ಸ್ಯಾಂಡಲ್ವುಡ್ನಲ್ಲಿ ಹೈಪ್ ಕ್ರಿಯೆಟ್ ಮಾಡಿದ ಕೆಜಿಎಫ್ -ಚಾಪ್ಟರ್ ಫಸ್ಟ್ನಿಂದ ಸ್ಫೂರ್ತಿ ಪಡೆದ ಟಾಲಿವುಡ್ನ ಕಲ್ಕಿ ಚಿತ್ರ ತಂಡ ಕೆಲವು ಸೀನ್ಗಳನ್ನು ಕಾಪಿ ಮಾಡಿದೆಯಂತೆ. ಹೀಗೆಂದು ಬೇರಾರು ಹೇಳುತ್ತಿಲ್ಲ, ಸ್ವತಃ ಕಲ್ಕಿ ಚಿತ್ರದ ನಿರ್ದೇಶಕ ಪ್ರಶಾಂತ್ ವರ್ಮಾ ಅವರೇ ಈ ಬಗ್ಗೆ ಬಹಿರಂಗಪಡಿಸಿದ್ದಾರೆ.
ಸಾಮಾನ್ಯವಾಗಿ ತಮಗೆ ಬೇಕಾದ ಸೀನ್ಗಳನ್ನು ನಕಲು ಮಾಡಿ ಅಸಲಿ ಅನ್ನೋ ಕಾಲದಲ್ಲಿ ಪ್ರಶಾಂತ್ ವರ್ಮಾ ಮಾತ್ರ ಎದೆ ತಟ್ಟಿಕೊಂಡು ಹೇಳಿಕೊಂಡಿದ್ದಾರೆ. ಹೌದು, ನಾನು ಕೆಜಿಎಫ್ -ಚಾಪ್ಟರ್ ಫಸ್ಟ್ನಿಂದ ಕೆಲವು ಸೀನ್ಗಳನ್ನು ನಕಲು ಮಾಡಿದ್ದೇನೆ. ಅಲ್ಲದೇ ನನ್ನ ಕಲ್ಕಿ ಚಿತ್ರಕ್ಕೆ ಕೆಜಿಎಫ್ ಸಿನಿಮಾನೇ ಸ್ಫೂರ್ತಿ ಎಂದು ಬಣ್ಣಿಸಿದ್ದಾರೆ.
ದೊಡ್ಡಮಟ್ಟದಲ್ಲಿ ಸಕ್ಸಸ್ ಆದ ಸಿನಿಮಾದಿಂದ ನಾನು ಸಾಕಷ್ಟು ಕಲಿಯುತ್ತಿರುತ್ತೇನೆ. ಇದು ತಪ್ಪಲ್ಲ. ಹಾಗೇ ಇದು ಸಹ. ಕೆಜಿಎಫ್ ಬಗ್ಗೆ ಸಾಕಷ್ಟು ಕೇಳಿದ್ದೆ. ಹಾಗಾಗಿ ಸಿನಿಮಾವನ್ನು ನೋಡಿದೆ. ಅದೊಂದು ಬಿಗ್ ಬಜೆಟ್ ಸಿನಿಮಾ ಅಷ್ಟೇ ಅಲ್ಲ, ಸ್ಯಾಂಡಲ್ವುಡ್ನಲ್ಲಿ ಇತಿಹಾಸ ಕಟ್ಟಿಕೊಟ್ಟ ಚಿತ್ರ. ಹಾಗಾಗಿ ಅಂತಹ ಚಿತ್ರಗಳಿಂದ ನಾನು ನನ್ನ ಇತಿಮಿತಿಯೊಳಗೆ ಕೆಲವು ಸೀನ್ಗಳನ್ನು ನಕಲು ಮಾಡಲು ಮಾಡಿದ್ದೇನೆ ಎಂದಿದ್ದಾರೆ.
ಕಲ್ಕಿ ಚಿತ್ರದ ನಿರ್ದೇಶನದ ಬಗ್ಗೆಯೂ ಕೆಲವು ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ. ಕಲ್ಕಿ ಚಿತ್ರ ಕಳೆದ ವಾರ ಬಿಡುಗಡೆಯಾಗಿದ್ದು ಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ.
