ಕನ್ನಡ ಚಿತ್ರರಂಗದಲ್ಲಿ ಮಿಸ್ಟರ್ ಅ್ಯಂಡ್ ಮಿಸೆಸ್ ರಾಮಾಚಾರಿಯಾಗಿ ಬೆಳ್ಳಿತೆರೆ ಮೇಲೆ ಮಿಂಚಿ ನಿಜ ಜೀವನದಲ್ಲಿ ಕೂಡಾ ಸಂಗಾತಿಗಳಾಗಿರುವ ಯಶ್ ಹಾಗೂ ರಾಧಿಕಾ ಪಂಡಿತ್ ಸದ್ಯಕ್ಕೆ ಇಬ್ಬರು ಮಕ್ಕಳೊಂದಿಗೆ ಸೆಟಲ್ ಆಗಿದ್ದಾರೆ. ಮಕ್ಕಳ ಆಟ-ಪಾಠವನ್ನು ನೋಡುತ್ತಾ ಎಂಜಾಯ್ ಮಾಡುತ್ತಿದ್ದಾರೆ.
ಇನ್ನು ಕಳೆದ ವರ್ಷ ಐರಾ, ಯಶ್ ಹಾಗೂ ತಾವು ಜೊತೆಗಿರುವ ಫೋಟೋವನ್ನು ಗುರುತಿಸುತ್ತಿರುವ ವಿಡಿಯೋವನ್ನು ರಾಧಿಕಾ ಪಂಡಿತ್ ಸೋಷಿಯಲ್ ಮೀಡಿಯಾದಲ್ಲಿ ಷೇರ್ ಮಾಡಿಕೊಂಡಿದ್ದರು. ಇದೀಗ ಅದೇ ರೀತಿ ಮಗನ ವಿಡಿಯೋವನ್ನು ರಾಧಿಕಾ ಹಂಚಿಕೊಂಡಿದ್ದಾರೆ. ರಾಕಿಂಗ್ ದಂಪತಿ ಪುತ್ರ ಯಥರ್ವ, ಅಪ್ಪ-ಅಮ್ಮನ ಫೋಟೋ ಮುಂದೆ ಕುಳಿತು ತೊದಲು ಮಾತಿನಲ್ಲಿ ಇಬ್ಬರ ಫೋಟೋ ಮೇಲೆ ಬೆರಳು ಇಟ್ಟು ಡಾಡಾ ಮಮ್ಮ ಎನ್ನುತ್ತಿದ್ದಾನೆ. ಪಕ್ಕದಲ್ಲೇ ಕುಳಿತಿರುವ ಐರಾ ಕೂಡಾ ತಮ್ಮನಿಗೆ ಅಪ್ಪ ಅಮ್ಮ ಯಾರು ಎಂದು ಹೇಳಿಕೊಡುತ್ತಿದ್ದಾಳೆ.
ಈ ಸುಂದರ ವಿಡಿಯೋವನ್ನು ರಾಧಿಕಾ ಪಂಡಿತ್, ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. 'ವಿದ್ಯಾರ್ಥಿಗಳೇ ಶಿಕ್ಷಕರಾದಾರೆ ನನ್ನ ಕೆಲಸ ಮುಗಿದಂತೆ' ಎಂದು ಬರೆದುಕೊಂಡಿದ್ದಾರೆ. ಈ ಮುದ್ದು ಮಕ್ಕಳ ವಿಡಿಯೋ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ.
