ಪಾಕ್​ ಶೂಟರ್​ಗಳಿಗೆ ವೀಸಾ ನಿರಾಕರಣೆ... ಭಾರತದ ಜೊತೆಗಿನ ಎಲ್ಲ ಮಾತುಕತೆ ಸ್ಥಗಿತಗೊಳಿಸಿದ ಒಲಂಪಿಕ್ಸ್​ ಸಮಿತಿ

ಇವೆಲ್ಲದರ ಜೊತೆಗೆ ಭವಿಷ್ಯದಲ್ಲಿ ಒಲಂಪಿಕ್ಸ್ ಸಮಿತಿಯಿಂದ ಯಾವುದೇ ಸ್ಪರ್ಧೆ ಭಾರತದಲ್ಲಿ ನಡೆಯುವುದಿಲ್ಲ ಎನ್ನುವುದನ್ನು ಸ್ಪಷ್ಟಪಡಿಸಿದೆ.

ನವದೆಹಲಿ: ಭಾರತದಲ್ಲಿ ಆಯೋಜನೆಯಾಗಿರುವ ಶೂಟಿಂಗ್ ವಿಶ್ವಕಪ್​ನಲ್ಲಿ ಪಾಕಿಸ್ತಾನದ ಶೂಟರ್​ಗಳಿಗೆ ಭಾರತ ವೀಸಾ ನಿರಾಕರಿಸಿರುವುದನ್ನು ಖಂಡಿಸಿ ಅಂತಾರಾಷ್ಟ್ರೀಯ ಒಲಂಪಿಕ್ಸ್​ ಸಮಿತಿ ಭಾರತ ಜೊತೆಗಿನ ಎಲ್ಲ ಮಾತುಕತೆಯನ್ನು ಸ್ಥಗಿತಗೊಳಿಸಲು ನಿರ್ಧರಿಸಿದೆ.

ಒಲಂಪಿಕ್ಸ್​ ಅರ್ಹತಾ ಸುತ್ತಿನ ಪುರುಷರ 25 ಮೀ. ರ‍್ಯಾಪಿಡ್​ ಫೈರ್​​ ಸ್ಪರ್ಧೆ ಭಾರತದಲ್ಲಿ ಆಯೋಜನೆಯಾಗಿತ್ತು. ಒಲಂಪಿಕ್ಸ್ ಸಮಿತಿ ಈ ಸ್ಪರ್ಧೆಯನ್ನು ಸಹ ರದ್ದುಗೊಳಿಸಿದೆ.

ನವದೆಹಲಿಯಲ್ಲಿ ಫೆ. 20ರಿಂದ 28ರ ತನಕ ಶೂಟಿಂಗ್ ವಿಶ್ವಕಪ್ ಆಯೋಜನೆಯಾಗಿದೆ. ಪುಲ್ವಾಮಾದಲ್ಲಿನ ಉಗ್ರ ದಾಳಿ ಖಂಡಿಸಿ ಪಾಕಿಸ್ತಾನದ ಶೂಟರ್​ಗಳಿಗೆ ಭಾರತ ವೀಸಾ ನಿರಾಕರಿಸಿತ್ತು.