ನವದೆಹಲಿ : ಕೊರೊನಾ ವೈರಸ್ ಪ್ರಚೋದಿತ ಲಾಕ್ಡೌನ್ ಸಮಯದಲ್ಲಿ ಸಿನಿಮಾ ಮಂದಿರಗಳನ್ನು ಮುಚ್ಚಲಾಗಿತ್ತು. ಈ ಹಿನ್ನೆಲೆ ಜನರು ಮನರಂಜನೆಗಾಗಿ ಒಟಿಟಿ ಪ್ಲಾಟ್ಫಾರ್ಮ್ಗಳತ್ತ ಮುಖ ಮಾಡಿದರು.
ಸ್ಟ್ರೀಮಿಂಗ್ ಪ್ಲಾಟ್ಫಾರ್ಮ್ಗಳಲ್ಲಿನ ಕೆಲ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳು ಸಂಚಲನವನ್ನು ಸೃಷ್ಟಿಸಿದವು. 2020ರಲ್ಲಿ ಹೆಚ್ಚು ಮನರಂಜನೆ ನೀಡಿದ ಚಲನಚಿತ್ರಗಳು ಮತ್ತು ವೆಬ್ ಸಿರೀಸ್ಗಳ ನೋಟ ಇಲ್ಲಿದೆ.
- ಮನಿ ಹೀಸ್ಟ್ (Money Heist):
ಸ್ಪ್ಯಾನಿಷ್ ಡ್ರಾಮಾ ಸರಣಿ ಮನಿ ಹೀಸ್ಟ್ನ 'ಬೆಲ್ಲಾ ಚ್ಚಾವೋ' ಎಂಬ ಹಾಡು ಲಾಕ್ಡೌನ್ ವೇಳೆ ಎಲ್ಲರ ಗಮನ ಸೆಳೆದಿತ್ತು. ಮನಿಹೀಸ್ಟ್ನ 5ನೇ ಕಂತು ಇದಾಗಿದ್ದು, ಅತ್ಯಂತ ಜನಪ್ರಿಯ ಸಿರೀಸ್ ಎಂಬ ಹೆಗ್ಗಳಿಕೆ ಪಡೆದಿದೆ. ಉರ್ಸುಲಾ ಕಾರ್ಬೆರೊ, ಅಲ್ವಾರೊ ಮೊರ್ಟೆ, ಇಟ್ಜಿಯಾರ್ ಇಟುನೊ ಮತ್ತು ಇತರರು ತಮ್ಮ ನಟನೆಯಿಂದ ಜನ ಮನಗೆದ್ದಿದ್ದಾರೆ.
2. ಪಾತಾಳ್ ಲೋಕ್:
ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾದ ಈ ಸರಣಿಯಲ್ಲಿ ಜೈದೀಪ್ ಅಹ್ಲಾವತ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅದರ ಕಥಾಹಂದರ ಮತ್ತು ಪಾತ್ರಗಳೊಂದಿಗೆ ಪ್ರೇಕ್ಷಕರನ್ನು ಆಕರ್ಷಣೆಗೊಳಿಸಿದೆ. 'ಪಾತಾಳ್ ಲೋಕ್' ಕಥೆಯು ಒಬ್ಬ ಪೊಲೀಸ್ ಅಧಿಕಾರಿಯ ಸುತ್ತ ಸುತ್ತುತ್ತದೆ.
3. ದಿ ಕ್ರೌನ್ : ಸೀಸನ್ 4
ರಾಣಿಯಾಗಿ ಒಲಿವಿಯಾ ಕೋಲ್ಮನ್, ಮಾರ್ಗರೇಟ್ ಥ್ಯಾಚರ್ ಪಾತ್ರದಲ್ಲಿ ಗಿಲಿಯನ್ ಆಂಡರ್ಸನ್ ಮತ್ತು ರಾಜಕುಮಾರಿ ಡಯಾನಾ ಪಾತ್ರದಲ್ಲಿ ಎಲಿಜಬೆತ್ ಡೆಬಿಕಿ ಅವರು ನಟಿಸಿದ ದಿ ಕ್ರೌನ್ ಸಿರೀಸ್ ಜನಮನ್ನಣೆ ಗಳಿಸಿದೆ. ಸೀಸನ್-4 ರಾಯಲ್ ರೀತಿಯಲ್ಲಿ ಪ್ರದರ್ಶಿಸಿದ್ದಲ್ಲದೆ ಲಾಕ್ಡೌನ್ ವೇಳೆ ಅನೇಕರು ವೀಕ್ಷಿಸಿದ್ದರು.
