'ಕೆಜಿಎಫ್ : ಚಾಪ್ಟರ್ 1' ಸಿನಿಮಾ ಬಳಿಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ರಾಕಿಂಗ್ ಸ್ಟಾರ್ ಯಶ್ ಇಂದು 36ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.
ಚಿತ್ರರಂಗದ ಗಣ್ಯರು, ಅಭಿಮಾನಿಗಳು, ಸ್ನೇಹಿತರು, ಆಪ್ತರಿಂದ ಯಶ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ.
ಕೋವಿಡ್ ಉಲ್ಬಣಗೊಳ್ಳುತ್ತಿರುವುದರಿಂದ ರಾಕಿ ಬಾಯ್ ತಮ್ಮ ಜನ್ಮದಿನವನ್ನ ಪತ್ನಿ ರಾಧಿಕಾ ಪಂಡಿತ್, ಮಕ್ಕಳಾದ ಐರಾ, ಯಥರ್ವ್ ಮತ್ತು ಇತರ ಕುಟುಂಬ ಸದಸ್ಯರೊಂದಿಗೆ ಮಾತ್ರ ಆಚರಿಸಿಕೊಂಡಿದ್ದಾರೆ.
ಕೆಜಿಎಫ್ ಚಾಪ್ಟರ್ 2 ಚಿತ್ರದ ಥೀಮ್ ಕೇಕ್
ಯಶ್ರ ಮುಂಬರುವ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾ ಟೀಸರ್ ಯೂಟ್ಯೂಬ್ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಪಡೆದು ದಾಖಲೆ ಬರೆದಿದೆ. ಈ ಟೀಸರ್ನಲ್ಲಿ ರಾಕಿ ಬಾಯ್ ಲೋಡೆಡ್ ಗನ್ ಹಿಡಿದು ಅಭಿಮಾನಿಗಳನ್ನ ನಿಬ್ಬೆರಗುಗೊಳಿಸಿದ್ದರು. ಈಗ ಅದೇ ಸ್ಟೈಲ್ನಲ್ಲಿ ಗನ್ ಹಿಡಿದು ನಿಂತ ವಿಶೇಷ ಕೇಕ್ ಅನ್ನು ಕತ್ತರಿಸಿದ್ದು, ಕೇಕ್ನ ಫೋಟೋ ಸಖತ್ ವೈರಲ್ ಆಗಿದೆ.
ಇದನ್ನೂ ಓದಿ: Yash Movies: ರಾಕಿ ಬಾಯ್ ಸಕ್ಸಸ್ ಹಿಂದಿರುವ ಸಿನಿಮಾಗಳ ಇಂಟ್ರಸ್ಟಿಂಗ್ ಕಹಾನಿ..
ಮುದ್ದು ಮಕ್ಕಳ ಮುದ್ದು ಗಿಫ್ಟ್
ಇನ್ನು ಮಗಳು ಐರಾ ಹಾಗೂ ಮಗ ಯಥರ್ವ್ ಅಪ್ಪನಿಗೆ ವಿಶೇಷ ಗಿಫ್ಟ್ವೊಂದನ್ನು ನೀಡಿದ್ದಾರೆ. ಅದೇನಪ್ಪಾ ಅಂದ್ರೆ, ಹೃದಯದ ಸಿಂಬಲ್ ಬಿಡಿಸಿ, ಅದರೊಳಗೆ ಇಬ್ಬರು ತಮ್ಮ ಅಂಗೈ ಮುದ್ರೆ ಒತ್ತಿ, 'ಹ್ಯಾಪಿ ಬರ್ತ್ಡೇ ಡಡ್ಡಾ' ಎಂದು ಬರೆದ ಡ್ರಾಯಿಂಗ್ ಹಾಳೆ ನೀಡಿದ್ದಾರೆ.
