'ಪಾಪ ಪಾಂಡು'ವಿಗೆ ಕಾಮಿಡಿ ಕಿಲಾಡಿ ನಯನ ಎಂಟ್ರಿ! - Shalini

ಸಿಹಿಕಹಿ ಚಂದ್ರು ನಿರ್ದೇಶನ ಹಾಗೂ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ‘ಪಾಪ ಪಾಂಡು’ ಧಾರಾವಾಹಿಗೆ ಕಾಮಿಡಿ ಕಿಲಾಡಿ ಖ್ಯಾತಿಯ ನಯನ ಎಂಟ್ರಿ ಕೊಡಲಿದ್ದಾರೆ.

ಪಾಪ ಪಾಂಡು'ವಿಗೆ ಕಾಮಿಡಿ ಕಿಲಾಡಿ ನಯನ ಎಂಟ್ರಿ

Published : Jan 3, 2020, 11:36 AM IST

ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿರುವ 'ಪಾಪ ಪಾಂಡು' ಧಾರಾವಾಹಿಯಲ್ಲಿ ಈ ಹಿಂದೆ ಶಾಲಿನಿ ಅಲಿಯಾಸ್ ಪಾಚು ಶ್ರೀಮತಿ ಅನಾರೋಗ್ಯದ ಹಿನ್ನೆಲೆಯಲ್ಲಿ ಅಭಿನಯಿಸಿರಲಿಲ್ಲ. ಆದರೆ ಇದೀಗ ಪಾಚುವಿನ ನಾದಿನಿಯಾಗಿ ಧಾರಾವಾಹಿಯಲ್ಲಿ ಕಾಮಿಡಿ ಕಿಲಾಡಿ ಖ್ಯಾತಿಯ ನಯನ ಎಂಟ್ರಿ ಕೊಡಲಿದ್ದಾರೆ.

ಸಿಹಿಕಹಿ ಚಂದ್ರು ನಿರ್ದೇಶನ ಹಾಗೂ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ‘ಪಾಪ ಪಾಂಡು’ ಧಾರಾವಾಹಿ ಎಲ್ಲರ ಮನೆ ಮಾತಾಗಿದೆ. ಇನ್ನು ಈ ಬಗ್ಗೆ ಮಾತನಾಡಿದ ಚಂದ್ರು, ಶಾಲಿನಿಗೆ ಆರೋಗ್ಯ ಸಮಸ್ಯೆ ಇರೋ ಕಾರಣ ಅಭಿನಯಿಸಲು ಆಗುತ್ತಿಲ್ಲ. ಆದರೆ ಅವರ ಪಾತ್ರಕ್ಕೆ ಬೇರೆಯವರನ್ನು ತರುವುದು ನಮ್ಮ ಸಂಸ್ಥೆಯಿಂದ ಸಾಧ್ಯವಿಲ್ಲ. ಈ ಹಿನ್ನಲೆಯಲ್ಲಿ ಶ್ರೀಮತಿ ಅಂದರೆ ಶಾಲಿನಿ ಅವರ ನಾದಿನಿ ಪಾತ್ರದಲ್ಲಿ ನಯನ ಎಂಟ್ರಿಯಾಗಲಿದ್ದಾರೆ. ಆದರೆ ಇದು ಬದಲಾವಣೆ ಅಲ್ಲ. ಶಾಲಿನಿ ಅವರ ಅನುಪಸ್ಥಿತಿಯನ್ನು ನಯನ ತುಂಬಲಿದ್ದು, ಕೆಲ ಬದಲಾವಣೆಗಳು ಪ್ರೇಕ್ಷಕರಿಗೆ ಖುಷಿ ನೀಡಲಿದೆ ಎಂದರು.

ಸಿಹಿಕಹಿ ಚಂದ್ರು

ನಯನ ಎಂಟ್ರಿಯು ಕನ್ನಡದ ಹಳೆ ಸಿನಿಮಾ ಹಾಡು 'ಎಂದೆಂದೂ ನಿನ್ನನು ಮರೆತೂ...' ಮೂಲಕ ಆಗಲಿದ್ದು ಮನರಂಜನೆ ಮತ್ತಷ್ಟು ಹೆಚ್ಚಾಗಲಿದೆ.

ಸಿಹಿಕಹಿ ಚಂದ್ರು

ಶಾಲಿನಿ ಜಾಗಕ್ಕೆ ತಾತ್ಕಾಲಿಕವಾಗಿ ನಯನ ಪಾ ಪ ಪಾಂಡುವಿಗೆ ಹಾಜರಿ

ರಾತ್ರಿ 10 ಗಂಟೆಗೆ ಪ್ರಸಾರ ಆಗುವ ‘ಪಾ ಪಾಂಡು’ ಅರ್ಧ ತಾಸಿನ ಧಾರವಾಹಿಯಲ್ಲಿ ಚಿದಾನಂದ್ ಜೊತೆ ಮಡದಿ ಪಾತ್ರದಲ್ಲಿ ಶಾಲಿನಿ ಪಾಚೊ ಶ್ರೀಮತಿ ಆಗಿ ಸಕ್ಕತ್ ಜನಪ್ರಿಯತೆ ಗಳಿಸಿದ್ದು ಹಾಗೂ ಕೆಲವು ಕಂತುಗಳಿಂದ ಅವರು ಕಾಣೆ ಆಗಿರುವುದು, ಅದಕ್ಕೆ ಕಾರಣ ಸ್ಲಿಪ್ ಡಿಸ್ಕ್ ಅಂತಲೂ ಈಗಾಗಲೇ ತಿಳಿದಿದೆ.

