ಈ ಚೆಲುವೆಯ ಬೋಲ್ಡ್ ಲುಕ್ ನೋಡಿ ಪಡ್ಡೆ ಹುಡುಗರು ಒಂದು ಕ್ಷಣ ಫಿದಾ ಆಗಿರುವುದಂತೂ ನಿಜ. ಶ್ವೇತಾ ಅವರ ಈ ಹೊಸ ಲುಕ್ ನೋಡಿ ಎಲ್ಲರೂ ಮೋಡಿಗೆ ಒಳಗಾಗಿದ್ದಾರೆ. ಇತ್ತೀಚೆಗಷ್ಟೇ ಪೋಟೋಶೂಟ್ ಮಾಡಿಸಿದ್ದ ಶ್ವೇತಾ ಇದೀಗ ಮತ್ತೊಂದು ಪೋಟೋಶೂಟ್ ಮಾಡಿಸಿದ್ದಾರೆ.
'ರಾಧಾ ರಮಣ' ಧಾರಾವಾಹಿಯಲ್ಲಿ ರಾಧಾ ಮಿಸ್ ಆಲಿಯಾಸ್ ಆರಾಧನಾ ಆಗಿ ಮನೆ ಮಾತಾಗಿದ್ದ ಶ್ವೇತಾ ಅವರ ಈ ಹಾಟ್ ಲುಕ್ ನೋಡಿ ಕಿರುತೆರೆ ಪ್ರಿಯರು ಇವರೇನಾ ರಾಧಾ ಮಿಸ್ ಎಂದು ಮೂಗಿನ ಮೇಲೆ ಬೆರಳಿಟ್ಟುಕೊಳ್ಳುವುದು ಗ್ಯಾರಂಟಿ. ಆದರೆ ಇವರು ರಾಧಾ ಮಿಸ್ ಪಾತ್ರಧಾರಿ ಶ್ವೇತಾ ಎಂಬುದು ನೀವು ನಂಬಲೇಬೇಕಾದ ವಿಷಯ. ಧಾರಾವಾಹಿಯಿಂದ ಹೊರಬಂದ ನಂತರ ಶ್ವೇತಾ ಮಾಡಿಸಿದ ಪೋಟೋಶೂಟ್ಗಳಿಗೆ ಲೆಕ್ಕ ಇಲ್ಲ. ಆದರೂ ಆಗ್ಗಾಗ್ಗೆ ಶ್ವೇತಾ ಹೊಸ ಹೊಸ ಕಾಸ್ಟೂಮ್, ಲುಕ್ನಲ್ಲಿ ಫೋಟೋಶೂಟ್ ಮಾಡಿಸಿ ಹುಡುಗರ ಕಣ್ಣು ಕುಕ್ಕಿದ್ದಾರೆ. ಧಾರಾವಾಹಿಯಲ್ಲಿ ಕೇವಲ ಸೀರೆಯಲ್ಲಿ ಕಾಣಿಸಿಕೊಂಡಿದ್ದ ಶ್ವೇತಾಗೆ ಮಾಡ್ರನ್ ಲುಕ್ ಕೂಡಾ ಚೆನ್ನಾಗಿ ಹೊಂದುತ್ತದೆ ಎನ್ನುತ್ತಿದ್ದಾರೆ ಫ್ಯಾಷನ್ ಪ್ರಿಯರು. ಇದರ ನಡುವೆ ಶ್ವೇತಾ ಪ್ರಸಾದ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ. ಆದರೆ ಇದು ಎಷ್ಟರ ಮಟ್ಟಿಗೆ ನಿಜ ಎಂಬುದನ್ನು ಕಾದು ನೋಡಬೇಕು.
