ಶ್ರೇಯಸ್ ಅಭಿನಯದ ಕನ್ನಡದ ಪಡ್ಡೆಹುಲಿ ಚಿತ್ರ ಇತ್ತೀಚಿಗಷ್ಟೆ ತೆರೆ ಕಂಡಿತು. ಇದೀಗ ಈ ಚಿತ್ರದ ಬಗೆಗಿನ ಒಂದು ವಿಚಾರ ತಡವಾಗಿ ಬೆಳಕಿಗೆ ಬಂದಿದೆ
ಪಡ್ಡೆ ಹುಲಿ ಸಿನಿಮಾದಲ್ಲಿ ನಟ ಶ್ರೇಯಸ್ಗೆ ತಂದೆಯಾಗಿ ಕ್ರೇಜಿಸ್ಟಾರ್ ವಿ.ರವಿಚಂದ್ರನ್ ಕಾಣಿಸಿಕೊಂಡಿದ್ದರು. ಅವರು ಚಿತ್ರದುರ್ಗದ ಕೋಟೆಯ ಮೇಲೆ ಶೃತಿ ಪ್ರಕಾಶ್ ಜತೆ ನಡೆದು ಬರುವ ಸನ್ನಿವೇಶ ಚಿತ್ರೀಕರಿಸಲಾಗಿತ್ತು. ಈ ದೃಶ್ಯ ಚಿತ್ರೀಕರಣ ಮಾಡಲು ವಿ. ರವಿಚಂದ್ರನ್ ಬೆಟ್ಟ ಹತ್ತಲು ಸಾಧ್ಯವಾಗದೆ ಇದ್ದರೂ ಸಹಕರಿಸಿದ್ದರು. ತಮ್ಮ ಬೆನ್ನು ನೋವು ಲೆಕ್ಕಿಸದೆ ಶ್ರಮವಹಿಸಿದ್ದರು. ಡೋಲಿಯಲ್ಲಿ ಅವರನ್ನು ಕರೆತರುವುದು ಎಂದು ಹೇಳಿದರು. ಒಪ್ಪಿ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದರು. ಆದರೆ, ಬಿಡುಗಡೆಯಾದ ಸಿನಿಮಾದಲ್ಲಿ ಆ ದೃಶ್ಯಗಳೇ ಮಾಯವಾಗಿವೆ. ನಿರ್ದೇಶಕ ಗುರು ದೇಶಪಾಂಡೆ ಈ ಸನ್ನಿವೇಶಗಳನ್ನು ಕೈ ಬಿಟ್ಟಿದ್ದಾರೆ.
ಈ ವಿಷಯ ತಿಳಿದು ರಣಧೀರನಿಗೆ ಬೇಜಾರು ಆಗಿದೆಯಂತೆ. ಹಿರಿಯ ನಟನಿಗೆ ಈ ರೀತಿ ಅಗೌರವ ತೋರಿರುವುದು ಸ್ವಾಭಾವಿಕವಾಗಿ ರವಿಚಂದ್ರನ್ ಅವರ ನಿಕಟ ವರ್ತಿಗಳಿಗೂ ಬೇಸರ ತರಿಸಿದೆ.
