ಲಕ್ಷ್ಮಿ ಬಾರಮ್ಮ ಧಾರಾವಾಹಿಯಲ್ಲಿ ನಾಯಕಿ ಶ್ರುತಿ ಅಲಿಯಾಸ್ ಗೊಂಬೆಯಾಗಿ ನಟಿಸಿ ಕಿರುತೆರೆ ಲೋಕದಲ್ಲಿ ಮನೆ ಮಾತಾಗಿರುವ ನೇಹಾ ರಾಮಕೃಷ್ಣ ಇದೀಗ ವಿಭಿನ್ನ ರೀತಿಯ ಫೋಟೋಶೂಟ್ ಮಾಡಿಸಿದ್ದಾರೆ.
- " class="align-text-top noRightClick twitterSection" data="
">
ನೇಹಾ ಫೋಟೋಗಳನ್ನು ನೋಡುವಾಗ ರಾಜ ರವಿವರ್ಮ ಬಿಡಿಸಿದ ಚಿತ್ರದಂತೆಯೇ ಕಾಣಿಸುತ್ತದೆ. ಪಾರಿವಾಳದ ಜೊತೆ ಆಟ ಆಡುತ್ತಿರುವಂತೆ ಪೋಸ್ ನೀಡಿರುವ ನೇಹಾ ರಾಮಕೃಷ್ಣ ಈ ಫೋಟೋಗಳನ್ನೆಲ್ಲಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. "ಇದು ನಾನೋ ಅಥವಾ ಚಿತ್ರವೋ ಎಂದು ತಿಳಿಯಲು ನನಗೆ ನಾನೇ ಚಿವುಟಿಕೊಂಡೆ. ಕಲಾವಿದ ರವಿವರ್ಮ ಬಹುಶ: ನನ್ನನ್ನು ನೋಡಿದ್ದರು ಎನ್ನಿಸುತ್ತಿದೆ" ಎಂದು ನೇಹಾ ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಈ ಚಿತ್ರಗಳು ಫೋಟೋಗ್ರಾಫರ್ ಜಿ. ವೆಂಕಟ್ ರಾಮ್ ಅವರು ರೂಪಿಸಿದ್ದ 2020ರ ಕ್ಯಾಲೆಂಡರ್ ಫೊಟೋಗಳನ್ನು ನೆನಪಿಸುತ್ತದೆ. ತೆಲುಗು, ತಮಿಳು ನಟಿಯರನ್ನು ಬಳಸಿಕೊಂಡು ರಾಜ ರವಿವರ್ಮನ ಚಿತ್ರಗಳಂತೆ ವೆಂಕಟ್ ರಾಮ್ ಫೋಟೋಶೂಟ್ ಮಾಡಿದ್ದರು. ಈ ಫೊಟೋಗಳು ಬಹಳ ವೈರಲ್ ಆಗಿದ್ದವು. ಇದೀಗ ಅದೇ ಪರಿಕಲ್ಪನೆಯಲ್ಲಿ ಪೋಟೋಶೂಟ್ ಮಾಡಿಸಿರುವ ನೇಹಾ ವಿಭಿನ್ನವಾಗಿ ಫೋಟೋಶೂಟ್ ಮಾಡಿಸಬೇಕು ಎಂದುಕೊಂಡಿದ್ದೆ. ಆಗ ನನಗೆ ನೆನಪಾಗಿದ್ದೇ ರವಿವರ್ಮನ ಚಿತ್ರಗಳು. ಒಟ್ಟಿನಲ್ಲಿ ಈ ಫೋಟೋಶೂಟ್ ಮಾಡಿಸುವ ಮೂಲಕ ನಾನು ಬಹಳ ಖುಷಿಯಾಗಿದ್ದೇನೆ ಎಂದು ನೇಹಾ ಅಭಿಮಾನಿಗಳೊಂದಿಗೆ ಸಂತೋಷ ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ನೇಹಾ ಇತ್ತೀಚೆಗೆ ಲಕ್ಷ್ಮಿ ಬಾರಮ್ಮ ಧಾರಾವಾಹಿ ಹಾಗೂ ಇತರ ಕಿರುತೆರೆ ಕಲಾವಿದರೊಂದಿಗೆ ಚಾರಣ ಹೋಗಿ ಅಲ್ಲಿ ಸಖತ್ ಎಂಜಾಯ್ ಮಾಡಿದ್ದರು. ಕಳೆದ 2 ದಿನಗಳಷ್ಟೇ ಹುಟ್ಟುಹಬ್ಬ ಆಚರಿಸಿಕೊಂಡಿರುವ ನೇಹಾ ಈಗ ಫೊಟೋಶೂಟ್ ಮಾಡಿಸಿ ಬಹಳ ಖುಷಿಯಲ್ಲಿದ್ದಾರೆ.
