ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಅವರ ಜತೆ ಟಾಲಿವುಡ್ ನಟ ವಿಜಯ್ ದೇವರಕೊಂಡ ಮುಂದಿನ ಎರಡು ವರ್ಷಗಳ ಕಾಲ ಯಾವುದೇ ಸಿನಿಮಾವನ್ನೂ ಮಾಡೋದಿಲ್ವಂತೆ.
ಹೌದು, ಹೀಗಂತ ಸ್ವತಃ ಗೋವಿಂದನ ಚೆಲುವೆ ರಶ್ಮಿಕಾ ಅವರೇ ಹೇಳಿಕೊಂಡಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂನಲ್ಲಿ ಅಭಿಮಾನಿ ಕೇಳಿದ ಪ್ರಶ್ನೆಗೆ ಉತ್ತರಿಸಿರುವ ಅವರು, ನಾವಿಬ್ಬರೂ ನಮ್ಮ ನಮ್ಮ ಕೆಲಸದಲ್ಲಿ ಫುಲ್ ಬ್ಯೂಸಿ ಆಗಿದ್ದೇವೆ. ನಾವು ನಮ್ಮ ಕೆಲಸಗಳಿಗೆ ಜಾಸ್ತಿ ಮಹತ್ವ ಕೊಡುತ್ತೇವೆ ಎಂದಿದ್ದಾರೆ.
ಎಂದಿನಂತೆ ಸ್ವಲ್ಪ ಮಜಾ ಮಾಡುತ್ತಲೆ ಉತ್ತರಿಸಿರುವ ರಶ್ಮಿಕಾ, ನಾನು ಅವರಿಗೆ ತುಂಬಾ ಇರಿಟೇಟ್ ಮಾಡಿದ್ದೇನೆ. ಅವರು ಮುಂದಿನ ಎರಡು ವರ್ಷಗಳ ಕಾಲ ನನ್ನ ಜತೆ ಯಾವುದೇ ಸಿನಿಮಾಗಳನ್ನು ಒಪ್ಪಿಕೊಳ್ಳುವುದಿಲ್ಲ ಎಂದಿದ್ದಾರೆ. ರಶ್ಮಿಕಾ ಅವರ ಈ ಉತ್ತರಕ್ಕೆ ಅಭಿಮಾನಿಗಳಿಗೆ ಫುಲ್ ಬೇಜಾರ್ ಆಗಿದೆ.
ಇನ್ನು ಗೀತಗೋವಿಂದಂ ಹಾಗೂ ಡಿಯರ್ ಕಾಮ್ರೇಡ್ ಚಿತ್ರಗಳಲ್ಲಿ ಜತೆಯಾಗಿ ನಟಿಸಿರುವ ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ಟಾಲಿವುಡ್ ಹಾಟ್ ಟಾಪಿಕ್ ಆಗಿದ್ದಾರೆ. ಇವರಿಬ್ಬರು ಡೇಟಿಂಗ್ನಲ್ಲಿದ್ದಾರೆ ಎನ್ನುವ ರೂಮರ್ ಕೂಡ ಕೇಳಿ ಬರುತ್ತಿದೆ. ಆದರೆ, ಈ ವದಂತಿಗಳು ಸುಳ್ಳು ಎಂದಿದೆ ಈ ಜೋಡಿ.