4. ಟೈಗರ್ ಕಿಂಗ್ : ಮರ್ಡರ್, ಮ್ಯಾಡ್ನೆಸ್ ಅಂಡ್ ಮೆಹೆಮ್ :
ಟೈಗರ್ ಕಿಂಗ್ ಪ್ರಮುಖ ಪಾತ್ರಗಳಲ್ಲಿ ಜಾನ್ ರೀಂಕೆ, ಕೆಲ್ಸಿ ಸಫೆರಿ, ಜಾನ್ ಫಿನ್ಲೆ ನಟಿಸಿದ್ದಾರೆ. ಇದು ಬೆಕ್ಕಿನ ಮಾಲೀಕರಾದ ಜೋಸೆಫ್ ಮಾಲ್ಡೊನಾಡೊ-ಪ್ಯಾಸೇಜ್, ಕರೋಲ್ ಬಾಸ್ಕಿನ್, ಡಾಕ್ ಆಂಟ್ಲೆ ಅವರ ಜೀವನದ ಕಥೆ ಒಳಗೊಂಡಿದೆ. ಏಳು ಕಂತುಗಳ ಡಾಕ್ಯುಮೆಂಟ್-ಸರಣಿಯು ಪ್ರೇಕ್ಷಕರನ್ನು ವಿಚಿತ್ರ ಜಗತ್ತಿನಲ್ಲಿ ಕರೆದೊಯ್ಯುತ್ತದೆ. ಸಿರೀಸ್ ಅಂತ್ಯದ ವೇಳೆಗೆ ಕೊಲೆ, ಸ್ಫೋಟ ಹೀಗೆ ಅನೇಕ ಸಸ್ಪೆನ್ಸ್ಗಳು ವೀಕ್ಷಕರನ್ನು ಹಿಡಿದಿಡುತ್ತದೆ.
5. ಬುಲ್ಬುಲ್:
ಬುಲ್ಬುಲ್ ಚಿತ್ರದಲ್ಲಿ ಟ್ರಿಪ್ಟಿ ಡಿಮ್ರಿ ಮುಖ್ಯ ಪಾತ್ರದಲ್ಲಿದ್ದಾರೆ. ಅವಿನಾಶ್ ತಿವಾರಿ, ಪಾವೊಲಿ ಡ್ಯಾಮ್, ರಾಹುಲ್ ಬೋಸ್ ಮತ್ತು ಪರಂಬ್ರತ ಚಟ್ಟೋಪಾಧ್ಯಾಯ ಇತರ ನಟರು ಅಭಿನಯಿಸಿದ್ದಾರೆ. ಇನ್ನು ಟ್ರಿಪ್ಟಿ ಡಿಮ್ರಿ ನಟನೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 1880ರ ಬಂಗಾಳ ಅಧ್ಯಕ್ಷತೆಯ ಹಿನ್ನೆಲೆಯಲ್ಲಿ ಸಿದ್ಧಗೊಂಡಿರುವ ನೆಟ್ಫ್ಲಿಕ್ಸ್ನಲ್ಲಿ ಪ್ರಸಾರಗೊಂಡಿದೆ.
6. ಸ್ಪೆಷಲ್ ಓಪಿ:
ಕೇ ಕೇ ಮೆನನ್, ಕರಣ್ ಟ್ಯಾಕರ್, ವಿನಯ್ ಪಾಠಕ್, ದಿವ್ಯಾ ದತ್ತಾ, ಮೆಹರ್ ವಿಜ್ ಇತರರು ನಟಿಸಿರುವ ಸ್ಪೆಷಲ್ ಓಪಿ ಸಿರೀಸ್ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಎಲ್ಲಾ ಪ್ರಮುಖ ಭಯೋತ್ಪಾದಕ ದಾಳಿಯ ಹಿಂದೆ ಒಂದೇ ಒಂದು ಅಸ್ತಿತ್ವವಿದೆ ಎಂದು ನಂಬುವ 'ರಾ' ಏಜೆಂಟನಾಗಿರುವ ಮೆನನ್ ಅವರನ್ನು ಹಿಮ್ಮತ್ ಸಿಂಗ್ ಎಂದು ಅನುಸರಿಸಿ ಈ ಸಿರೀಸ್ ನಿರ್ಮಾಣ ಮಾಡಲಾಗಿದೆ.
