ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಎಲ್ಲಾ ಧಾರಾವಾಹಿಗಳು ಟಿಆರ್ಪಿಯಲ್ಲಿ ಮುಂದಿವೆ. ಪಾರು, ಗಟ್ಟಿಮೇಳ, ಜೊತೆಜೊತೆಯಲಿ, ಸತ್ಯ ಧಾರಾವಾಹಿಗಳು ಟಾಪ್ ಒನ್ ಸ್ಥಾನಕ್ಕೆ ತೀವ್ರ ಪೈಪೋಟಿ ನಡೆಸಿದ್ದರೂ ಈ ಬಾರಿ ನಂ.1 ಸ್ಥಾನದಲ್ಲಿರುವ ಧಾರಾವಾಹಿ ಯಾವುದೆಂದು ನಿಮಗಾಗಲೇ ಶೀರ್ಷಿಕೆ ನೋಡಿ ತಿಳಿದಿರುತ್ತದೆ.
ಹೌದು, ಕೆ.ಎಸ್.ರಾಮ್ ಜೀ ನಿರ್ದೇಶನದ, ಕನ್ನಡದ ಜನಪ್ರಿಯ ಸೂಪರ್ ನ್ಯಾಚುರಲ್ ಧಾರಾವಾಹಿ ನಾಗಿಣಿ-2 ಈ ಬಾರಿ ನಂ.1 ಸ್ಥಾನದಲ್ಲಿದೆ. ಪ್ರಸ್ತುತ ಧಾರಾವಾಹಿಯಲ್ಲಿ ನಾಗಿಣಿ ಶಿವಾನಿಯಾಗಿ ನಮ್ರತಾ ಗೌಡ ಅಭಿನಯಿಸುತ್ತಿದ್ದಾರೆ. ನಾಯಕ ತ್ರಿಶೂಲ್ ಆಗಿ ನಿನಾದ್ ಹರಿತ್ಸ ಅಭಿನಯಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಈ ಧಾರಾವಾಹಿ ಯಶಸ್ವಿ ಮುನ್ನೂರು ಸಂಚಿಕೆ ಪೂರೈಸಿತ್ತು.
ಅಂದಹಾಗೆ ಇದುವರೆಗೂ ಟಾಪ್ 4 ಅಥವಾ 3ನೇ ಸ್ಥಾನದಲ್ಲಿರುತ್ತಿದ್ದ ನಾಗಿಣಿ-2 ಎರಡು ವರ್ಷಗಳ ನಂತರ ಮತ್ತೆ ನಂ.1 ಸ್ಥಾನ ಪಡೆದುಕೊಂಡಿರುವುದು ಧಾರಾವಾಹಿ ವೀಕ್ಷಕರಿಗೆ ಸಂತಸ ತಂದಿದೆ. ಧಾರವಾಹಿಯ ಗ್ರಾಫಿಕ್ಸ್ ವರ್ಕ್, ಆಸಕ್ತಿದಾಯಕ ಸಂಚಿಕೆಗಳು ವೀಕ್ಷಕರನ್ನು ರಂಜಿಸುತ್ತಿವೆ.
ನಾಗಿಣಿ ಭಾಗ ಒಂದರಲ್ಲಿ ದೀಪಿಕಾ ದಾಸ್, ದೀಕ್ಷಿತ್ ಶೆಟ್ಟಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ನಾಗಿಣಿ-2ರಲ್ಲಿ ನಮ್ರತಾ ಗೌಡ, ನಿನಾದ್ ಹರಿತ್ಸ ಮೋಹನ್ ಸೇರಿದಂತೆ ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ.
