ಪ್ಲೇಬಾಯ್​ ರೂಪದರ್ಶಿ ಆಶ್ಲೇ ಮ್ಯಾಟಿಂಗ್ಲಿ ಆತ್ಮಹತ್ಯೆ..!

2011ರಲ್ಲಿ ಪ್ಲೇಬಾಯ್​ನ ಮಿಸ್​ ಮಾರ್ಚ್​ ಆಗಿ ಮಿಂಚಿದ್ದ ಆಶ್ಲೇ ಮ್ಯಾಟಿಂಗ್ಲಿ ಟೆಕ್ಸಾಸ್​ನ ತನ್ನ ಮನೆಯಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾಳೆ. ಕೌಟುಂಬಿಕ ಕಲಹವೇ ಆಕೆಯ ಸಾವಿಗೆ ಕಾರಣ ಎಂದು ಹೇಳಲಾಗುತ್ತಿದೆ.

ಲಾಸ್ ಏಂಜಲೀಸ್ : ಪ್ರಸಿದ್ಧ ನಿಯತಕಾಲಿಕೆ ಪ್ಲೇಬಾಯ್​ ರೂಪದರ್ಶಿ ಆಶ್ಲೇ ಮ್ಯಾಟಿಂಗ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾಳೆ.

ಟೆಕ್ಸಾಸ್​ನ ಆಸ್ಟಿನ್​ನಲ್ಲಿರುವ ತನ್ನ ಮನೆಯಲ್ಲಿ ಡೆತ್​ ನೋಟ್​ ಬರೆದಿಟ್ಟು ಆಶ್ಲೇ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಆಕೆಯ ಸಹೋದರರಾದ ಕ್ರಿಸ್ಟಿ ಮತ್ತು ಬಿಲ್ಲಿ ಸ್ಪಷ್ಟಪಡಿಸಿದ್ದಾರೆ.

ಆಶ್ಲೇ ಕೌಟುಂಬಿಕ ಕಲಹಕ್ಕೆ ಬಲಿಯಾಗಿದ್ದಳು ಮತ್ತು ಮಾದಕ ವ್ಯಸನಿಯಾಗಿದ್ದಳು ಮತ್ತು ಆಕೆ ಅದರಿಂದ ಹೊರಬರಲು ಪ್ರಯತ್ಬಿಸುತ್ತಿದ್ದಳು ಎಂದು ಕುಟುಂಬ ಮೂಲಗಳು ತಿಳಿಸಿದೆ. ಆಸ್ಟಿನ್‌ನಲ್ಲಿರುವ ಟ್ರಾವಿಸ್ ಕೌಂಟಿ ಆಸ್ಪತ್ರೆಯ ವೈದ್ಯರೊಬ್ಬರು ಆಶ್ಲೇ ಸಾವನ್ನು ಖಚಿತಪಡಿಸಿದ್ದು, ಆದರೆ ಸಾವಿನ ನಿಖರ ಕಾರಣ ತಿಳಿಸಿಲ್ಲ.

2011ರಲ್ಲಿ ಪ್ಲೇಬಾಯ್​ನ ಮಿಸ್​ ಮಾರ್ಚ್​ ಆಗಿ ಮಿಂಚಿದ್ದ ಆಶ್ಲೇ, ತನ್ನ ಮಾಜಿ ಗೆಳೆಯ ನಟ ಗ್ಯಾರಿಸನ್ ಜೊತೆ ಗಲಾಟೆ ಮಾಡಿಕೊಂಡಿದ್ದಳು. 2012 ರಲ್ಲಿ ಪ್ರಿಸನ್ ಬ್ರೇಕ್ ಸ್ಟಾರ್ ತನಗೆ ಕಪಾಳ ಮೋಕ್ಷ ಮಾಡಿದ್ದಾಗಿ ಆರೋಪಿಸಿದ್ದಳು. ಆದರೆ, ಅವರಿಬ್ಬರು ತಮ್ಮ ಮೇಲಿನ ಆರೋಪಗಳನ್ನು ನಿರಾಕರಿಸಿದ್ದರು.