ನಿನ್ನೆ ಸಿಹಿಕಹಿ ಚಂದ್ರು ‘ಪಾಪ ಪಾಂಡು’ ಪ್ರಧಾನ ನಿರ್ದೇಶಕರು ಹಾಗೂ ನಿರ್ಮಾಪಕರು ಮಾತನಾಡುತ್ತಾ ಶಾಲಿನಿ ಅವರಿಗೆ ಆರೋಗ್ಯ ಸಮಸ್ಯೆ ಮಾತ್ರ ಅವರು ಕಾಣದೆ ಇರುವುದಕ್ಕೆ ಕಾರಣ ಎನ್ನುತ್ತಾ, ಅನಾರೋಗ್ಯದಲ್ಲೂ ಸಹ ಕೆಲವು ಕಂತು ಅಭಿನಯಿಸಲು ಪ್ರಯತ್ನ ಪಟ್ಟರೂ ಆದು ಸಾಧ್ಯವಾಗಲಿಲ್ಲ. ಅವರಿಗೆ ತುಂಬಾ ರೆಸ್ಟ್ ಬೇಕಾಗುತ್ತ ಇತ್ತು. ‘ಪಾಪ ಪಾಂಡು’ ಅಲ್ಲಿ ಅವರದು ಪ್ರಮುಖ ಪಾತ್ರವೆ ಸರಿ. ಆದರೆ ನಮ್ಮ ಸಂಸ್ಥೆ ಇಂದ ಅವರ ಪಾತ್ರಕ್ಕೆ ಬೇರೆ ಅವರನ್ನು ತರುವುದು ಸಾಧ್ಯವಿಲ್ಲ ಎಂದು ತೀರ್ಮಾನಿಸಿ ಈಗ ಒಂದು ನಿರ್ಧಾರಕ್ಕೆ ಬಂದಿದ್ದೇವೆ.

ಪಾಪ ಪಾಂಡು ಮನೆಗೆ ಸಧ್ಯದಲ್ಲೇ ಪಚ್ಚೋ ಶ್ರೀಮತಿ ಅಂದರೆ ಶಾಲಿನಿ ಅವರ ನಾದಿನಿ ಆಗಿ ನಯನ ಎಂಟ್ರಿ ಪಡೆಯುತ್ತಾರೆ. ಕಾಮಿಡಿ ಕಿಲಾಡಿಗಳು ಇಂದ ಪ್ರಸಿದ್ದಿ ಪಡೆದ ಚಿನಕುರುಳಿ ಮಾತಿನ ನಯನ ಕೆಲವು ಸಿನಿಮಾಗಳಲ್ಲೂ ಸಹ ಅಭಿನಯಿಸಿ ಸೈ ಅನಿಸಿಕೊಂಡಿದ್ದಾರೆ.

ಆದರೆ ಇದು ಬದಲಾವಣೆ ಅಲ್ಲ. ಶಾಲಿನಿ ಅವರ ಅನುಪಸ್ಥಿತಿಯನ್ನು ಈ ನಾದಿನಿ ನಯನ ಬಂದು ಹಲವಾರು ಬದಲಾವಣೆಗಳು ಖುಷಿಯ ಸಂಗತಿಗಳು ಪ್ರೇಕ್ಷಕರಿಗೆ ಸಿಕ್ಕಲಿದೆ ಎನ್ನುತ್ತಾರೆ ಸಿಹಿಕಹಿ ಚಂದ್ರು.

ನಯನ ಅವರ ಎಂಟ್ರಿ ಒಂದು ಅಣ್ಣಾವ್ರ ಹಾಡಿನೊಂದಿಗೆ ಇದೆ ಎಂದು ಸಿಹಿಕಹಿ ಚಂದ್ರು ಅವರ ಮೊಬೈಲ್ ಅಲ್ಲಿ ತುಣುಕೊಂದನ್ನು ತೋರಿಸಿದರು. ಸೀನಿಯರ್ ಪಾಂಡು ನಯನ ಅವರನ್ನು ನೋಡಿ ಮೈ ಮುರಿಯುತ್ತಾ ‘ಎಂದೆಂದೂ ನಿನ್ನ ಮರೆತು....ಹಾಡು ಹಿನ್ನಲೆ ಅಲ್ಲಿ ಬರುವ ಸನ್ನಿವೇಶ ಇಂದ ಮೂಡಿ ಬರಲಿದೆ.

ಅಂದಹಾಗೆ ಶ್ರೀಹರಿ ಪಾತ್ರ ನಿರ್ವಹಿಸಿರುವ ಸೌರಭ್ ಸಹ ಅವರ ತಂದೆ ಹೆಸರಾಂತ ನಿರೂಪಕ ‘ಸಂಭ್ರಮ ಸೌರಭ’ ಸಂಸ್ಕೃತಿಕ ಕಾರ್ಯಕ್ರಮದ ಕರ್ತೃ ಸಂಜೀವ್ ಕುಲಕರ್ಣಿ ಅನಾರೋಗ್ಯದಿಂದ ಕೆಲವು ಕಂತುಗಳಲ್ಲಿ ಬರಲಿಲ್ಲ. ಅವರ ಪಾತ್ರ ಹಾಗೆ ಇರುತ್ತದೆ ಎಂದು ಭರವಸೆ ವ್ಯಕ್ತ ಮಾಡಿದರು ಸಿಹಿಕಹಿ ಚಂದ್ರು.

For All Latest Updates