆ ಮಾಡಿಸುವಂತೆ 70 ವರ್ಷದ ಮಲೈಸಾಮಿ ಎಂಬ ವೃದ್ಧ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿ ಕೂತೂಹಲ ಕೆರಳಿಸಿದ್ದಾನೆ.

ಚೆನ್ನೈ: ವಿಶ್ವ ಬ್ಯಾಂಡ್ಮಿಂಟನ್ ಚಾಂಪಿಯನ್‌ ಶಿಪ್​ನಲ್ಲಿ ಚಿನ್ನ ಗೆದ್ದ ಬ್ಯಾಡ್ಮಿಂಟನ್​ ತಾರೆ ಪಿವಿ ಸಿಂಧು ಅವರನ್ನು ವಿವಾಹವಾಗಬೇಕೆಂದು ತಮಿಳುನಾಡಿನ 70ರ ಹರೆಯದ ವೃದ್ಧ ರಾಮನಾಥಪುರಂ ಜಿಲ್ಲಾಧಿಕಾರಿಗೆ ಅರ್ಜಿ ಸಲ್ಲಿಸಿದ್ದಾನೆ.

70 ವರ್ಷದ ಮಲೈಸಾಮಿ ಎಂಬ 24 ವರ್ಷದ ಸಿಂಧುರನ್ನು ವರಿಸಲು ಮನವಿ ಮಾಡಿ ಗಮನ ಸೆಳೆದ ವ್ಯಕ್ತಿ.

ಒಂದು ವೇಳೆ ಜಿಲ್ಲಾಡಳಿತ ಈ ಕುರಿತು ಸಿದ್ಧತೆಗೆ ಮುಂದಾಗದಿದ್ದರೆ, ತಾನು ಸಿಂಧು ಅವರನ್ನು ಅಪಹರಿಸಿ ಮದುವೆಯಾಗುತ್ತೇನೆ ಎಂದು ಆತ ಎಚ್ಚರಿಕೆ ನೀಡಿದ್ದಾನೆ.

ರಾಮನಾಥಪುರಂನಲ್ಲಿ ಜಿಲ್ಲಾಧಿಕಾರಿಯೊಂದಿಗೆ ನಡೆದ ಸಾರ್ವಜನಿಕರ ವಾರದ ಸಭೆಯಲ್ಲಿ ಈ ರೀತಿಯ ಅರ್ಜಿ ಸಲ್ಲಿಸಲಾಗಿದೆ. ಮಲೈಸ್ವಾಮಿ, ಪಿವಿ ಸಿಂಧು ಅವರ ಫೊಟೋ ನೀಡಿ ಮದುವೆಗೆ ಬೇಡಿಕೆ ಇಟ್ಟಿದ್ದಾನೆ ಎಂದು ತಿಳಿದುಬಂದಿದೆ.

ಇಷ್ಟೇ ಅಲ್ಲ, ತನಗೆ ಇವಾಗ ಕೇವಲ 16 ವರ್ಷ! ನಾನು ಏಪ್ರಿಲ್​ 4, 2004 ರಂದು ಹುಟ್ಟಿದ್ದೇನೆ. ನಾನು ಸಿಂಧು ಅವರ ವೃತ್ತಿ ಜೀವನದ ಬೆಳವಣಿಗೆಯಿಂದ ಆಕರ್ಷಿತನಾಗಿದ್ದೇನೆ. ಈಗ ಆಕೆಯನ್ನು ನನ್ನ ಜೀವನ ಸಂಗಾತಿಯಾಗಿ ಮಾಡಿಕೊಳ್ಳಲು ಬಯಸಿದ್ದೇನೆ ಎಂದು ಮನಸಿನ ಇಚ್ಚೆ ತೋಡಿಕೊಂಡಿದ್ದಾನೆ.