ಲಾಕ್ಡೌನ್ ಸಂದರ್ಭದಲ್ಲಿ ಒಟಿಟಿ ಮೂಲಕ ಸದ್ದು ಮಾಡಿದ ಚಿತ್ರಗಳು:
- ತಾನ್ಹಾಜಿ: ದಿ ಅನ್ಸಂಗ್ ವಾರಿಯರ್:
ಛತ್ರಪತಿ ಶಿವಾಜಿ ಮಹಾರಾಜರ ಆಪ್ತ ಸಹಾಯಕ ಮತ್ತು ಮಿಲಿಟರಿ ನಾಯಕರಲ್ಲಿ ಒಬ್ಬರಾದ ತಾನ್ಹಾಜಿ ಪಾತ್ರಕ್ಕೆ ಬಾಲಿವುಡ್ ನಟ ಅಜಯ್ ದೇವ್ಗನ್ ಬಣ್ಣಹಚ್ಚಿದ್ದರು. ತಾನ್ಹಾಜಿ ಸಿನಿಮಾವು ಮರಾಠಾ ಯೋಧರ ಜೀವನವನ್ನು ಆಧರಿಸಿದೆ. ಇದು ಪ್ರಸಿದ್ಧ ಸಿಂಹಗಡ್ ಕದನದ ಮೇಲೆ ತಯಾರಾದ ಸಿನಿಮಾ.
2. ಗುಲಾಬೋ ಸಿತಾಬೊ:
ಲಖನೌದಲ್ಲಿ ತಯಾರಾದ ಅಮಿತಾಬ್ ಬಚ್ಚನ್ ಮತ್ತು ಆಯುಷ್ಮಾನ್ ಖುರಾನಾ ಅಭಿನಯದ ಚಿತ್ರವು ಹಾಸ್ಯ ಸಿನಿಮಾವಾಗಿದೆ. ಈ ಸಿನಿಮಾವು ಜನಮೆಚ್ಚುಗೆ ಪಡೆದಿದ್ದು, ಲಾಕ್ಡೌನ್ ಸಂದರ್ಭದಲ್ಲಿ ಒಟಿಟಿ ಮೂಲಕ ಹೆಚ್ಚಯು ಜನಪ್ರಿಯತೆ ಪಡೆದ ಚಲನಚಿತ್ರ ಇದು.
3. ಗುಂಜನ್ ಸಕ್ಸೇನಾ : ದಿ ಕಾರ್ಗಿಲ್ ಗರ್ಲ್:
ಭಾರತೀಯ ವಾಯುಪಡೆಯ ಪೈಲಟ್ ಗುಂಜನ್ ಸಕ್ಸೇನಾ ಅವರ ಜೀವನವನ್ನು ಆಧರಿಸಿದ ಚಿತ್ರ. ಭಾರತದ ಮೊದಲ ಮಹಿಳಾ ವಾಯುಪಡೆಯ ಪೈಲಟ್ಗಳಲ್ಲಿ ಒಬ್ಬರಾದ ಗುಂಜನ್ ಸಕ್ಸೇನಾ ಪಾತ್ರಕ್ಕೆ ಜಾನ್ವಿ ಕಪೂರ್ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರದಲ್ಲಿ ಪಂಕಜ್ ತ್ರಿಪಾಠಿ ಮತ್ತು ಅಂಗದ್ ಬೇಡಿ ಪೋಷಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
4. ದಿಲ್ ಬೆಚಾರ:
2014ರಲ್ಲಿ ತೆರೆಕಂಡ ರೊಮ್ಯಾಂಟಿಕ್ ನಾಟಕ 'ದಿ ಫಾಲ್ಟ್ ಇನ್ ಅವರ್ ಸ್ಟಾರ್ಸ್'ರ ರಿಮೇಕ್ 'ದಿಲ್ ಬೆಚಾರ' ಸಿನಿಮಾ. ಇದು ದಿವಂಗತ ನಟ ಸುಶಾಂತ್ ಸಿಂಗ್ ರಜಪೂತ್ ಅವರ ಕೊನೆಯ ಚಿತ್ರ. ಇನ್ನು ಸುಶಾಂತ್ ಸಾವಿಗೆ ಗೌರವ ಸಲ್ಲಿಸುವ ಸಲುವಾಗಿ ಡಿಸ್ನಿ+ಹಾಟ್ಸ್ಟಾರ್ ಚಂದಾದಾರಿಕೆ ಇಲ್ಲದೆ ಚಿತ್ರ ವೀಕ್ಷಿಸಲು ಅವಕಾಶ ನೀಡಿತ್ತು. ಇನ್ನು ಈ ಸಿನಿಮಾ ಅದೆಷ್ಟೋ ಜನರ ಮನಗೆದ್ದಿದೆ. ಚಿತ್ರದಲ್ಲಿ ಸಂಜನಾ ಸಂಘಿ ಅವರು ಸುಶಾಂತ್ ಜೊತೆ ಅಭಿನಯಿಸಿದ್ದರು.